InfoHub Logo

Sabaqtyń taqyryby: Kompúterlik vırýstar. Vırýstan tazartý programmalary
Maqsaty: Kompúterlik vırýstar túrlerimen jáne olardan qorǵaný ádisterimen tanystyrý, antıvırýsqa qarsy programmalardy qarastyrý;
Damytýshylyǵy: Tapsyrmalardy oryndata otyryp, tanym qabiletin, zeıinin, belsendilikterin damytý.
Tárbıeliligi: Óz betimen jumys jasaýǵa, jınaqtylyqqa, uqyptylyqqa tárbıeleý.
Sabaqtyń kórnekiligi: Mýltımedıa quraldary, kompúter, prezentasıa, deńgeılik tapsyrmalar.
Sabaqtyń ádisi: Jańa taqyrypty túsindirý sabaǵy.
Sabaqtyń túri: toppen jumys

SABAQ BARYSY:
İ. Uıymdastyrý sáti: oqýshylardyń sabaqqa daıyndyǵyn tekserý, oqýshylardy túgendeý, synyp jýrnalyn toltyrý.
İİ. Ótken sabaqty qaıtalaý:
1. Faıldyń naqty aty boıynsha izdeý qalaı iske asady?
2. Faıldyń atyn umytyp qalǵan jaǵdaıda qalaı izdeımiz?
3. Faıldyń qurylǵan kúni boıynsha izdeý qalaı oryndalady?
4. Faıldy ólshemi boıynsha qalaı izdeımiz?
5. Kúndi jáne ýaqytty baptaý qalaı iske asady?
6. Jumys ornynyń túrin (fonyn) ózgertý úshin qandaı áreketterdi oryndaımyz?
7. Tyshqannyń oń jaq batyrmasyn negizgi batyrma etý, ıaǵnı sol qolǵa yńǵaıly etý úshin qandaı áreketterdi oryndaımyz?
İİİ. Jańa sabaq.
1. Kompúterlik vırýstar. / slaıd/

Vırýstardyń jiktelýi. Kompúterlik vırýstardyń ártúrli tıpteri bar: júkteletin, faıldyq, makrovırýstar jáne jelilik.
Júkteletin vırýstar dısketterdiń nemese vınchesterdiń júkteýshi sektorlaryn zaqymdaıdy. Júkteletin vırýstarmen zaqymdalǵan júıeni qaıta qosqanda basqarýdy operasıalyq júıeniń júkteýshi programmalyq kodyna emes, vırýs kodyna beredi. Faıldyq vırýstar óziniń kóbeıýi úshin operasıalyq júıeniń faıldyq júıesin paıdalanady. Faıldyq vırýstar ártúrli formattaǵy (EXE, COM, BAT, SYS jáne t. b.) oryndalýshy faıldardy zaqymdaıdy.
Barlyq júkteletin jáne faıldyq vırýstar rezıdentti, ıaǵnı kompúterdiń operatıvti jadynda ornalasady jáne paıdalanýshynyń jumys isteý prosesinde qaýipti jaǵdaılar (dıskettegi málimetterdi óshirip tastaý, attaryn jáne basqa da atrıbýttaryn ózgertý jáne t. b.) týdyrady. Rezıdenttik vırýstardan emdeý qıyn, zaqymdalǵan faıldardy dıskiden óshirgenmen olar kompúterdiń operatıvti jadynda qalyp qoıady jáne faıldardy qaıta zaqymdaýy múmkin.

2. Vırýsqa qarsy programmalar/slaıd/
Vırýstardan qorǵaý jáne zaqymdalǵan kompúterlerdi emdeý úshin antıvırýstyq programmalar qoldanylady, olardy áreketterine qaraı bloktaýshy, revızorlar jáne polıfagtar dep bólýge bolady.
Revızorlar. Revızorlardyń jumys isteý prınsıpi dıskide saqtalǵan faıldardyń baqylaý qosyndylaryn esepteýge negizdelgen. Bul qosyndy, sonymen birge budan da basqa aqparattar (faıl uzyndyǵy, olardyń sońǵy ózgertilgen ýaqyty jáne t. b.) vırýsqa qarsy quraldyń málimetter qorynda saqtalady.
Polıfagtar. Polıfagtardyń jumys isteý prınsıpi faıldardy, sektorlardy jáne júıelik jadyny jáne olardaǵy belgisiz jáne jańa (polıfagqa belgisiz) vırýstardy tekserýge negizdelgen.

İÚ. Pysyqtaý suraqtary
1. Kompúterlik vırýs degen ne?
2. Vırýstar qaıdan paıda bolady?
3. Vırýstyń paıda bolýynyń negizgi belgilerin atańyz.
4. Antıvırýstyq programmalardyń negizgi tıpterin ata.
V. Úıge tapsyrma:
6. 6 - 7 taqyryptardy úıde oqyp kelý. 1. qatardaǵy oqýshylar kompúterlik vırýstardyń uqsastyqtaryn jazyp kelesińder, 2 qatardaǵy oqýshylar bıolgıalyq uqsastyqtaryn jazyp kelý.
Vİ. Sabaqty baǵalaý.