InfoHub Logo

Sabaqtyń taqyryby: «Qazaq handyǵynyń qurylǵanyna - 550 jyl»

Sabaqtyń maqsat - mindetteri:
 Oqýshylardyń Qazaq handyǵynyń qurylý tarıhy týraly bilimderin tereńdetý. Ertisten Edilge deıin sozylǵan saıyn dalany ózine baǵyndyryp, 1465 jyly Shý ózeniniń boıynda alǵash «qazaq» degen ataýmen Kereı men Jánibek handar irge tasyn qalaǵan Qazaq handyǵynyń qurylǵanyna 550 jyl bolǵan osy handyqtyń tarıhyn bilýge úıretý.
 Oqýshylardyń tarıhı – tanymdyq qabiletterin óz betinshe izdenýge baýlý, til baılyǵyn damytý.
 Tuńǵysh Qazaq memleketiniń qurylýynyń negizin qalaǵan qoǵam qaıratkerleriniń eńbegin baǵalaı bilýge tárbıeleý.

Kútiletin nátıje:
• Qazaq eliniń tarıhyn tereń bilý, tarıhı tulǵalardy úlgi tutý, Qazaqstannyń damýyna óz úlesin qosý, ómirde qoldana alý.
• Birtutas qazaq memleketiniń qurylýy týraly bilim men túsinik qalyptasady.
• Alǵan bilimderin saraptaı, taldaı otyryp ózgeristerdi anyqtaıdy jáne bolashaqty baǵdarlaı alady.
• Syn turǵysynan oılaı alýǵa daǵdylanady.
• Óz betinshe sheshim qabyldap, dáleldemeler keltiredi, qorytyndy jasaı alady.
Sabaqtyń kórnekiligi: ınteraktıvti taqta, úlestirme qaǵazdar, sýretter, karta.

Pánaralyq baılanys: ádebıet, geografıa, beıneleý
Sabaqtyń ádisi: baıandaý, suraq - jaýap.
Sabaqtyń túri: Intellektýaldyq saıys sabaq.

Kirispe: Armysyzdar búgingi «Qazaq handyǵynyń qurylǵanyna – 550jyl» atty saıysymyzǵa qatysýshy oqýshylar jáne qonaqtar!
Qazaq handyǵy — búgingi Qazaqstan Respýblıkasy men kórshi aımaqtardyń terıtorıasynda 1465 - 1847 jyldar aralyǵynda qurylǵan memleket. Qazaq handyǵy Edilden Jaıyqqa deıingi terıtorıany, Syrdarıa men Amýdarıa ózenderiniń aralyǵyn, Horasan jerin qamtyǵan.
Qazaq handyǵynyń memlekettik qurylymy dala demokratıasyna negizdelgen monarhıaǵa negizdelgen. Memleket basshysy - handar saıası bılik júrgizetin. Olar tóre tuqymynan shyqqan sultandar arasyndaǵy tańdaý negizinde saılanatyn.
Qazaq handyǵynyń tuńǵysh hany - Kereı, sońǵy hany - Kenesary Qasymuly.
1465 jyldary Kereı men Jánibek Ábilhaıyr handyǵynan bólinip shyǵyp, Shý men Talas ózenderiniń arasyndaǵy aımaqqa ornalasyp, qazaqtyń týyn kókke kótergeni tarıhtan aıan. «Qazaq» dep uran tastaǵanda rýhy kóterilip, namysy oıanǵan barlyq qazaq taıpalary túgel jınalyp, Qazaq handyǵynyń irgesin qalaǵanyn barshamyz bilemiz. Álbette, odan keıin taǵdyr san túrli synaqqa saldy bizdi. Úsh ǵasyr tarıhymyz ben ar – ojdanymyz tabanǵa taptaldy. Túrli náýbetti bastan ótkerdik. Biraq, myń ólip myń tirilgen qazaq aqyry azattyǵyn aldy. Al, Qazaq handyǵynyń 550 jyldyǵyn atap ótý – sol azattyq syılaǵan babalarǵa degen qurmetimiz dep qabyl alyńyzdar.
Túriktiń bir butaǵy qazaq edi,
Qaısar minez, ór edi, ǵajap edi.
Jánibek, Kereı handar basyn qosyp,
Ómirge kelgen edi qazaq eli.
Altaı men Atyraýdyń arasynda
Jetisý, jeti ózenniń saǵasynda.
Birigip Uly, Orta, Kishi júz bop,
Handyq qurdy qazaq óz dalasynda.
Elbasy 2015 jyl — ulttyq tarıhymyzdyń ulyqtalatyn jyly ekenin eske saldy. Máselen, 2015 jyly Qazaq handyǵynyń 550 jyldyǵyn, Qazaqstan halqy Assambleıasy men Konstıtýsıamyzdyń 20 jyldyǵyn, Uly Jeńistiń 70 jyldyǵyn atap ótemiz.

Sabaqtyń barysy:
İ Uıymdastyrý kezeńi:
Oqýshylardy bes topqa bólý.
I - top: 8 «Á» synyp oqýshylary: «Bilimdiler» toby.
II - top: 8 «B» synyp oqýshylary: «Suńqar» toby.
İİİ - top: 8 «V» synyp oqýshylary: «Alǵyrlar» toby.
İÚ - top: 8 «G» synyp oqýshylary: «Jas ulan» toby.
Ú - top: 8 «Ǵ» synyp oqýshylary: «Jas qyran» toby.
(Ádil - qazy alqasyn saılaý)
Saıystyń kezeńderi:
• «Tanystyrý» saıysy. Ár top óz atyn qorǵaıdy.
• «Bilimdiler» saıysy. Ár topqa qazaq handyǵynyń qurylýy jaıynda suraqtar beriledi.
• «Sheshender» saıysy. Toptarǵa taqtada ár túrli sózder beriledi. Toptyq jumys júrgizý arqyly sózderdiń maǵynasyna qaraı mátin qurastyrý.
• «Oı qozǵaý» saıysy. (Asosıasıa). «Alash», «Qazaq» sóziniń maǵynasy týraly aıtady. sóziniń maǵynasy týraly aıtady.
• «Oılan, tap!» saıysy. Sýrettegi handardyń kim ekenin anyqtaý.
• «Shyǵarmashylyq tapsyrma».
İ tapsyrma: «Qazaq handyǵynyń qurylǵanyna - 550 jyl» taqyrybynda shaǵyn shyǵarma jazý.
II tapsyrma: «Qazaq handyǵynyń qurylǵanyna - 550 jyl» taqyrybynda poster (plakat) qorǵaıdy.
• Qorytyndy.

İ kezeń: «Tanystyrý» saıysy. Ár top óz toptarynyń atyn jáne tósbelgisin qorǵaıdy.
İİ kezeń: «Bilimdiler» saıysy. Ár topqa qazaq handyǵynyń qurylýy jaıynda suraqtar beriledi. Ár durys jaýap bir upaımen baǵalanady