InfoHub Logo

Ońtústik Qazaqstan oblysy Túrkistan qalasy MKQK «Bolashaq» ıaslı-baqshasynyń psıhology
Musahanova Aıagóz Abdýllaqyzy

Qaıyrly kún! Qurmetti ustazdar! Kóńil-kúıińiz qalaı? Men sizdermen qazir psıhologıalyq trenıń júrgizemin. 
Maqsaty: Qatysýshylardyń pozıtıvtik kóńil-kúıin kóterý, júıke júıesin demaldyrý, bir-birine degen qundylyq, sergektik, adamgershilik qatynasyn qalyptastyrý jáne ujymdy biriktirý. 

Qajetti qural-jabdyqtar: Jumsaq oıynshyq, marker, vatman, jip, qaıshy, jelim. 

Psıhologtyń kirispe sózi. 
Búgingi trenıńke qosh keldińizder! Bul psıhologıalyq trenıń sizderdiń bir jylǵy oqý jyly boıy jaqsy kóńil-kúıde júrýlerińizge arnalǵan. Biz, búgin balalardyń erekshelikteri jóninde,  qıyndyqtary jóninde áńgimelespeımiz. 
Shamamyz kelgenshe, jalpy ujymdyq jaqsy kóńil-kúı qalyptastyrýǵa tyrysamyz. Ol úshin biz ózimizge senim men úmit uıalatyp, jyly shyraı tanytsaq, barlyǵy oıdaǵydaı bolady. Oqý jylynyń sátti ótýi, ony bizdiń qandaı kúıde qarsy alatynymyzǵa baılanysty. 
Shattyq sheńberi: «Tanys bolaıyq»

Tanysý erejesi: Qatysýshylar sheńber boıymen turady. Saǵat tili boıymen árqaısysy óz esimin atap, esimi jaıly, esimine sáıkes minez - qulqy jaıly qysqasha aıtyp ótedi. Árkimniń tanysýy bir - birine uqsamaýy tıis.(Mys. Tanys bolaıyq: meniń esimim Aısulý (bolar - bolmas basymdy ıemin (ekinshi biri – ıiledi ) t. b.) 

«Kóńildi mýzyka» oıyny

Maqsaty: boıdaǵy sharshaýdan, stressten arylý.

Sharty: sheńber boıymen turyp, bir - biriniń ıyqtaryna qoldaryn qoıady. Mýzykanyń yrǵaǵymen sheńberdi aınala otyryp bılep, ıyqqa aqyryn saýsaq qımyldarymen massaj jasaıdy. Oıyn keri qaıtalanyp otyrady.

Júrgizýshi: Rahmet, bul bizdiń sergitý jattyǵýymyz bolatyn. Trenıńimizdiń kelesi bólimine ótemiz. Birinshi bólimde biz «keremet» sóziniń maǵynasyn aıqyndaýǵa tyrystyq. Taqyrybymyzdy odan ári ashý úshin keremet degen uǵymdy balalardyń kózimen (oqýshylardyń) túsinýge tyrysyp kóremiz.
Sergitý oıyny. «Suraq-jaýap». 
Júrgizýshi dopty kez-kelgen qatysýshyǵa laqtyra otyryp, suraq qoıady, jaýap bergennen keıin dopty qaıtadan júrgizýshige keri laqtyrady. 
Mysaly: 
Júrgizýshi: Búgin sizdiń kóńil-kúıińiz qandaı? 
Qatynasýshy: Kóńil-kúıim shaıdaı ashyq. 
Júrgizýshi: Shaıdaı ashyq taǵy ne bolady? 
Qatynasýshy: Kún. 
Júrgizýshi: Kún taǵy qandaı bolady? 
Qatynasýshy: Sátti. 

Sergitý oıyny «Búgin meniń topta kórgenim.........» 
Júrgizýshi: Qatynasýshylardyń oń jaǵynda turǵan kórshisine qarap baıqaǵan ózgeristerin sol adamǵa aıtýdy usynady. Árbir qatynasýshy «Búgin men bul topta kórgenim, kórshimniń.........». 

1. Jattyǵý «Jaǵdaıattan shyǵý» 
Maqsaty: logıkalyq oılaý arqyly kez- kelgen jaǵdaıdan shyǵa bilý. 
Nusqaý. Bul oıynǵa óz erkimen maǵan 3 adam kerek. Qalǵandary baqylaýshylar bolady. 
Oıynnyń máni: úsh dos bir jerde kezdesý týraly kelisý kerek. Biraq olardyń biri-saqaý, biri-soqyr, endi biri –sańyraý. Kezdesetin jerdi tek saqaý ǵana biledi. Ol óziniń dostaryna qaıda qashan barý kerektigin túsindirý kerek. 
Taldaý: 
Jaǵdaıattan shyǵý ońaı boldy ma? 
Sen osy kezdesýdi qalaı túsindirer ediń? 

2. Jattyǵý «Bir kúnniń qorytyndysy». 
Nusqaý: Jaılanyp otyryńyz. Biz qazir bir-birimizge jumsaq oıynshyqty beremiz, ózimizdiń ótken trenıńten alǵan áserimizdi aıta otyryp, bir-birimizge tilek tileımiz. Bir kisi sóılep otyrǵanda, basqalaryn muqıat tyńdaý, sózdi bólmeý, áriptesterin qurmetteýdi suraımyn. 
Taldaý: 
Ótken trenıń sizge ne ózgeris alyp keldi? 
Búgingi jattyǵýdan qandaı áser aldyńyz? 
Ózińizge qandaı jańalyq ashtyńyz? 
Keleshekte qoldanýǵa ózińizben neni alyp ketesiz? 

Qorytyndy. 
Búgingi trenıńke belsendi qatysqandyryńyzǵa kóp rahmet. 
Sizderge shyǵarmashylyq tabys tileımin.

---