InfoHub Logo

Astanada 1 maýsymda Halyqaralyq balalardy qorǵaý kúnine oraı 100-ge jýyq is-shara uıymdastyrylady. Merekelik baǵdarlama jas erekshelikterine qaraı birneshe bólikke bólingen.

Bul týraly Infohub.kz aqparat agenttigi habarlaıdy.

«Besik álemi» – eń kishkentaılar úshin

1 maýsymda Jastar saıabaǵynda dástúrli arbalar sherýi «Arba FEST» ótedi. Al Prezıdenttik saıabaqta «Shapshań bóbek» atty sábıler arasynda sporttyq jarys uıymdastyrylady.

«Balapan álemi» – 3-6 jas aralyǵyndaǵylarǵa

Bul kúni III Halyqaralyq kloýndar festıvali ótedi. Festıvál qatysýshylary «Báıterek» monýmentinen «Han Shatyr» saýda ortalyǵyna qaraı ornalasqan «Ǵashyqtar» saıabaǵyna deıin sherýmen ótedi. Keshke Amfıteatrda festıvál ártisteriniń qatysýymen konsert qoıylady.

Sonymen qatar, qalalyq emhanalar saǵat 10:00-den 18:00-ge deıin balalar stomatologtaryna tekserilý úshin esikterin ashady.

«Bilim men arman álemi» – 7-10 jas aralyǵyndaǵylarǵa

1 maýsymda «Kırpıchnyı» turǵyn alabynda «Kóńildi starttar» oıyny bastalady. Bir saǵattan keıin «Ondyrys» turǵyn alabynda da osyndaı shara ótedi.

«Han Shatyr» saýda oıyn-saýyq ortalyǵynda balalar sándik kıimderin kórsetetin sán kórsetilimi bolady.

№64 mektep-lıseıinde «Balalar kózimen álem» atty shyǵarmashylyq baıqaýy ótedi. Tehnıkalyq jáne kórkem-shyǵarmashylyq ortalyǵynda balalardyń jumystarynyń kórmesi men «Bárine qýanysh syılaımyz» sheberlik synyptary ashylady.

Qalalyq alańda konserttik baǵdarlama uıymdastyrylady.

«Jas órken» – 11-14 jas aralyǵyndaǵylarǵa

25 mamyrdan 1 maýsymǵa deıin Ortalyq saıabaqta, Prezıdenttik saıabaqta jáne «Jetisý» saıabaǵynda «BAQYTTY BALALYQ ÚSHİN» atty is-shara ótedi. Onda balalarǵa sýda, kóshede jáne ınternette qaýipsiz júrý erejeleri, jaraqattar men qaýipti jaǵdaılardan aýlaq bolý joldary týraly aıtylady.

«Bolashaqqa qadam» – jasóspirimderge arnalǵan

1 maýsymda Astanada «Astana FIDA Drone Soccer Championship» halyqaralyq dron-fýtbol chempıonaty ótedi.

Amfıteatrda «QosymshaFest» festıvali uıymdastyrylady.

Qalalyq alańda Opera jáne balet teatrymen birlesip «Túrli-tústi mozaıka» baıqaýy ótedi.

«Baqytty otbasy» – otbasylyq qundylyqtarǵa arnalǵan

1 maýsymda Ortalyq saıabaqtaǵy shańǵy-roller trassasynda «Kids RUN» atty sporttyq otbasylyq shara ótedi.

Prezıdenttik saıabaqta jas otbasylar «Otbasy – baqyt mekeni» atty sýret salý kýrsyna qatysa alady. Bir saǵattan keıin «Ailand» otbasylyq demalys ortalyǵynda merekelik konsert bastalady.

Sonymen qatar, merekege oraı birqatar aýlalardyń ashylýy josparlanǵan. Olar: Respýblıka dańǵyly, 2/2, Abaı dańǵyly, 34, 49, 51, Ǵabdýllın kóshesi, 17/1, Júrgenov kóshesi, 18/2, Ázirbaev kóshesi, 6, Qoshqarbaev kóshesi, 60, Kúmisbekov kóshesi, 7/1, Jeńis dańǵyly, 5, Irchenko kóshesi, 31.

Ónerkásip, Internasıonalnyı, Mıchýrıno jáne Kúıgenjar eldi mekenderindegi qoǵamdyq oryndarda konsertter men ınteraktıvti oıyndar uıymdastyrylady.

Prezıdenttik saıabaqta oıyndar, konkýrstar men anımatorlarmen merekelik baǵdarlama ótkiziledi.

Qalalyq alańda «Erekshe merekeler» qoǵamdyq qorymen birlesip, erekshe bilim qajettilikteri bar balalardyń qatysýymen merekelik konsert uıymdastyrylady. Odan keıin «Bolashak» ınklúzıvti teatrynyń sán kórsetilimi ótedi.

«Bereke Astana» ońaltý ortalyǵynyń saltanatty ashylýy bolady.

Ortalyq saıabaqta «Bala Fest» balalar sport oıyndary festıvali bastalady.

1 maýsymda qala boıynsha mektep janyndaǵy lagerler jumysyn bastaıdy.

2 maýsymda Jastar saraıynda Balalardy qorǵaý kúnine jáne «Zamandas» jobasynyń 15 jyldyǵyna arnalǵan konsert ótedi.