Minezsiz qalamgerden minezdi dúnıe shyqpaıdy
Turan ýnıversıteti Jýrnalısıka kafedrasynyń
1 kýrs stýdenti Kýsaın Móldir Baqytbekqyzy
Jetekshisi: Álmish Jadyra Talǵatqyzy
Minezsiz adam... Ol kim? Bul dúnıede minezsiz adam bolýshy ma edi?! Jaratýshymyz Adam Ata men Haýa Anany jaratqanda olarǵa óziniń 99 esiminiń, ıaǵnı, asyl qasıetteriniń 0,1% boıyna darytyp jaratqan. Qasıet ol – minez. Minez ol – adamnyń ishki jan dúnıesi, boıyndaǵy, oıyndaǵy, júregindegi jaqsy men jaman qasıetterdi saralap, suryptaı alýy.
Minez 7 mıllıard adamnyń bárinde bar. Bireý jýas, bireý sabyrly, bireýi jaıbasar degen sıaqty... Sáıkesinshe, osy qasıetter boıynan tabylatyn adamdy eshkim minezdi adam demeıdi. Minezdi degen basqasha maǵyna, basqasha termın. Minezdi adam – sanaly adam. Oıyn eshkimnen qoryqpaı, tik jetkizetin, bar bolmysy, jan dúnıesi men sanasy ádildikti qoldaıtyn, ádildiktiń jolynda janyn qurban etetin adam. Minezdi adam – óziniń paıdasy úshin ótirik aıtpaıtyn adam. Minezdi adam – Jaratýshydan basqa eshkimnen qoryqpaıtyn adam. Mine, men boıynan osy qasıetter tabylatyn adamdy aýyz toltyryp, «Minezdi adam» deýshi edim. Degenmen, menimen kelispeıtin jandar bolar... Biraq bul meniń ózimniń jeke oıym.
Minezsiz qalamgerden minezdi dúnıe shyqpaıdy... Óte oryndy aıtylǵan, kelisesiz be? Orystardyń jaqsy sózi esime túsip otyr: «ultty qoldap, ulttyń jazýshysy bola almasań qolyńa ne úshin qalam alyp, kim úshin jazdyń?»,- degen. Minezsiz adam joq, ekijúzdi adam bar. Ádildikti jaqtaımyn dep, paıdasy úshin ótirik aıtatyn adam bar. Minezsiz adam – ádilettiliktiń ıisin sezbeıtin adam. Aıtpaǵym, minezdi dúnıe shyǵarý úshin adam eń aldymen, ózimen jumys jasaýy kerek. Jalpy, dinı jaǵynan qarastyrsam da, pendelik jaǵynan qarastyrsam da báribir. Quranda: «adam tek bir minezdi bolý kerek» delingen. Basyńa qaıǵy tússe de, qýanysh ornasa da...
Allanyń 86-shy qasıetti esimin bilesiz be ? «Ál-Mýqsıt» - ádil. Ol ádildik árbirimizdiń boıymyzda bar. Tek, minezsiz adam ǵana sol ádildikti jamap, «eshkim kórip turǵan joq qoı», «eshkim bilmeı qalady ǵoı» ıa bolmasa, óz ómiri úshin qorqyp, tula boıyndaǵy tunyp turǵan «namysyn» taptap, joıady. Endi, osy adamnan qalaı ǵana «minezdi dúnıe» shyǵady dep oılaımyz?...
Maqalamdy Álıhan Bókeıhanovtyń sózimen aıaqtaǵym kelip otyr: «Ultyn súıý bilimnen emes, minezden!».
You Might Also Like
-
Koronavırýs ınfeksıacy ınsýlt pen epılepsıa týdyrýy múmkin.
-
Alla saqtasyn dep sóıleıik. Tis aýyrǵandy dos túgili dushpanymnyń basyna tilemes edim. Tipti “Qazir seniń janyńdy alamyn!” dep turǵan janalǵyshqa da tileıtin aýrý emes eken.
