InfoHub Logo

№ 19 sabaq Taqyryp: Otbasylyq qundylyqtar
Ózin-ózi taný sabaǵynyń jospary
Qundylyq: durys áreket Qasıetter: qaıyrymdylyq, janashyrlyq, jaýapkershilik
7 synyp
Oqýshylar sany:
Sabaq maqsaty: Otbasylyq qundylyqtardy túsindire otyryp, durys áreket qundylyǵynyń mánin ashý.
Mindeti:
- otbasylyq qundylyqtardy durys áreket qundylyǵynyń negizinde túsindirý;
- qaıyrymdylyq, janashyrlyq qasıetterin damytý;
- oqýshylardy otbasy aldyndaǵy jaýapkershilikterin sezine bilýge tárbıeleý.
Resýrstar: úntaspa, sýretter, naqyl sózder

Sabaq barysy:
1. Uıymdastyrý kezeńi.
«Nurǵa bólený»
Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz. Qolyńyzdy tizeńizge nemese ústelge qoıýǵa bolady. Kózderińizdi jumýlaryńyzdy ótinemin.
Elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balyǵy jáne taza ásem gúl sizdiń ár oıyńyzdy, ár sezimińizdi, emosıańyz ben tilek - qalaýyńyzdy shaıyp, júregińizdiń qaýyzyn ashty.

Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, izgi ister isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy.

Odan ári nur sizdiń aýyzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderińizge de jetti, kózimiz tek jaqsyǵa qarap, bárinen jaqsylyqty kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi.

Nur birte - birte qarqyn jáne shuǵylana bastaıdy, sizdiń deneńizden shyǵyp, jan - jaǵyńyzdan sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń da júregi nurǵa tolsyn. Osy nur búkil álemge: barlyq adamdarǵa, jan - janýarlarǵa, ósimdikterge, barlyq tiri janǵa taralsyn.... Ǵalamnyń barlyq túpkir - túpkirine nur baǵyttańyz. Oısha aıtyńyz:"Men nurlymyn... Nur meniń ishimde... Men Nurmyn"
Osyndaı Nur, Mahabbat jáne Tynyshtyq kúıinde otyra turyńyz....
Endi osy Nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz.
Jaımen kózińizdi ashýǵa bolady. Rahmet.

2. Úı tapsyrmasyn tekserý. №19 sabaq 74 bet
«Atasy men ájesi» mátinin suraqtar qoıý arqyly suraý,
Suraqtar:
Murat qandaı qundylyqtardy boıyna sińirip ósti?
Senderdiń otbasylaryńda urpaqtar sabaqtastyǵy saqtalǵanba? Áńgimelep ber
Otbasyńnyń tarıhynan ne bilesiń? Ata - babalaryńnan qandaı asyl mura (rýhanı) qaldy? Seniń oǵan kózqarasyń qandaı? Sabaq barysyn talqylaý: 5 T erejesin eske salý.
1. Tártip
2. Talap
3. Tynyshtyq
4. Tazalyq
5. Tatýlyq

Atasy men ájesi
Jámıla Aıazbekova
Atasy men apasy Murattyń ápil - tápil kezinde óz baýyrlaryna salǵan. Ózderi turatyn Úsharalyna alyp ketken. Sol kúnderden bastap Murattyń apasy jasaryp, kúnnen kúnge shırap, betine qan júgirdi. Áke - sheshesi qalada qaldy. Shal - kempir balalary aıaqtaryna turǵansha degen kómegi ǵoı, bir jaǵynan, tuńǵyshyn ata - anasynyń baýyryna salatyn eskiden kele jatqan dástúr - salt esh sókettikke jatpaıdy, qaıta jarasymdy úıdiń sánin keltiretin ádet. «Nemere balasynan da tátti» degen uǵymnyń jany bar. Nemere súıgen ata - ananyń jasy uzarady, jany jadyraıdy, al bala eshqashan tasbaýyr, ózimshil bolmaıdy. Bala kúlkisin estigen, onyń alǵashqy basqan qadamyn kórgen, asty - ústine túsip ábiger bolǵandar jasarmaı qaıtedi. Ata - babalarymyz sony qalaı bilgen: biz de sondaı bolyp jetilsek arman bar ma?
Osynaý bir túp - tamyry dana dástúr, ata - bala - nemere sekildi urpaqtyń úsh tarmaǵyn berik etip bekitip tastaǵandaı. Urpaqtyń tarmaqtary qalaı ósip jetse de, qandaı joldar qıasyna jetelese de, bul baılanys, tekti aǵashtyń tamyrlaryndaı onyń tarmaqtaryn dińnen bólip jibermeı, myqty tuǵyr bolyp qalatyny anyq. Urpaqtar osylaı úzilmeı jalǵasyp, ár tarmaǵy óz aldyna máýelep sheksizdikke umtylar, al qazaǵymyz, Qorqyt ata aıtqandaı, ólmeı ómir súreri anyq. Mine, Murat ta ata - ájesiniń qolynda sóıtip ósken. Óz jerine, týǵan topyraǵyna tamyr jiberip jetilgen. Keń dúnıege bala shaqtan oıyn arqyly, jaılaý keshterinde bar yntasymen estıtin ertek - ańyzdardan óz boıyna eliniń, ultynyń qunarly nárin sińirip keldi. Urpaqtan - urpaqqa úzilmeı aıtylatyn dala danalyǵy bala sanasynda jattalyp qalǵan. Sondyqtan da týǵan jerdi qorǵaý, batyrlar dańqy, kórshi - kólemge qamqor bolý, úlkendi syılaý, dosqa senimdilik degen ataýlar ol úshin qanymen qosa qozǵalǵan tabıǵı uǵymdar edi.

● Bala tárbıesindegi ata men ájeniń róli qandaı?
● «Osynaý bir túp - tamyry dana dástúr, ata - bala - nemere sekildi urpaqtyń úsh tarmaǵyn berik etip bekitip tastaǵandaı» degen tujyrymmen kelisesińder me? Nelikten?
● Senderdiń otbasylaryńda urpaqtar sabaqtastyǵy saqtalǵan ba? Áńgimelep ber.
● Murat qandaı qundylyqtardy boıyna sińirip ósti?
● Otbasyńnyń tarıhynan ne bilesiń? Ata - babalaryńnan qandaı asyl mura (rýhanı) qaldy? Seniń oǵan kózqarasyń qandaı?

№21 Jambyl atyndaǵy orta mektebi
Muǵalim: Nurjanova T.