Sońǵy jańartý

(Ózgertilgen ýaqyty 2 saǵat buryn)
Meniń Otanym – Qazaqstan
Shyǵys Qazaqstan oblysy, Óskemen qalasy.
Qazaq tili jáne qazaq ádebıet pániniń muǵalimi
Gýbaıdýllına Baıan Nurahmetovna

Meniń Otanym – Qazaqstan
Sabaqtyń maqsaty: Qazaqstan týraly bilimderin tıanaqtaý, pysyqtaý, qorytyndylaý. Oqýshylardyń óz Otanyn, týǵan jerin súıýge, ár halyqtyń tilin qurmetteýge, qazaqsha saýatty sóıleýge, Qazaqstannyń azamaty ekenin maqtanysh tutýǵa tárbıeleý.
Sabaqtyń kórnekiligi: keste, mýltımedıalyq qural.
Sabaqtyń túri: nátıje sabaq
Sabaqtyń barysy:

İ. Uıymdastyrý kezeńi.
Sálemdesý, oqýshylardy túgendeý.
(Qurmanǵazynyń «Saryarqa» kúıi oryndalady).
Muǵalim:
- Balalar, sender kúı tyńdaǵanda neni elestettińder?
- Kúı neni bildiredi?
Oqýshylardyń múmkindik jaýaptary: shaýyp kele jatqan at tuıaǵynyń dúbiri, dombyranyń úni, samal jeldiń lebizi.
Synypta oqýshylardyń bilim deńgeıi ártúrli bolýyna baılanysty aldyn ala synyp oqýshylary úsh topqa bólinedi:
1 top - «Uran».
2 top - «Suńqar».
3 top - «Tulpar».

İİ. Muǵalim taqyrypty eske túsirý maqsatynda suraqtar qoıady:
Suraq: Balalar biz qaı elde turamyz?
Jaýap: Otan – adamnyń týyp - ósken jeri, halyqtyń ótkeni men keleshegi.
Suraq: Otan, atameken, týǵan jer qandaı sózder?
Jaýap: Bul sınonım sózder.
Suraq: Adamdar ata-mekenin kimge teńeıdi?
Jaýap: Adamdar ata-mekenin anasyna teńeıdi.
Suraq: Ata – babalarymyz Otanyn qalaı ardaqtaǵan?
Jaýap: Ata – babalarymyz óz Otanyn jan aıamaı jaýdan qorǵaǵan, dastan men jyrlarda jyrlaǵan.

İİİ. Gramatıkalyq tapsyrma: San esimniń erejesin, jasalý joldaryn keste arqyly eske túsirý.
- San esim neni bildiredi?
- San esimniń suraqtary qandaı?
- San esim quramyna qaraı qalaı bólinedi?
- San esim maǵynasyna qaraı qalaı bólinedi?

İV. Bilimderin deńgeılik tapsyrmalar arqyly tekserý.
1 - deńgeı
1. Qazaqstan kartasy boıynsha áńgimeleý.
2. Qazaqstan Respýblıkasynyń rámizderi.
3. Qazaqstan týraly dıalog qurastyrý.
2 - deńgeı
1. San esim (erejesin aıt, mysal keltir).
2. San esimniń taqyrybyn bekitý maqsatynda jattyǵýlar oryndaý.
3. Sanamaq oıyny.
3 - deńgeı
1. Qazaqstan halqy (áńgimeleý).
2. Qazaqstannyń tabıǵaty, baılyqtary (qysqasha málimet).
3. Otan, týǵan jer týraly maqal - mátelder aıtý.

Sergitý sáti.
Sanamaq oıyny (1 – 10)- ǵa deıin sandarǵa baılanysty qazaqtyń naqyl sózderin, maqal – mátelderdi keltirip aıtý.

V. Til damytý jumystary.
- Balalar, biz Otanymyz týraly áńgimelese otyryp, sandardy «sóıleteıik».
Qazaq halqy – san tergeıtin halyq. Qandaı kıeli sandardy bilesińder?(úsh, jeti, bes, t. b.)
«Uran» toby.
- Balam!
Ata baba bas ıetin
«Jeti» degen sannyń
Bilesiń be qasıetin?
- Bilem.
- Bilseń, «Jeti atańdy» ata.
- Áke, bala, nemere, shóbere, shópshek, nemene, týajat.
«Suńqar» toby.
«Jeti» jutty ata.
- Qurǵaqshylyq, oba, mal jutaý, órt, soǵys, sel, jer silkiný.
«Tulpar» toby.
Jer betindegi jeti jetimdi ata.
Tyńdamasa sóz – jetim.
Iesiz qalǵan el – jetim.
Basshysy joq el – jetim.
Aqqý - qazsyz kól – jetim
Elinen aıyrylǵan er – jetim
Qatary qalmaǵan qart – jetim.

VI. Saýattylyqty damytý jumystary.
1) Sóılemdi durys qurastyryńdar.
Qazaqstan Respýblıkasynyń, tili, memlekettik, qazaq tili, Qazaqstan, ólke, baı.
2) San esimniń jurnaqtaryn maǵynasyna qaraı sáıkestirińder.
1. Eseptik besten eki
2. Rettik ekeý
3. Jınaqtyq jetinshi
4. Toptaý júzdegen
5. Boljaldy úsh, myń
6. Bólshektik bes – besten

VII. Pikir almasý.
Suhbattasý.
- Qazaqstan Respýblıkasy qandaı memleket? (egemendi, táýelsiz memleket).
- Bizdiń elde qansha ult ókilderi turady? (130 - ǵa jýyq ult ókilderi turady).
- Qazaqstan Respýblıkasynyń rámizderin ata (Tý, Eltańba, Ánuran).
- Qazaqstanda qandaı iri qalalar bar? (Astana, Almaty, Taraz, Shymkent, Qaraǵandy, Pavlodar, Óskemen, Aqtaý, Atyraý, Aqtóbe).
- Qazaqstanda halyqtyń sany qansha? (17 mıllıonnan astam).

VIII. Qorytyndy jasaý, baǵalaý.
IX. Úı tapsyrmasy. «Meniń Otanym - Qazaqstan» taqyrybyna esse jazý.

You Might Also Like

Jańalyqtar

Jarnama