InfoHub Logo

Taqyryby: «Ǵajaıyp matematıka»
Maqsaty: 5 kóleminde sandardy esepteýge úıretý. Sandardy týra jáne keri sanaý, Balalardyń tilin damytý jumystaryn jalǵastyrý, geometrıalyq pishinder týraly uǵymdaryn tıanaqtap, tústerdi ajyratýǵa, qarym - qatynas, kómek kórsetý, syılastyqty qalyptastyrý. Balalardy tapqyrlyqqa, izdenimpazdylyqqa tárbıeleý.
Ádis tásili: túsindirý, suraq - jaýap
Qural jabdyqtar: sýretter, shar, geometrıalyq pishinder, sandar, úlestirmeli materıaldar

Balalar sheńberge turyp shattyq sheńberin jasaıdy.
Biz ádepti balamyz
Aıtqan tildi alamyz
Aldymenen qonaqpen
Amandasyp alamyz.
Balalar men senderge qazir jumbaq jasyramyn sheshýin tabamyz.
1. Uıqymyzdan turamyz,
Beti – qoldy jýamyz.
Ákemizge eremiz,
Baqshamyzǵa kelemiz.
Bul qaı kezde, balalar? Tańerteń
2. Biz tártipti balamyz,
Sabaqty da oqımyz.
Serýenge shyǵamyz, qydyramyz.
Bul qaı kez, balalar? Tús
3. Kún batady qyzaryp,
Mamamyzdy kútemiz.
Bul qaı kez, balalar? Kesh
4. Úılerde sham janady,
Dem alady bar álem,
Dep áldıler aq ájem. Tún
- Jaraısyńdar, balalar, endi tyńdaıyqshy esik qaǵyp bireý qonaqqa kele jatyrǵan sıaqty.
Saıqymazaq: Balalar men senderge qur qol kelgen joqpyn ózimmen birge myna sharlardy ala keldim.
- Bir jylda neshe mezgil bar?
- Tórt mezgil. Káne, atap shyǵaıyq... (qys, kóktem, kúz, jaz)
Bul sharlardyń túsi de sol tórt mezgildi belgileıdi.
Myna shardyń túsi qandaı?(aq)
- Bul shardyń túsi qaı mezgildi bildiredi?
Qys. qysta jer qandaı bolady (aq)
Sary shardy kórsetý
Bul tús qandaı jyl mezgilin bildiredi.(kúz)
- Sebebi kúzde aǵashtardyń japyraqtary sarǵaıyp jerge túsedi.
Jer beti sary kilemge uqsaıdy.
Jasyl shardy kórsetý.
Bul tús shópterdiń túsi sıaqty.
- Tabıǵat kóktemde oıanyp, jer beti jasyl shópke tolady..
Aǵashtar búrshik jara bastaıdy.(kóktem)
Qyzyl shardy kórsetý.
- Qyzyl tús qandaı jyl mezgilin bildiredi.?
Qaı ýaqytta gúlder qyzyl túske boıalady?.(jaz)
- Balalar, tústerin bildik, endi sıqyrly shardyń ishinde ne bar ekenin bilgileriń kele me?
Bul sıqyrly sharlar tapsyrmalar ala kelipti. Endeshe ornymyzǵa otyraıyq jyl mezgilderdiń tapsyrmasyn oryndaımyz. Qazir bizde kúz mezgili, endeshe kúz mezgiliniń tapsyrmasyn oryndaıyq.
1 - tapsyrma. 1 - den 5 - ke deıin týra jáne keri sanaý
Balalar endi myna sýretke qaraıyqshy, bizde qoıan neni jaqsy kóredi?
- Sábizdi
Endeshe qoıan sábizin ala almaı tur eken, qoıan sábizine jetý úshin ne qajet?
- Saty
Ol satyny neden jasaımyz?
- Sandardan, qatar etip qoıyp

Qystyń tapsyrmasy
2 - tapsyrma. Tústerdi pishindermen sáıkestirý
Denesh blogi

Kórshisin tap
... 2...... 4...

SERGİTÝ SÁTİ
1 degende turaıyq,
2, 3, 4 – alaqandy soǵaıyq,
Oń jaqqa burylyp,
Sol jaqqa burylyp,
Bir otyryp, bir turyp,
Biz júgirip alaıyq.
5 degende asyqpaı,
Ornymyzdy tabaıyq.

Kóktem mezgiliniń tapsyrmasy
3 - tapsyrma.
Jazyqtyqta keńistikti baǵdarlaý

Jaz mezgiliniń tapsyrmasy (qyzyl tústi shar)
4 - tapsyrma Geometrıalyq pishinderden oıynshyqtar qurastyrý
Mashına, robot, qoıan, úı
Qorytyndy:
Balalar búgingi sabaqta qandaı tapsyrmalar oryndadyq?
1 - den 5 - ke deıin týra jáne keri sanadyq.
Qoıanǵa kómektestik
Geometrıalyq pishinderden oıynshyqtar qurastyrdyk
Sandardyń kórshisin taptyq
Tústerdi pishindermen sáıkestendirdik
Saıqymazaqtyń tapsyrmalaryn oryndap bergen úshin senderge rıza bolyp jatyr.
- Jaraısyńdar, balalar, bárimiz kelgen qonaqtarmen qoshtasaıyq.
Kóriskenshe kún jaqsy,
Saý salamat bolaıyq.
Kútiletin nátıje:
Bilý kerek: geometrıalyq pishinderdi ajyratýdy
Igerý kerek: sandardy týra jáne keri sanaý, tústerdi pishindermen sáıkestendirýdi
Meńgerý kerek: jazyqtyqta keńistikti baǵdarlaýdy