InfoHub Logo

Memlekettik rámizder – táýelsizdik sımvoly
Maqsaty: İ. Eltańba, Tý, Ánuran týraly túsinikterin nyǵaıtý. Rámizderdiń paıda bolýy jáne tarıhtaǵy mańyzy jaıly túsinikterdi damytý.
İİ. Oqýshynyń este saqtaýyn damytý, óz oıyn durys jetkizýge yntalandyrý.
İİİ. Oqýshylardy Otan súıgishtikke, adamgershilikke, Otanyna, halqyna adal qyzmet etýge, eliniń Týyn, Eltańbasyn, Ánuranyn qasterlep, qurmetteýge, halqynyń tegin, tarıhyn bilýge tárbıeleý.
Sabaqtyń túri: Aýyzsha jýrnal.
Kórnekiligi: Rámizderge baılanysty túrli - tústi sýretter, býkletter, karta, maqal - mátelder, Otan, jer týraly naqyl sózder.

Sabaq barysy:
Kirispe bólim: Bizder táýelsiz qazaq eliniń eń jas ulandarymyz. Sondyqtan óz jerimizdi, óz elimizdi ákeler men atalarymyz sıaqty qadirleýge, súıýge qorǵaýǵa tıis ekenimizdi esten shyǵarmaıyq.
Otan – jerim, Otan - sýym,
Otan qýat, nár beredi..
Otan - uran, Otan - týym,
Otan máńgi gúldenedi - demekshi, táýelsizdigimiz tuǵyrly bolyp, elimizdiń sımvoly – memlekettik rámizderdi qasterlep, qurmetteý bárimizdiń mindetti paryzymyz bolyp sanalady.
2007 jyly 4 maýsymda Astana qalasynda Qazaqstan Respýblıkasy memlekettik rámizderiniń 15 jyldyǵyna arnalǵan «Meniń Qazaqstanym» respýblıkalyq jastar forýmynda Prezıdent N. Á. Nazarbaev sóılegen sózinde: «Memlekettik rámizder – elimizdiń egemendigi men táýelsizdigin pash etetin nyshandar. Bul rámizder bizdiń memleketimizdiń ótkeni, búgini men bolashaǵy arasyndaǵy sabaqtastyqtyń jarqyn beınesi.
Memlekettik rámizder - halqymyzdyń rýhyn, ulttyq salt - sanasyn, qaharmandyǵy men danalyǵyn, bolashaqqa úmitin, arman - tilegin jetkizetin erekshe qundy belgiler. Jelbiregen aspan tústes baıraǵymyz halqymyzdyń armanyn asqaqtatyp, qyran búrkitteı elimizdi aspan áleminde qalyqtap tur» dep atap kórsetti.
Endeshe, «Memlekettik rámizder – táýelsizdik sımvoly» atty aýyzsha jýrnalymyzdy bastaımyz.

Ánuran oryndalady.

Jýrnalymyzdyń birinshi beti: Tuńǵysh Prezıdent.
1 - oqýshy: 1991 jyly 16 jeltoqsanda Qazaqstan táýelsiz respýblıka bolyp jarıalandy.
1991 jyly 1 jeltoqsanda Qazaqstannyń elbasshysy - Prezıdenttiń saılaýy boldy. Tuńǵysh Prezıdent bolyp Nursultan Ábishuly Nazarbaev saılandy.
2 - oqýshy: Ata Zańymyz boıynsha memleket basqarýshysy – Prezıdent. Latyn tilinen aýdarǵanda «prezıdent» sózi «aldynda otyrǵan» degen maǵynany bildiredi. 2005 jyly 4 jeltoqsanda búkil halyqtyq saılaý qorytyndysynda N. Á. Nazarbaev qaıta Prezıdent bolyp saılandy.
3 - oqýshy: Qazaqstan
Qazaqstan deıtin meniń bar elim,
Jatyr alyp jarty dúnıe álemin!
Bul dalany anam jaspen sýarǵan,
Bul dalada atam qolǵa tý alǵan.
Bul dalaǵa jylap kelip, ýanǵam,
Bul dalany kórip alǵash qýanǵam,
Bul dalada ósken janda joq arman!

4 - oqýshy: Keń baıtaq qoı Qazaqstan kartasy,
Astanamen aıshyqtalǵan ortasy.
Búgin bizge tańdaı qaǵar kúlli álem,
Bunyń bári Elbasynyń arqasy.
Shyqty tarap oı - danadan,
Beri qarap juldyz beti.
Ózi qalap saılap alǵan,
Elimniń bar Prezıdenti

5 - oqýshy: Oıanady kóńilden qaıdaǵy arman,
Baqyt jeli eskendeı jaılap alǵan.
Prezıdentim bar meniń eli túgel,
Aq kıizge kóterip saılap alǵan.

Án: Elim meniń.
Jýrnalymyzdyń ekinshi beti: Eńseli Eltańba.
Memlekettik eltańbanyń avtorlary tanymal sýretshiler Jandarbek Málibekov pen Shota Aman Ýálıhanov.
Qazaqta «Shańyraǵyń bıik, keregeń keń, bosaǵań berik bolsyn» degen tilek sóz bar. Eltańba avtorlary osy sózderdi basshylyqqa alǵan. Qazaqstan Respýblıkasynyń Eltańbasy kógildir tústiń ústine salynǵan shańyraq beınesinen turady. Odan jan - jaqqa kún sáýlesi tárizdi ýyqtar taraıdy. Shańyraq pen ýyqtar bizdiń Otanymyzda tynyshtyqta jarasymdy ómir súrip jatqan kóptegen halyqtardyń birligin kórsetedi. Qazaqstan Respýblıkasynyń Eltańbasynyń bir bóligi ertedegi qanatty tulpar. Eltańbanyń joǵarǵy jaǵyndaǵy bes burysh – baqytty ómirge jol silteıtin jaryq juldyzdyń belgisi. Tómengi jaǵyndaǵy «Qazaqstan» degen jazý respýblıkanyń atyn kórsetedi. Masaq Otanymyzdyń baılyǵy ispettes.

1 - oqýshy:
Qatar shapqan qos tulpar,
Aı astynda qazaq úı
Qalyqtaǵan jas suńqar,
Sharyqtaǵan taza kúı.
Bul tańbasy elimniń,
Eldigimniń belgisi.

2 - oqýshy:
Beınelep san ǵasyrdy
Eltańbasy elimniń,
Taratady has úlgi
Kıesindeı jerimniń.
Babam tulpar jaratty,
Qulynynda tanyp - aq.
Tulpar barda qanatty,
Shaıqalmaıdy shańyraq.
Táýelsizdik kórki ol da,
Órkenıet órinde.
Nur tógedi eltańba
Aq ordanyń tórinde.

Án: Eltańbasy elimniń
Jýrnalymyzdyń úshinshi beti: Tuǵyrly týymyz.
Júrgizýshi: Eger de Týǵa tutas zer salsań, avtordyń ony jasaǵanda úlken mazmundy oılastyrǵany baıqalady. Ol jer júzinde álemge nuryn shashqan Kún sáýlesi astynda qıaǵa qanat qaqqan qyran - tynyshtyq pen baıandy ómirdiń belgisi, al oıý - órnek týdyń qaı eldiki ekenin ańǵartady.
Týdyń avtory – Sháken Ońdasynuly Nıazbekov belgili monýmenti - sýretshi. Bizdiń týymyz – kógildir tústi, tik tórtburyshty mata. Ol birlik pen aman - esendikti kórsetedi. Onyń qaq ortasyndaǵy sáýlesin shashqan altyn Kún – tynyshtyq pen baılyqtyń belgisi.
Qazaq halqy sonaý erte zamannan beri qyrandy kıeli, qasıetti qus dep eseptegen. Týda qyrannyń oryn alýy táýelsizdik alǵan Qazaqstan qyran sıaqty bıikte bolsyn, qyran sıaqty ǵumyry uzaq bolsyn degen oıdan týǵan.
Memlekettik rámizder – táýelsizdik sımvoly júkteý