InfoHub Logo

Almaty jýrnalısıkasy jańa serpin alýda. Óńirlerdegi medıany órkendetý jáne áriptestermen tyǵyz baılanys ornatý maqsatynda, elimizdegi strategıalyq mańyzy zor ári respýblıkalyq arnaıy statýsy bar Almaty qalasyna Bas redaktorlar klýbynyń resmı ókili taǵaıyndaldy.

Bul jaýapty qyzmetke belgili medıamenedjer, «Alatau Aqparat» medıaholdınginiń Bas dırektory Erjan Qalymbaıuly bekitildi.

Erjan Qalymbaıuly kim?

• Tanymal qazaqstandyq jýrnalıs, medıamenedjer.

• Túrik jáne aǵylshyn tilderin meńgergen.

• Ystambul ýnıversıtetiniń (Túrkıa) doktoranty.

• Eńbek jolyn Qaraǵandy oblystyq «Ortalyq Qazaqstan» gazetinde qatardaǵy tilshi bolyp bastaǵan.

• «Qazaqstan RTRK», «Habar agenttigi», «Qazaq radiosy», «Elarna» telearnasy sekildi iri BAQ-ta jumys istegen.

• «ULYS» halyqaralyq dıdjıtal jýrnaly men ulys.kz aqparattyq-saraptamalyq saıtynyń negizin qalaýshy ári bas redaktory.

2023 jyldan beri ol «Alatau Aqparat» medıaholdıngin basqaryp keledi. Kompanıa quramyna:

• «Almaty Aqshamy»,

• «Vechernıı Almaty» gazetteri,

• aqshamnews.kz, vecher.kz, alnews.kz saıttary kiredi.

Almatydaǵy medıaǵa jańa serpin

Almaty – qazaq jýrnalısıkasynyń ortalyǵy, mádenıet pen ónerdiń astanasy. Erjan Qalymbaıulynyń tájirıbesi men kreatıvti bastamalary Almatydaǵy medıa salasyn jańa deńgeıge kóteredi dep kútilýde.

Bas redaktorlar klýby Almatyda jańa kezeńin bastady.
Erjan Qalymbaıulyna jańa qoǵamdyq qyzmetinde tabys tileımiz!