InfoHub Logo

3 synyp. Ádebıettik oqý
Taqyryby: Qushtarlyq
Maqsaty: 1. Mátin mazmunymen tanystyrý. Mánerlep oqýǵa daǵdylandyrý. J. Aımaýytov týraly maǵlumat berý. Tabıǵattyń adam ómirine, jan - janýarlarǵa qajettiligi týraly ǵylymı túsinik berý.
2. Oqıǵany elestetip, júrekpen jete seziný qabiletin jáne ózindik oıyn aıtyp, jetkizý múmkindigin damytý.
3. Qorshaǵan ortany saqtaýǵa, «kitap - bilimniń qaınar kózi» degendi túsindire otyryp, oqýlyqty kútip ustaýǵa tárbıeleý, bilimpaz bolýǵa baýlý. Oqýshylardy izdenýge jeteleý. Jaýapkershilikti sezinetin ónegeli tulǵany tárbıeleý.
Sabaqtyń ádis - tásili: túsindirý, suraq - jaýap, áńgimeleý, túrtip alaý strategıasy
Kórnekilik: J. Aımaýytov sýreti, áńgime jelisine salynǵan sýretter, maqal - mátel jazylǵan plakat.
Sabaqtyń túri: jańa taqyrypty meńgerý sabaǵy.

Sabaqtyń barysy:
I. Uıymdastyrý kezeńi
Oqýshylardy ádebıettik oqý sabaǵyna daıarlaý.
II. Úı tapsyrmasyn tekserý.
Óleńdi mánerlep oqý. Til týraly maqaldar aıtqyzý.
Shýmaqtap oqý, tutas oqý.

III. Jańa sabaq
Psıhologıalyq daıyndyq.
Kóp áńgime, óleńim,
Kúnde aqyl beremin
Jaqsy kórse meni kim
Men de jaqsy kóremin

a) qyzyǵýshylyǵyn oıatý
Taqtadan J. Aımaýytovtyń sýretin kórsete otyryp túsindirý.
Oqýshylardan ózderine qandaı oı kelgenin suraý. Avtor týraly oılaryn tyńdaý.
Úlken kisi, aqyldy, oılanyp otyr, aqyn, jazýshy.
- J. Aımaýytov (1889 - 1931) – asa kórnekti qazaq jazýshysy. Kóptegen tartymdy áńgimeleri men «Kúnkeıdiń jazyǵy» atty tamasha poves, qazaq ádebıetindegi shyn mánindegi tuńǵysh romandary bolyp tabylatyn «Aqbilek», «Qartqoja» sıaqty kórkem shyǵarmalary bar.
á) Oı tolǵaý.
- oqýlyq (kitap) týraly ne bilesińder? (kesteni toltyrý)
Neni bilemin?
Kitap:
Zat. Aq qaǵazdan jasalady. Túrleri óte kóp. Kitap bizdiń dosymyz. Kútip ustaý kerek.
Ne bilgim keledi?
Eskirgen, jyrtylǵan oqýlyqtardy ne isteıdi?
Ne úırendim?
Eskirgen kitap, oqýlyqtardy qaıtadan óńdep, aq qaǵaz jasap shyǵarady
- Durys. Kitap týraly biraz maǵlumat biledi ekensińder. Al endi ne bilgileriń keledi?
Kitap, oqýlyq týraly bilimderi tolyqtyrylady.
- Kitap - baspada daıyndalyp, baspahanadan basylyp shyǵarylǵan mádenı rýhanı qazyna. Al osy kitapty jasaý úshin ormannan qanshama aǵash kesiledi. Iaǵnı qaǵaz aǵashtan alynady. Jyl saıyn kesilgen aǵashtardyń ornyna jańadan aǵashtar otyrǵyzylady. Adamdar eskirgen kitap, jýrnal, gazet, dápterlerdi fabrıkalarǵa qaıtadan ótkizedi. Fabrıkada olardy óńdep, qaıtadan qaǵaz jasaıdy. Ol qaǵazdardan baspahanalarda qaıtadan kitap basyp shyǵarady.
Oqýshylar túsingenderin baıandaıdy. Olardyń aıtqandaryn qysqasha túrde kestedegi úshinshi baǵanǵa jazý.
- Mine, balalar, biz kitap týraly kóp bildik. Ondaı bolsa kitapty boıamaı, jyrtpaı ustaýymyz kerek. Sebebi sol kitap arqyly biz saýatty bolyp, hat tanımyz, bilim alamyz.
Endi avtordyń «Qushtarlyq» áńgimesin oqyp, tanystyrý.

á) Mátindi jartylaı oqyp berý, túrtip al strategıasyn qoldaný.
Mátindi jartylaı oqýdaǵy maqsat - Qartqojanyń kitapty oqýda nemen aıaqtalǵanyn oqýshylarǵa jalǵastyrý. Mátindi oqý barysynda oqýshylar qoldaryna qaryndash alyp, sóz tirkesterin, maǵynasy túsiniksiz sózderdi belgileıdi.
Sergitý sáti
Anashymdaı syr shertken
Aqyl bilim úıretken
Ana tilin oqımyz
Erekshe bir qurmetpen!
Dáptermen jumys
Sózdik jumysyn júrgizý, jazyp alý.
Qańtaryp tusaý - attyń basyn kótere baılaý
Kózin qadaý - qadala qaraý, kózderge anyqtap qaraý.
Iegin sozdy - ıegin alǵa qaraı sozý

IV. Jańa taqyrypty bekitý.
1. Qartqoja týraly ne bilemiz?
Qartqoja
↓
İzdenimpaz
Yntaly
Oqýdy ańsaıdy
Sypaıy
Eńbekqor
Eńbeksúıgish
Óz isine tıanaqty

- Qartqojany ne nárse qýantty?
- Qartqoja ózine qandaı ýáde berdi?
V. baǵalaý.
VI. Úıge tapsyrma.
1. Mátindi mánerlep, túsinip oqý.
2. Mátin mazmunyna saı maqaldar jınaý.