InfoHub Logo

Almaty qalasynyń Alataý aýdanynda Baýyrjan Momyshuly men Saına kósheleri aralyǵynda 27 gektardan astam aýmaqta «Almaty Water Garden» atty kópfýnksıonaldy keshen boı kóteredi. Bul joba qala turǵyndary men qonaqtary úshin jańa demalys, mádenıet jáne oıyn-saýyq ortalyǵyna aınalmaq.

Bul týraly Infohub.kz aqparat agenttigi habarlaıdy.

Jobanyń basty ereksheligi – serýendeý jaǵalaýlary, demalys aımaqtary jáne kógaldandyrylǵan qoǵamdyq keńistikteri bar sý arnasy bolady. Bul sý júıesiniń aınalasyna zamanaýı saıabaq aımaǵy qalyptastyrylyp, qalanyń jańa tartymdy núktesine aınalýy josparlanýda.

Keshen qurylymy

«Water Garden» kesheninde segiz túrli komersıalyq nysan qarastyrylǵan. Olar dúkender men býtıkterden bastap, qyzmet kórsetý, otbasylyq demalys jáne qoǵamdyq tamaqtaný oryndaryna deıin ártúrli bıznes formattaryna arnalǵan.

Keshenniń ortalyq bóliginde álemniń túrli taǵamdaryn usynatyn zamanaýı fýdkort ornalasady. Onyń janynda konsertter, festıválder, kıno kórsetilimderi jáne basqa da buqaralyq is-sharalarǵa arnalǵan ashyq amfıteatr bolady.

Otbasylyq demalys jáne bilim berý nysandary

Jobada otbasylyq demalysqa erekshe kóńil bólingen. Keshen aýmaǵynda balalar ortalyǵy, muhıttaný ortalyǵy (okeanarıým) jáne kóbelekter murajaıy salynady. Bul nysandar qalalyqtardyń demalys múmkindikterin keńeıtip, Almatynyń jańa týrısik oryndaryna aınalady.

Sondaı-aq, «Water Garden»-niń sáýlettik basty nyshany retinde qala men saıabaqtyń panoramalyq kórinisin tamashalaýǵa bolatyn baqylaý alańy bar munara jobalanǵan.

Aıta keteıik, bul joba «Almaty Invest» tarapynan ınvestısıa tartý jáne iri qalalyq bastamalardy júzege asyrý jumystary aıasynda qoldaýǵa ıe.