InfoHub Logo

Shyǵarma
Qazaq tili – erteńim, bolashaǵym
Súıemin týǵan tildi, anam tilin,
Besikte jatqanymda - aq bergen bilim.
Eń alǵash sol tilmenen syrtqy shyqty,
Súıgenim, unatqanym, jek kórgenim.

Ana tili - halyqtyń ótken urpaǵyn, qazirgi jáne keleshek urpaǵyn tarıhı birtutastyq, myzǵymas birlik, ajyramas týystyq jaǵdaıda máńgilik biriktiretin eń senimdi qural. Ana tilimiz arqyly ǵana biz halqymyzdy,
Otanymyzdy tanyp bilemiz.
Til halyqpen birge ómir súrip damıdy, sebebi ár ulttyń tili - onyń baqyty, tiregi. Elbasy N. Á. Nazarbaev halyqtyń bolashaǵy týraly tereńnen tolǵaı otyryp, «memlekettiń eń basty dúnıesi tek ǵana baılyq emes, sonymen qatar ana tilimizdiń bolashaǵy» degen bolatyn.
Búkil túrki elderine ardaqty aǵartýshy, ǵulama ǵalym Ahmet Baıtursynulynyń « Sózi joǵalǵan jurttyń ózi joǵalady» degen sózinde úlken mán jatyr.
Árkimniń óz tiline degen qurmeti óz anasyna, óz ultyna, óz Otanyna degen qurmetpen birdeı.
Qazaqtyń birtýar Abaıy «Estilerdiń aıtqan sózderin esirkep júrgen kisi ózi de esti bolady» dep tegin aıtpaǵan. Kimde - kim qazirgi ýaqytta ana tilin, óziniń ádebıetin syılamasa, baǵalamasa, ony saýatty, mádenıetti adam dep sanaýǵa bolmaıdy.
Ana tilimizdi mápeleı bilýimiz kerek. Qazaq tilin zertteýshilerdiń barlyǵy da bir aýyzdan bul tildi eń baı, eń taza túrki tilderiniń biri dep tanıdy.
Til taǵdyry - el taǵdyry ekenin eshýaqytta umytpaıyq. Árbir adam óz ana tilin bilý jáne memlekettik tilin meńgerý mindetti.
Men ana tilimen maqtanamyn jáne memlekettik tilin qurmetteımin!

Eń tátti de – til,
Eń ashty da – til,
Eń jumsaq ta – til,
Eń qatty da – til.
Til – ulttyń jan dúnıesi.
Til joq jerde - ult joq.

Mańǵystaý oblysy, Beıneý aýdany, Boranqul selosy.
Opornyı orta mektebiniń 3 «á» synyp oqýshysy
Baıǵalıeva Aqbota.