InfoHub Logo

Búgin Astanada Májilis pen Senattyń birlesken otyrysy ótti,  dep habarlaıdy Infohub.kz.

Májilis spıkeri Erlan Qoshanov Parlamenttiń segizinshi shaqyrylymynyń IV sesıasyn ashyq dep jarıalady. Bul týraly depýtattar men Úkimet múshelerinen suraqtar bolmady. Biraq bir depýtat ǵana qarsy boldy. Jańa sesıa bastalar aldynda Qazaqstannyń Ánurany oryndalyp, keıinnen birlesken otyrys jabyq dep jarıalandy. Jalpy jıyn nebári bes mınýtqa ǵana sozyldy.

Eki aılyq demalystan keıin resmı túrde jumysqa kirisken depýtattar kýlýar qabyrǵasynda kúzgi maýsym minberde qandaı taqyryptar kóteretinderimen bólisti.

"Meniń taqyrybym qylmystyq zańnama, 2023 jyly depýtat bolyp saılanǵannan beri kóterip kele jatqan "jeke detektıvtik qyzmet" týraly zańym oń qorytyndymen keldi. Osy zań jobasyn ary qaraı qolyma alyp júrgizemin dep senemin. Odan keıin bıyl Antıkor taratylyp, UQK quramyna qosyldy. Osyǵan baılanysty quqyq qorǵaý organdaryn qorǵaý týraly zańdy qaıta qarastyrýymyz kerek bolady. Qylmystyq zańnamany jetildirý zańnamasyna qatysty usynystarym men jumystarym daıyn", - dep pikir bildirdi Májilis depýtaty Abzal Quspan.