InfoHub Logo

Bilim berý salasy: Tanym
Uıymdastyrylǵan oqý - áreketi: Qurastyrý
Taqyryby: Meniń qalaýym.

Maqsaty: Balalardyń oı - órisin, sana – sezimin, tilin, oılaý, áńgimeleý qabiletin damytý. Dúnıetanymdyq kózqarasyn qalyptastyrý, qorshaǵan ortany aıalaýǵa qamqorshy bola bilýge, tabıǵat
sulýlyǵyn sezine bilýge, uıymshyldyqqa, aýyzbirshilikke tárbıeleý.
Kóktem kórinisin elestete otyryp tabıǵat qubylystarynyń qasıetin tanyp bilýmen qatar, olardan álde bir zat jasaı bilýge úıretý.
Uıymdastyrylǵan oqý is - áreketiniń kórnekiligi: Jańǵaq, qoǵa, qus beınesi, aǵashtar, qum, ermeksaz, túrli – tústi qaǵaz, shóp, saz.
Uıymdastyrylǵan oqý is - áreketiniń ádisi - tásili: Suraq - jaýap, áńgimelesý, qurastyrý, japsyrý, jalǵastyrý.
Sózdik jumys: Túleý, túleıdi.
Uıymdastyrylǵan oqý is - áreketiniń túri: Aralas.
Aldyn - ala jumys: Kóktem mezgili týraly áńgimeler aıtyp, taqpaqtar jattatý, sýret, japsyrý, músindeý oqý is - áreketterinde kóktem týraly aıtý.

Motıvasıalyq qozǵaýshy
Balalar nazaryn óleńge aýdarý.
Aq qar erip, sý kóbeıip,
Saı - salaǵa qashady.
Aǵash basy búrshik jaryp,
Gúl báısheshek ashady.
Bóbekterim aıtyńdarshy,
Bul qaı kezde bolady?
Kóktem mezgilinde bolady.
- Durys aıtasyńdar balalar, qazir jyldyń qaı mezgili?
- Kóktem mezgilinde neshe aı bar?
Úsh aı bar. Naýryz Sáýir, Mamyr aılary.
- Al qazir qaı aı?
- Biz sáýir aıyn basqasha qalaı ataımyz?
Sáýir aıy. - Kókek aıy.
Osy kókek aıy týraly qandaı taqpaq bilesińder?
Kókek aıy, kókek aıy.
Kókkimbek bop keldi taǵy
Týǵan jerdiń qyr men syry
Jyr jyrlaıdy, án salady.

İzdený uıymdastyrýshy
- Jaraısyńdar balalar, endi aıta qoıyńdarshy osy “Tabıǵat” degenimiz ne?
Aınaladaǵy qorshaǵan orta
- Al tabıǵatqa neler jatady?
Aǵashtar, qustar, jan - janýarlar, ósimdikter jatady
Balalar sender kóp biledi ekensińder, endi bárimiz oıyn alańyna jaqyndaıyq.
- Mine mynaý aldaryńda turǵan “Altyn jebe”atty oıyn túri.
Ózderiń baıqap, kórip turǵan shyǵarsyńdar, bul oıynda sadaq pen jebe kórsetilgen, al aınalasynda ózderińe tanys zattar tur.

Oıyn sharty: Men qazir jebeni aınaldyrǵanda ol qaı túske toqtasa, sol tústegi turǵan zattyń ne ekenin, ne úshin kerek ekenin aıtamyz.
Oıyn alańynda - jańǵaq, qoǵa, ermek saz, aǵash, qum túrli - tústi qaǵaz, bolady. Oıyn barysynda tyıym sózder men eskertýler aıtylyp ótiledi.
- Al endi balalar, qanekeı bir qatarǵa tura qoıyńdar, biz eki topqa bólinemiz, ol úshin ne isteımiz? (1, 2 dep aıtyp shyǵady)
- Balalar sender eki topqa bólindińder. Endi osy toptarymyzdyń atyn qoıyp alaıyq. Meniń qolymda ózderińe tanys eki jýrnal tur, qandaı jýrnal ekenin aıtyp jiberińdershi.
- Durys balalar, bizdiń toptarymyz “Baldyrǵan” jáne “Balbulaq” toby bolady.
-“Balbulaq” toby ońǵa buryl, alǵa bas.
-“Baldyrǵan” toby solǵa buryl alǵa bas.
Balalar eki ústelge jaıǵasady.
Ornymyzǵa jaıǵasyp bolsaq, aldaryńda ózderińe tanys birneshe zattar bar. Osy zattarmen bárimiz birigip, ujymdyq jumys jasaımyz.
“Baldyrǵan’ toby “Kóktemgi kóldiń kórinisi”
“Balbulaq” toby “Kóktemgi aýla kórinisi”
- Balalar senderdiń jumystaryńnyń qalaı oryndalǵanyn tamashalaıtyn bolamyz, sondyqtan ádemi, uqypty etip jasaıyq.
Toptardyń jumystaryn baqylap, qandaı quraldar qoldanyp jatqandaryn balalardan suraý.

Refleksıvti korreksıalaýshy
- Qanekeı balalar jumystarymyzdy aıaqtasaq, jasaǵan kórinisimiz týraly áńgime qurap aıtaıyq (eki topqa áńgime quratý).
- Uıymdastyrylǵan oqý is - áreketin qorytý.
- Balalar senderdiń áńgimeleriń óte qyzyq eken. Sender tamasha tabıǵat kórinisin jasap shyqtyńdar, osy tabıǵatty aıalaıyq, qadirleı bileıik.

Kútiletin nátıje: Qorshaǵan ortany aıalaı otyryp, jaramsyz quraldardy
paıdalanýdy meńgeredi jáne olardan ózderine kerek zat jasaı alady.