InfoHub Logo

Tanymal jýrnalıs ári telejúrgizýshi Dana Nurjigit áleýmettik jelidegi paraqshasynda alańdatarlyq jaǵdaıdy baıandap, kópshilikten kómek surady.

Bul týraly Infohub.kz aqparat agenttigi habarlaıdy.

Onyń aıtýynsha, ajyrasqan, balasy bar áıel tanysqan er adamnyń tarapynan qysym men zorlyq kórip júrgen. Dana Nurjigittiń jazýynsha, álgi er adam eki aıdyń ishinde áıeldiń ómirin tozaqqa aınaldyryp úlgergen. Ol áıeldiń bar aqshasyn alyp qoıyp, ketip qalsań qorqytatynyn, ańdıtynyn aıtqan.

Qamap, uryp-soqqan

Dana Nurjigittiń sózinshe, sońǵy ret kelgende álgi er adam áıeldi 5-6 saǵat boıy úıge qamap, uryp-soqqan. Áıel áreń degende óz úıinen qashyp shyqqan.

Telejúrgizýshiniń aıtýynsha, jábirlenýshi polısıaǵa aryz jazýǵa daıyn, biraq advokat jaldaýǵa qarjysy joq. Álgi adam kúni-túni qorqytyp, túrli nómirden habarlasyp, «stalkıng» jasap júrgeni aıtylady.

Qoǵamǵa úndeý

Jýrnalıs bul oqıǵanyń ózine qatty áser etkenin aıtyp, qoǵamdy beıjaı qalmaýǵa shaqyrdy. Ol jeke habarlama arqyly kómek suraǵan áıelmen kezdeskenin jáne qazir jany qınalyp otyrǵanyn jetkizdi.

Qoǵam belsendileri mundaı jaǵdaılarda jábirlenýshilerge quqyqtyq jáne psıhologıalyq kómek kórsetýdiń mańyzdy ekenin atap ótýde.