InfoHub Logo

Úkimet kýlýarynda Eńbek mınıstri Svetlana Jaqypova elimizde jaǵdaıy bar kópbalaly otbasylarǵa memleketten qoldaý kórsetpeý máselesi qarastyrylyp jatqanyn aıtty,  dep habarlaıdy Infohub.kz.

"Otbasynyń jan basyna shaqqandaǵy ortasha kirisi – tórt aılyq aralyq mınımýmdy quraıtyn bolsa (shamamen 200 myń teńge), eki jáne odan da kóp avtokóligi, eki jáne odan da kóp jyljymaıtyn múlki bar otbasy – áleýmettik jaǵdaıy joǵary dep eseptelip, kópbalaly bolsa da birjolǵy tólem almaıdy. Mektep formasy, sómek, qaǵaz-qalam syndy qoldaý kómekteri berilmeıdi", - dep málimdedi Úkimet kýlýarynda Eńbek mınıstri.

Sondaı-aq, Jaqypova eldegi eń tómengi kúnkóris deńgeıi jańa ádisteme boıynsha eseptelip jatqanyn aıtty.

"Ótken jyly Eńbek mınıstrliginde eń tómengi jalaqyny esepteý ádistemesi ázirlendi. Onyń negizine eńbek ónimdiligi kórsetkishteri, jalaqynyń medıandyq mólsheri jáne sáıkesinshe ınflásıa kórsetkishteri alynýy tıis", – dedi mınıstr.

Onyń aıtýynsha, esepteýlermen úsh ınstıtýt aınalysyp jatyr, zertteýler áli aıaqtalǵan joq.