Astanada birneshe mekteptiń asqanasy talapqa saı bolmaı shyqty
Táýelsiz komısıa elordadaǵy birneshe mektepte júrgizgen tekseris barysynda birqatar buzýshylyqtardy anyqtady.
«Bilim basqarmasynyń bastamasymen táýelsiz komısıa jasaqtalyp, elordadaǵy birneshe mektepte tekseris ótkizildi. Búgin tekserister kezinde talapqa saı kelmeıtin tustar boıynsha hattama toltyrylyp, sonyń negizinde shara qoldanylady», - deıdi Astana qalalyq Bilim basqarmasynyń baspasóz hatshysy Jazıra Asanova.
Onyń sózine qaraǵanda, oqý jylynyń basynan beri mektep dırektorlaryna mektep asqanasynyń jaǵdaıyn jaqsartýǵa qatysatyn sarapshylyq komısıalar qurý tapsyrylǵan.
«Mektep asqanasyndaǵy dám-tamaqtyń sapasyn baqylaıtyn ata-analar komısıalary qazirdiń ózinde bar. Ereje buzýshylyq jaǵdaıy anyqtalsa, hattama toltyrylyp, azyq-túlik jetkizýshige ony retteýge merzim beriledi. Eger rettemese, mektep sol hattama negizinde kelisimshartty sozbaýyna, eger talap óreskel buzylsa, kelisimshartty buzýyna bolady», - deıdi J. Asanova.
Sondaı-aq, azyq sapasynyń talapqa saı emes ekeni anyqtalǵan jaǵdaıda: 55-68-74, 55-74-67 nómirlerine habarlasýǵa bolady.
Buryn jýrnalıs Gúlbaný Ábenova Facebook-tegi jazbasynda mektep asqanasynda balalarǵa beriletin tamaqtyń sapasyn synǵa alǵan bolatyn. Budan tys, merzimi ótip ketken azyq-túlik ónimderiniń sýretin jarıalap, maıonez ben kechýp buzylǵan tońazytqyshta saqtalyp jatqanyna keıis bildirgen.
Jazbany birneshe saǵatta myńnan astam paıdalanýshy bólisken, osy jaǵdaı jurtshylyq arasynda alańdaýshylyq týǵyzǵan.
Derekkózi: QazAqparat
You Might Also Like
-
Ońtústik Qazaqstan oblysy Túrkistan qalasy MKQK «Bolashaq» ıaslı-baqshasynyń psıhology Musahanova Aıagóz Abdýllaqyzy
-
Qytaıda ımperatordyń ózi de, onyń qaraýyndaǵy halyq ta qytaılyq bolatynyn óziń bilesiń ǵoı. Bul oqıǵa baıaǵyda bolǵan, sondyqtan da umytylmaı turyp, saǵan aıtyp bereıin!
