InfoHub Logo

Qatysýshy keıipkerler:
1. Qyzyl telpek
2. Anasy
3. Ájesi
4. Qasqyr
5. Qoıan
6. Kirpi
7. Ańshylar
Qoldanylatyn dekorasıalar: Úıdiń ishki beınesi, orman aǵashtary, tomar.

İ kórinis.
(Úıdiń ishki beınesi. Týǵan kún dastarhany.)
Kóńildi áýenmen anasy kishkentaı qyzdy jetekteı ortaǵa shyǵady.
Qyz jaınap turǵan dastarhandy kórgende kózi jaınap qýanyp ketedi.
Anasy:
- Qyzym, súıkimdi qyzym meniń, búgin seniń týǵan kúniń!
Qyzy:
- Rahmet, anashym.- dep anasyn qushaqtaı alady.
Anasy:
- Qyzym, seniń týǵan kúnińe ájeńdi, dostaryńdy shaqyryp qoıdym.
Qyzy:
- Alaqaı, Ájemde kele me,- dep júgire basyp esik jaqqa qaraıdy.
- Ájem, nege keshigip jatyr eken.
Anasy:
- Qazir kelip te qalar. Ájeń alysta ormannyń ar jaǵynda turady ǵoı.
Osy mezette esik soǵylady. Kishkentaı qyz qýana:
- Alaqaı, ájem keldi, ájem keldi,- dep tura júgiredi. Sahna syrtynan ájesin erte shyǵady.
- Áje, qosh keldińiz!
Anasy:
- Tórletińiz, áje, - dep qolyndaǵy sebetin alyp, oryndyq usynady.
Ájesi oryndyqqa otyryp, tizesine basyn qoıyp erkeleı otyrǵan nemeresin basynan sıpaı:
- Súıkimdi, aqyldy nemerem meniń. Men seniń týǵan kúnińe syılyq ala keldim janyndaǵy sebetten qyzyl telpekti alady. Minekeı, ala ǵoı, - dep qyzyl telpekti nemeresine usynady. Nemeresi qýana orynan turyp, aınanyń aldyna keledi de, telpekti basyna kıedi:
- Oı, qandaı ádemi telpek.
Anasy:
- Ózińe quıyp qoıǵandaı eken. Qatty jarasyp qaldy. Endi seni «qyzyl telpek» dep ataıtyn boldyq, kúnim.
Nemeresi ájesin qushaqtaı:
- Rahmet, ájetaı! Syılyǵyń maǵan qatty unady.
Osy kezde syrt esik qaǵylady da, ishke bir top dostary qoldarynda gúlderimen, shar, oıynshyqtarymen kirip keledi.
Bári
Týǵan kúnińmen! dep shýlasa qyzdy qushaqtaı alady.
Shıyrma jabylady.

İİ kórinis.
(Alańda bir top qyzdar oıyn oınap júredi. Biri sekirgishpen oınasa, biri jerge sýret salyp, biri bir - birin qýalaı oınap júredi.)
Qyzdar:
- Qyzyl telpek, Qyzyl telpek, kel oınaıyq!
Sahnaǵa qyzyl telpek shyǵyp bári oıyn oınap jatady. Bir mezgilde anasy qyzyna:
– Qyzym, beri kelshi - dep qyzyn shaqyrady, myna bálish pen bir quty maıdy ájeńe aparyp, hal jaǵdaıyn bilip qaıtshy, – deıdi.
Qyzyl telpek:
– Jaraıdy, anashym, aparyp bereıin, – dep bálish pen maı salynǵan sebetti alady.
- Qyzdar, men ájeme ketip baramyn, saý bolyńdar!
Anasynyń sózin eki etpeıtin Qyzyl telpek ájesine attanady.
Shıyrma jabylady.