InfoHub Logo

Almaty oblysyndaǵy Qaskeleń qalasyn álemdik kınoındýstrıanyń jańa ortalyǵyna aınaldyrý jospary jasalyp jatyr. Bul bastama arqyly qalany "qazaqstandyq Gollıvýd" retinde damytý, sondaı-aq kıno jáne týrızm salalaryn birge órkendetý kózdelgen.

Bul týraly Infohub.kz aqparat agenttigi habarlaıdy.

Kıno habynyń negizgi maqsaty

Dala Edge Creative Tech Park basshysy Maqsat Kıkımovtiń aıtýynsha, Qaskeleńde halyqaralyq deńgeıdegi kıno habyn qurý jobasy ázirlenýde. Bul joba sheteldik kıno túsirilimderin tartýǵa, sonymen qatar týrızmdi damytýǵa baǵyttalǵan. Álemdik franshızalar men fılmder arqyly kınotýrızmdi nasıhattaý josparlanýda.

Qazaqstannyń artyqshylyqtary

Maqsat Kıkımov Qazaqstannyń basqa eldermen salystyrǵanda birqatar artyqshylyqtary bar ekenin atap ótti. Olar: biregeı tabıǵı landshaftar, tórt mezgildiń bolýy, kastıngke arnalǵan ártúrli násildi akterlerdiń bolýy jáne túsirilim jumystarynyń salystyrmaly túrde arzanǵa túsetini.

Zamanaýı pavılondar men bilim berý ortalyǵy

Jobanyń mańyzdy bóligi – jańa kınopavılondardyń qurylysy. Qazirgi tańda Qazaqstanda sheteldik jobalarǵa saı keletin zamanaýı pavılondardyń joqtyǵy baıqalady. Sondyqtan Universal standarttaryna saı, biri 2000 sharshy metr, ekinshisi 1000 sharshy metr bolatyn eki pavılon salý josparlanýda. Bul pavılondardyń bıiktigi 16,6 metrge jetedi, bul álemdik standarttardan joǵary.

Sonymen qatar, joba aıasynda 15 gektar aýmaqta 42 myń sharshy metrlik kampýs salynady. Bul jerde New York Film Academy sıaqty álemge tanymal oqý oryndarymen seriktestik ornatylyp, stýdentterge halyqaralyq deńgeıdegi bilim alý múmkindigi beriledi. Mysaly, buryn 58 myń dollarǵa teń bolǵan bilim quny 18 myń dollarǵa deıin tómendeýi múmkin.

Budan bólek, fransýzdyq École Ducasse oqý ornymen kelisimshart jasalyp, halyqaralyq deńgeıdegi aspazdar daıarlanatyn bolady. Bul arqyly Qazaqstanda Michelin juldyzyna laıyq mamandar daıarlaý kózdelýde.