InfoHub Logo

Afrıkada Ebola indetiniń órshýine baılanysty álem elderi saıahatqa qatysty qatań shekteýler men karantın erejelerin engizýde. Keıbir memleketter 30 kúnge deıin kirýge tyıym salsa, endi bireýleri kelgenderdi mindetti túrde úsh aptalyq karantınge jiberýde. Tengri Travel bul elderdiń tizimin jarıalady.

Bul týraly Infohub.kz aqparat agenttigi habarlaıdy.

Kirýge tyıym salynǵan elder

AQSH

AQSH bıligi sońǵy 21 kún ishinde Kongo Demokratıalyq Respýblıkasy (KDR), Ýganda nemese Ońtústik Sýdanda bolǵan sheteldik azamattardyń elge kirýine tyıym saldy. Bul shekteý grın-karta ıelerine de qatysty.

Kanada

Kanada úkimeti KDR, Ońtústik Sýdan jáne Ýganda turǵyndaryna 27 mamyrdan bastap 90 kún boıy elge kirýge tyıym saldy. Kanada azamattary men turaqty turǵyndar úshin, eger olarda aýrý belgileri bolmasa da, 30 mamyrdan bastap 21 kúndik mindetti karantın engizildi.

Bagam araldary

Bagam araldarynyń úkimeti jaqynda KDR, Ýganda jáne Ońtústik Sýdanǵa barǵan saıahatshylarǵa 30 kúnge ýaqytsha tyıym saldy.

Iordanıa

Iordanıa 20 mamyrda KDR jáne Ýgandadan keletin saıahatshylardyń kirýin 30 kúnge toqtatty. Tek Iordanıa azamattaryna ǵana elge oralýǵa ruqsat etildi.

Bahreın

Bahreın 19 mamyrda Ońtústik Sýdan, KDR jáne Ýgandadan kelgen sheteldikterdiń kirýin 30 kúnge shektedi. Bul elderden oralǵan azamattar úshin jeke sanıtarlyq erejeler qoldanylady.

Qosymsha baqylaý ornatylǵan elder

Indıa

24 mamyrda Indıa Densaýlyq saqtaý mınıstrligi iri halyqaralyq áýejaılarda tekserýdi kúsheıtip, azamattarǵa KDR, Ýganda jáne Ońtústik Sýdanǵa barýdan bas tartýǵa keńes berdi. Sondaı-aq, Indıa-Afrıka samıti keıinge shegerilip, iri mysyqtardy qorǵaý alánsynyń kezdesýi boldyrmaı tastaldy.

Taıland

26 mamyrda Taıland Ýganda men KDR-dan keletin nemese tranzıtpen ótetin barlyq saıahatshylar úshin 21 kúndik mindetti karantın engizdi.

Meksıka

Meksıka Ortalyq Afrıkadaǵy Ebola indetine baılanysty áýejaılarda baqylaýdy kúsheıtti. Ásirese, 2026 jylǵy fýtboldan álem chempıonaty aldynda tekserýler qataıtyldy. Densaýlyq saqtaý mınıstri saıahatqa shyqpaýǵa keńes berdi.

Bul Qazaqstanǵa qatysty ma?

Qazaqstannyń indet oshaqtarymen tikeleı áýe baılanysy joq bolǵandyqtan, sarapshylar elge qazir eshqandaı qaýip tónip turǵan joq dep sanaıdy. Degenmen, avıareısterdiń tanymaldylyǵyna baılanysty táýekeldi joqqa shyǵarýǵa bolmaıdy.

20 mamyrda QR Densaýlyq saqtaý mınıstrligi týrıserge arnalǵan usynystar jarıalady. Sapar aldynda azamattarǵa kelesi keńester berildi:

Aýrýdyń alǵashqy belgileri paıda bolǵan jaǵdaıda, dereý dárigerge qaralý qajettigi eskertildi.

Buǵan deıin Dúnıejúzilik densaýlyq saqtaý uıymynyń bas dırektory Ortalyq Afrıkadaǵy Ebola indetine baılanysty halyqaralyq deńgeıde tótenshe jaǵdaı jarıalaǵan bolatyn.