InfoHub Logo

Atyraý oblysy,
Isataı aýdany, Isataı selosy
Jalpy bilim beretin Isataı orta mektebi
Bastaýysh synyp muǵalimi
Tilepıeva Aqboryq Nýrlybaıqyzy

Tárbıe saǵatynyń maqsaty:
1) Balalarǵa kúzgi tabıǵattyń ereksheligin bildirý.
2) Kúz mezgiliniń tirshilikte tıer paıdasyn, tabıǵattyń ózgesheligin, qyr - syryn taqpaq, óleń joldar men naqyl sózder arqyly oı - órisin damytý. Jyl mezgiliniń ishindegi kúz aıynyń alatyn orny jóninde aıtý.
3) Balalardy tabıǵatty qorǵaýǵa, súıýge, aıalaýǵa, qajyrly eńbek etýge tárbıeleý.
Sabaqtyń kórnekiligi: Sýretter, synypty bezendirý, aplıkasıa, jemis - jıdek, kórme.
1j. Arýjan
- Armysyzdar, ulaǵatty ustazdar!
Barmysyzdar, jadyraǵan jas dostar!
Bárekeldi, merekeli altyn kúz qutty bolsyn!
Ýa, halaıyq, halaıyq,
Munda nazar salaıyq!
Merekesi halyqtyń
Altyn kúzge arnalǵan,
Keshimizdi bastaıyq!

2j. Rınat
Qurmetti «Altyn kúz» merekesine jınalǵan muǵalimder qaýymy men ata - analar jáne oqýshylar! Dástúrge aınalǵan «Altyn kúz» merekesine qosh keldińizder! Qasıetti kúz mezgilin bir sózben aıtyp jetkizý múmkin emes. Kúz - baılyq, kúz - molshylyq, kúz - qýanysh, kúz - shattyq deı otyryp, kúzdi 2 «b» synyp oqýshylarynyń qatysýymen úlken saltanatty merekege aınaldyryp otyrmyz.
1j. Arýjan
Mine, bizdiń ómirimizge taǵy da bir «Altyn kúz» kelip jetti. Jasymyzǵa jas qosylyp, bir synypqa joǵarylap, taǵy da bir kúzdi qarsy alyp otyrmyz.
2j. Rınat
Taǵy da kúz, taǵy mine, sary tańdy uzaq tún,
Ýysynda taǵy men uıqy deıtin tuzaqtyń.
Oı - hoı, shirkin, taǵy mine bir kúzdi men uzattym
Ómirimniń eseıgenin sezinemin kúzde men.

1j. Arýjan
Aldaǵyǵa asyǵamyn, ótkendi áste izdeýmen,
Oı - hoı, shirkin, bolashaqqa qumarmyz biz degen.
Júrshi, janym, qońyr kúzde serýendeıik jyraqta,
Qaıtqan qustyń áýenimen qoshtasaıyq qyratta.
2j. Rınat
Kúz ótkenge keıimeımin, saǵynamyn biraq ta,
Qaıtyp bara jatyr áne saǵynyshtar, tyrnalar.
Aq qaıyńdar, tal, terekter altyn sary syrǵalar,
Týǵan jerdiń keýdesinde tunjyraıdy jylǵalar.
Taqpaqtar aıtý
1 oqýshy Ádilet
Jańartqan ǵalamdy,
Jańbyrly ǵajap - aı.
Osynaý zamanda,
Ornatqan qazan - aı.
2 oqýshy Lázıza
Kúzde keldi kúz keldi,
Kúderin jaz úzgendi.
Kúz de keldi kúz keldi,
Kókte bulttar júzdi endi,
Kúz de keldi kúz keldi.
Qustar meken izdedi.
Qondyrmady túzge eldi.
Kúz de keldi kúz keldi,
Kerek oqý bizge endi.

3 oqýshy Ilás
Qaıtqan qusty kórdiń be?
Qaptaı ushqan áýelep,
Kútken kúzim keldiń be?
Syńsyp baǵyn máýelep.
Qamba toly astyqqa,
Alǵys saǵan altyn kúz.
Bir ýys dán shashtyq ta,
Qap – qap qylyp aldyq biz.
1j. Arýjan
Tabıǵattan babamyz ala kelgen sekildi,
Darhandyqty qazaqqa dala bergen sekildi.
Erkelikti, erikti jelden alǵan sekildi,
Móldirlikti kógildir kólden alǵan sekildi - dep Qadyr Myrzalıev aǵamyz jyrlaǵandaı búgingi kúzgi merekemizdi tabıǵatty aıalaý. Tabıǵat sulýlyǵyn saqtaý taqyryptarymen ushtastyrsaq artyq aıtpaǵan bolar edik.

Kúzdik kórme. /oqýshylar jasap kelgen buıymdaryn kórsetip, áńgimeleıdi/
4 oqýshy Amangúl
Artty qut pen bereke,
Astyq toly mereke.
Saltymyz ǵoı mereke,
Altyn kúzdi toılaımyz.
5 oqýshy Ravıl
Qyzyl qyrman basynda,
Aq bıdaıdy sapyrǵan.
Dıqandardyń qasynda,
Kúz esepshi otyrǵan.
6 oqýshy Danagúl
Aǵashtardan japyrlap,
Ushty kenet japyraq.
Oı, alaqaı tamasha,
Shashý shashty japyraq.
2j. Rınat
Erke ósip en jaılaǵan ul men qyz,
Bárine sálem joldap júrekten biz.
Tátti kúı, asqaq án men ásem bıdi,
Sizderge tartý etip biz de turmyz.

1j. Arýjan
Án: Qustar qaıtyp barady.
7 oqýshy Erlan
Kórinip elime
Kúnderi mereke
Keldi ǵoı jerime
Kúz deıtin mereke

8 oqýshy Daryn
Altyn sary qyzyl kók
Alýan - alýan japyraq
Kúzgi baqta kúlimdep
Kóz tartady atyrap
9 oqýshy Tórehan
Bultıyp búıiri
Qulaıdy qyrdan mal
Kúzgi baqta kúlimdep
Kóz tartady atyrap
1 j Arýjan
Demeńizder biz ónerdi aıap qaldy
Mezgilde biraz jerge taıap qaldy
Baǵa berip dastarqan mázirine
Kúzdik dámge shaqyrsaq qonaqtardy

2j Rınat
Qyzdardyń daıyndaǵan salaty
10 oqýshy Nurlygúl
Qarashy dalaǵa
Reńi sary ala
Pisti alma salbyrap
Sarǵaıdy bal quraq
Aspanda qaptaǵan
Bir tynysh tappaǵan
Jóńkilip keledi
Sýyq jel esedi

11 oqýshy Tahmına
Berekesin jınaýǵa
Ólkemizge kúz keldi
Jemisterin jınaýǵa
Shaqyrady bizderdi.
Qustar qaıtty án salyp,
Bult torlady aspandy.
Qys keledi jar salyp,
Kúzgi sýyq bastaldy.

12 - oqýshy Gúlnaz
Altyn kúz siz ben bizge shýaq shashsyn,
Kóńildiń serippeli kúıin ashsyn.
Baq penen shattyq birge qatar qonyp,
Bizderge birlikpenen ortaqtassyn.

1 - j: Arýjan
Keltiretin árdaıym sezim kúıin,
Qarsy alaıyq, Lázızanyń Shyǵys bıin.

Qorytyndy
Bilim – teńiz, mektepti keme deımiz,
Bilim menen tárbıe egiz deımiz.
Ádebi men tálimi úndesetin,
Jastardy bolashaqqa jeteleımiz.
Qosh deımiz áli talaı keshter bar,
Ónerleriń órleı bersin ulandar,
Oıly orta keńeısin kúnnen - kúnge, Ósken eldiń jurtynan qalyspańdar - deı otyryp, búgingi Oı - hoı, shirkin, taǵy da kúz atty keshimizdi aıaqtaı kele nazarlaryńyzǵa «Kúzgi tús» válsin usynamyz.
Váls: oqýshylar bıleıdi.
Sóz kezegin ustazdarǵa beremiz.