InfoHub Logo

Atyraý oblysy, Qyzylqoǵa aýdany, Saǵyz selosy,
«Aqbota» shıpajaı tıpti balalar baqshasynyń tárbıeshisi
Qýanyshbaeva Gúlshara

Maqsaty: Qımyl - qozǵalys belsendiligin damytý. Jyldamdyq, eptilik, tózimdilikti shyńdaý, kóńil - kúıge qýanysh áserin syılaý.
Qajetti quraldar: 2 shana, 2 kárzeńke, kartonnan jasalǵan sábizder, 2 shyrsha, sańyraýqulaqtar, kóz - muryn jasaý úshin materıaldar, oıynshyqtar, lenta, týnel, otyrǵyshtar.

Júrý barysy: Eki topqa bólingen balalar ortasynan top basshylaryn saılap ap, bir - birimen amandasady.
İ top: «Alǵyrlar» toby
İİ top: «Ańshylar» toby

İ. Estafetalyq oıyn: «Qoıandar»
Appaq qardyń ústinde 2 toptan bir-birden oıynshylar shyǵyp, qoıansha sekire otyryp (eki aıaq birge, eki qol birge keýde tusynda, ońǵa bir, solǵa bir qaraı otyryp) mejege jetedi.
Meje – úlken qardan jasalǵan tóbeshik. Bul tómpeshiktiń tasasynda kárzeńkege salynǵan sábizder jasyrýly turady. (beti shóppen búrkelgen). Osy sábizderden aýyzdaryna bir-birden tistep, qaıtadan qoıansha sekire otyryp, keıin qaıtady. Qaı toptyń jınaǵan sábizi kóp bolsa, sol top jeńimpaz atanady.

İİ. «Kim jyldam?»
2 shanaǵa otyrǵan eki balany ár toptan bir - bir oıynshysy qar ústimen syrǵanata otyryp, mejege deıin jetkizip, shardaǵy ilýli oıynshyqtardan jınap alyp, keıin qaraı jarysa qaıtady. Kim kóp oıynshyq jınasa, sol top kóp upaıǵa ıe bolady.

İİİ. «Aqqala qurastyrý»
Ár toptan eki - ekiden oıynshy shyǵyp, qardan domalata astyńǵy bóligin jasaıdy. Áýeli astyńǵy bólikti jasap alǵan soń, alǵashqylary keıin júgire qaıtyp, óz tobyna qosylady da, daıyn turǵan kelesi oıynshylar ortańǵy bólikti jasaýǵa kirisedi. Bitirgen jup keıin qaıtyp, kelesiler ústińgi bóligin jasap bitirip, murnyn, kózin jasaıdy. Qaı top alǵashqy bolyp bitirse, sol top kóp upaıǵa ıe bolady.

İV. «Apandaǵy aıý»
Balalar barlyqtaryńda bilesińder, aıýlar qysta óz apandarynda uıqyda jatady. Olar ózderiniń mazasyn alǵandy onsha kóp unata bermeıdi. Al bizge ormanǵa baryp, sańyraýqulaqtar terip ákelý qajet. Qaıtkenmende dybysymyzdy bildirmeı, saq júre otyryp, aldymyzdan kezdesken kedergilerden júre otyryp, sańyraýqulaq teremiz. Butalardyń arasymen ótkende, syldyrlatpaı, esh jerimizdi tıgizbeı ótýmiz kerek. Endeshe, kettik.
Eki oıynshymyz eki jaqtan lentany kere ustap turady. Ár toptan bir - birden oıynshy shyǵyp, lentany astymen keýdesine tıgizbeı, shalqalap ótip, týnelden ótip, sańyraýqulaqtardy terip alyp, keıin qaraı gımnastıkalyq otyrǵyshtar astymen eńbektep ótip baryp, tez ornynan turyp, júgire óz tobyna qosylady. (Aıýdyń ornynda bir bala uıyqtap jatady). Eger de sál dybysqa aıý oıanyp ketse, ol tap bergende oıynshy denesine darytpaı, qashyp úlgerýi kerek. Aıýǵa ustalǵan toptyń upaıy kemıdi.

Osymen, búgingi merekemizdiń sońyn qorytyndylap, jeńimpaz topty marapattap, aýyspaly jalaýymyzdy tapsyramyz.