Photo: Ayazhan (https://www.pexels.com/@ayazhan-3173683) / Pexels
"Kóńildes bolyp júre bermedińiz be?" – Tuńǵyshbaı Jamanqulov jubaıymen qarym-qatynasy jaıly syr shertipti
Belgili teatr jáne kıno akteri Tuńǵyshbaı Jamanqulov ózinen eki múshel kishi jubaıy Dárıa Ábdimálikqyzymen qarym-qatynasy jaıly tyń derekterdi jarıalady. Akterdiń aıtýynsha, ol shákirtine ǵashyq bolyp, keıin otbasyn qurǵan.
Bul týraly Infohub.kz aqparat agenttigi habarlaıdy.
Akterdiń sózinshe, sol kezde qoǵamnyń pikiri men sózderin oılaıtyn jaǵdaı bolmaǵan. Tuńǵyshbaı Jamanqulov bolashaq jarynyń eńbekqorlyǵyna, aqyl-parasatyna jáne adamgershiligine baýrap alǵanyn aıtty.
Jubaıyna degen sezim men qoǵamnyń sózi
«Oqýshym, ol kezde sózdi oılaıtyn jaǵdaı bolmady. Men onyń eńbekqorlyǵyna, oı-paıymyna tánti boldym. Qazirgi tilmen aıtsaq, kózsiz ǵashyq boldym. Beldi býdym da, osy sheshimge bardym», – deıdi akter.
Ol burynǵy ómiriniń bári jaqsy boldy dep aıtpaıtynyn, biraq jubaıynyń ózine degen syılastyǵynyń sezimge aınalǵanyn jetkizdi. «Biz jasyryn júrýge qorqyp, ashyq kettik. Maǵan bireý: «Ataǵyńyz bar, qyzyqsyz. Sizden eki múshel kishi, ony jaqsy kórseńiz, kóńildes bolyp júre bermedińiz be?» dedi. Men «Kóńildes bola almaımyn. Men tek kúıeý bola alamyn» dep jaýabyn berdim», – dep bólisti Tuńǵyshbaı Jamanqulov.
Akterdiń qazirgi otbasynda eki ul, bir qyzy bar. Úlken uly Máskeýde ýnıversıtet bitirip kelse, ekinshi uly tis dárigeri mamandyǵyn oqyp jatyr. Qyzy 10-synypta bilim alady.
Tuńǵyshbaı Jamanqulov kim?
Tuńǵyshbaı Qadyruly Jamanqulov – qazaq teatry men kınosynda óshpes iz qaldyrǵan tanymal akter, rejıser, ustaz. 1948 jyly Jambyl oblysynda dúnıege kelgen ol sahnany ómirlik maqsaty etip, akterlik joldy tańdady. 1970 jyly Muhtar Áýezov atyndaǵy Qazaq memlekettik akademıalyq drama teatryna qabyldandy.
Akter Áýezov teatry sahnasynda Baqtyǵul, Syrym, Abylaı han, Ábýtálip sıaqty kúrdeli keıipkerlerdi somdap, kórermen yqylasyna bólendi. Kınoda da Chekıs, Táńirbergen, Ábilqaıyr, Qaıyrhan, Qunanbaı rólderin nanymdy oınap shyqty. «Otyrardyń kúıreýi» fılmindegi Qaıyrhan róli úshin 1992 jyly Qazaqstan Respýblıkasynyń Memlekettik syılyǵyn aldy.
Tuńǵyshbaı Jamanqulov 1993-2001 jyldary Áýezov teatrynyń bas dırektory ári kórkemdik jetekshisi qyzmetin atqardy. Qazaqstannyń eńbek sińirgen ártisi, Qazaqstannyń halyq ártisi ataqtaryna ıe bolyp, Parasat jáne Dostyq ordenderimen marapattalǵan.
-
V Kazahstane nablúdaetsá rost depozıtnogo rynka, gde stavkı po nekotorym vkladam prıblıjaıýtsá k 20% godovyh. Ýznaıte, pochemý kazahstansy predpochıtaıýt kopıt v nasıonalnoı valúte.
-
Renowned actor Tungyshbai Zhamankulov shares intimate details about his relationship with his wife, who is two decades his junior, and how they navigated societal opinions.
