InfoHub Logo

Mańǵystaý oblysy, Aqtaý qalasy,
M. Áýezov atyndaǵy orta mektepte
bastaýysh synyp muǵalimi
Býlekbaeva Gýljan Erkeshovna

Taqyryby: «Qarttarym - asyl qazynam»
Maqsaty: Úlkendi syılaýǵa, adamgershilikke, izettilikke tárbıeleý. Óleńdi mánerli oqýǵa daǵdylandyrý. Shyǵarmashylyq qabiletterin damytý. Jaýapkershilikke tárbıeleý.
Kórnekiligi: naqyl sózder, slaıdtar, sharlar
Júrisi:
Intertaqtada taqyryby jazylyp turady.
Muǵalim:
Kóp jasaǵan qarıa,
Aqyly teńiz - darıa.
Kóp ónege sózi bar,
Sózi - soqpaq, sózi - nár.
Qymbatty aq jaýlyqty ájeler men aqyldyń kenin arqalaǵan aıbyndy atalar! 3 - synyp oqýshylarynyń qatysýymen «Qarttarym - asyl qazynam» atty tárbıe saǵatymyzǵa qosh keldińizder!
1 - Júrgizýshi
Merekeńiz qutty bolsyn ata - apa!
Kókirekten jyr tógilmeı jata ma?
Zeınetine jetińizder ómirdiń,
Kenelip bir iltıpatty bataǵa.

2 - Júrgizýshi:
Ata salty ardaqty,
Árbir sózi salmaqty.
Sol sózderdi uqpasań,
Tistersiń bir kún barmaqty.

1 - oqýshy:
Aıtary mol ǵulama,
Kóp jasaǵan bul adam.
Ákesi ol ákeńniń,
Biler ony suraǵan,
Ol kim? (Ata)

2 - oqýshy:
Aımalaıdy «Kúnim»dep,
Meıirimdi júzi kúlim dep.
«Tátti - aq» deıdi nemere,
Bal shyryndaı úniń dep.
Ol kim? (áje)

1 - júrgizýshi:
Ata - ardaqty tulǵa. «Ákeden ul týsaıshy, ata jolyn qýsaıshy» dep halyq urpaqqa atanyń murasyn jalǵastyrýdy ýaǵyzdaıdy. Ata urpaǵynyń qaıyrymdy, meıirimdi, aqyldy, isker bolýyn tilep, sol úshin qamqorlyq is - áreketterin basy jerge jetkenshe damyta beredi, ónege kórsetedi, ósıet aıtady.

2 - júrgizýshi:
Áje - aq sút bergen analardyń anasy. Áje árqashan da balalyq bal dáýrenniń basy - qasynda bolyp, asyraýshy, aıalaýshy, tárbıeleýshi basty kisi. Ana perzentin kóbinese ájeniń qaraýynda qaldyrady. «Jan júregim, jaryǵym»dep áje nemeresin, shóberesin júregine teńeıdi. Jan júregin salyp náresteni, búldirshin jasóspirimdi tárbıeleıdi.

3 - oqýshy:
Bala, nemere týraly aqyn Muzafar Álimbaev bylaı deıdi.
Bala degen bal eken,
Bal degeniń bala eken.
Nemereniń boıynda,
Bar jaqsylyq bar eken.
Týǵan balań jaı ǵana,
Demeseń de jat bóten,
Naǵyz bala oılasań.
«Nemere» eken tátti eken.

4 - oqýshy:
Tentek bolsam ashynyp,
Jaqsy is qylsam asyryp.
Maǵan saqtap júredi,
Táttini de jasyryp.
Tosyp tátti dámderin,
Ol bar jerde bal jedim.
Men uıyqtarda aıtady,
Ertegisin, ánderin.
Bizdiń úıde osyndaı,
Ájetaıym bar meniń.

5 - oqýshy:
Ata - ájem maqtanyshym meniń de,
Qonaq bolyp otyr meniń tórimde.
Ózińe arnap bylaı tátti únimmen,
Án salatyn kezim keldi meniń de.

Án: «Saǵyndym áje ózińdi»
1 - júrgizýshi:
Qazaqtar – « Tórińnen qart ketpesin» dep tilegen halyq. Jasy úlkenge qurmet etý, qarttyń búgilgen beline súıeý bolý – bizdiń ata dástúrimiz.
Ózińdi ómirge keltirgen, tirshiligińe nár bergen ata - ananyń aldynda adamnyń paryz - mindeti ólsheýsiz.
2 - júrgizýshi:
Qazaq ǵurpyndaǵy ata - ananyń alǵan erekshe bıik orny, qadir – qasıeti mol! Ananyń aq sútin, ákeniń adal kúshin aqtaý – óz bolashaǵyńdy saqtaý.

6 - oqýshy:
Qarttyq - degen qasıetti uǵym bir,
Meni ózińniń peıilińmen jylyndyr.
Balalardyń bolashaǵyn ańsaǵan
Boılarynda bir keremet jylý júr.

7 - oqýshy:
Qarttarym, júrekteriń netken darhan,
Kótergen turmys júgin seniń arqań.
Jolyńdy júrip ótken qarasam men
Oqıtyn keleshekte bir - bir dastan.

8 - oqýshy:
Tań atyp kún de shyqqan ózderińmen,
Jalyndap juldyz janǵan kózderińnen.
Terbediń kóktem baǵyn samal bolyp
Ósıet jastarǵa aıtqan sózderińmen,-
1 - júrgizýshi:
Ata - áje aýylymnyń asyldary,
Jaınasyn kóńilderdiń jasyl baǵy.