InfoHub Logo

Qustar qaıtyp keledi!
Ortańǵy 12 - top
Maqsaty:
a\Qustar, sonyń ishinde jyl qustary týraly túsinik berý, qustardyń tirshiligi týraly baıandaý.
á\Qustar týraly óleń, taqpaqtar arqyly qyzyǵýshylyǵyn arttyrý, qustardy qorǵaýǵa degen sezimin arttyrýǵa jeteleý.
b\balalarǵa ekologıalyq tárbıe berý, ıaǵnı qustardy qorǵaýǵa, olarǵa tıispeýge, uıa jasap qarsy alýǵa tárbıeleý.
Kórnekiligi:, býkletter «Qustar – bizdiń dosymyz!», naqyl sózder.
Ádisi: ádebı - montaj, túsindirý, oıyn.

Júrgizýshi:
Qurmetti áriptester, ata - analar, qadirmendi dostar, qosh keldińizder!
Sizderdiń kóńilderińizge jyly shýaq uıalatar kóktem merekesimen quttyqtaı otyra, «Qustar qaıtyp keledi!» atty tárbıelik sharany tamashalaýǵa shaqyramyz
Shattyq sheńberi
Balalar sheńberde turyp, E. Ótetileýulynyń «Kóktem» óleńin birge aıtady.

- Alaqaı!- Kólderde
Alaqaı!- Seń júrdi,
Qýandy balaqaı: Belderge
- Qys ketti, Sán kirdi.
Qus kepti. Gúl qaptap
Qar ketti, Dóńderdi
Qyr kepti. Kúlli alqap kógerdi.
- Jyl mezgili»- kóktem týraly taqpaqtar aıtaıyq.

Taqpaq oqý
Qonaı
Kóktem qandaı kóńildi,
Kúmis jańbyr tógildi
Móldir aspan ashylyp,
Kún perdesi sógildi

Týdy kóktem! Jansaıa
Shýly kóktem
Keń dalany oıatty.
Kún qyzýyn quıdy kókten
Seń buzyldy, sý aqty.
Jangúlim
Jyrshy qustar kóp keldi,
Gúlder japty bókterdi.
Kel, balalar ánmenen,
Qarsy alaıyq kóktemdi.
Án: «Kóktem keldi!»
Júrgizýshi: - Mine, jyly shýaǵymen kóktem de kelip jetti. Kóktemmen birge, qanatty dostarymyz da keldi.
«Kók quraq - kóldiń sáýleti, qus pen ań eldiń dáýleti»- degendeı, haıýanattar ishindegi eń sulýy, eń symbattysy - qustar. Tabıǵatta da, adam ómirinde de qustardyń máni óte zor. Qustar áýezdi ásem daýyspen, symbatty da sulý, alýan túrli syrtqy kórinisimen, symbatty da sulý, alýan túrli syrtqy kórinisimen tabıǵattyń sánin keltirý arqyly adamdy shattyqqa, qýanyshqa bóleıdi.
Qustardyń daýysy estilgen mýzyka jáne bet perde kıgen balalar kiredi. \ Aqqý, qarlyǵash, qaratorǵaı t. b \
A. Áıgerim
Qarlyǵash:
Qarlyǵashpyn - men,
Adamnyń turaǵyn
Shybyn degen keselden
Tazalaıtyn úı - ishin.
El aýzynda maqtaýly,
Tazalyqshymyn tóselgen.

Mýhamedalı
Qaratorǵaı:
Men torǵaımyn,
Shegirtkedeı jurtyńdy
Qyrǵı bolyp qýamyn.
Egistikke, jaılymǵa.
Qorǵaýshy bop turamyn.
Jándikterdi zıandy
Qurtatuǵyn batyrmyn.

Mereı
Bulbul:
Men erkin boztorǵaımyn,
Bulaǵyn tytpaǵan án men jyrdyń.
Tamasha tamyljytyp shyrqaımyn,
Shattyǵyn taýysa almaı ár kúnniń.

Arýjan
Aqqý:
Qus sulýy aqqýmyn
Tabıǵat kórkin syılaǵan
Myltyǵyn kezep esh mergen
Atýǵa kózi qımaǵan.
Sulýlyqty pash etip
Jyrlaǵan talaı aqyndar
Názik úndi, kól kórki
Qus patshasy men bolam

Eltas
Kókek:
Jarshysymyn kóktemniń
Kókek deıdi meni jurt
Óz atyn aıtar qus menmin.
Kóktemdi kútseń meni kút.

- Endeshe osy qustardyń qurmetine taqpaǵymyzdy aıtyp bereıik.
Taqpaq oqý
Aqbota
Kóktem kógin molaıtyp,
Qyrdy gúlge bóledi
Qýanyshty án aıtyp
Qustar qaıtyp keledi.

Alan
Aımalap kún baý - baqty,
Araı shýaq tógedi
Ańsap bizdiń aımaqty
Qustar qaıtyp keledi

Tamerlan
Túrli gúlin syılaǵan,
Dala netken keń edi.
Týǵan jerin qımaǵan
Qustar qaıtyp keledi.

Dılnaz
Qustar - bizdiń dosymyz
Shyrqap ánge qosynyz
Qustar - bizdiń dosymyz,
Kóktem saıyn tosamyz.

Júrgizýshi: Qustar tabıǵatqa sán beredi. Olardyń áýeni tabıǵatty qulpyrtyp,
adamdardyń kóńil - kúıin kóteredi. Qustardyń túrleri óte kóp. Onyń ishinde jyl
qustary, calqyn túse jyly jaqqa ushyp ketip, kóktemde qaıta ushyp keletin qustar. Olarǵa qandaı qustar jatady, kim biledi?
Balalar jaýaptary.
- Qarlyǵash, kókek, aqqý, qaratorǵaı, bulbul, toqyldaq, úırek, qaz, tyrna sýretter arqyly kórsetedi.
Sýretpen jumys
- Endeshe, jyl qustarynyń keıbiriniń tirshilik qamy týraly áńgimeleıik.
Qonaı
- Toqyldaqty halyq orman emshisi dep ataıdy. Ol aǵashty zıandy qurt - qumyrsqadan tazartady.
Jansaıa.
Qaratorǵaı - ózi kishkentaı, óte paıdaly qus. Orman qorǵaýshysy. Aýylǵa qaratorǵaı kelisimen kúnniń kózi ashylyp, kún jylynady.
Arýjan.
- Qarlyǵash - jyl qusy. Mekendegen ortasyna qaraı dalalyq, aıyldyqdep atalady. Elimizde kent, sur, quz, jar jáne qosreń qarlyǵashtary da keń taraǵan.
Jangúlim.
- Qarlyǵashtar óte ushqyr. Sur qarlyǵash saǵatyna 170 km jyldamdyqta ushady eken.
Mýhamedalı.
- Sondaı - aq, jemin de ushyp júrip aýlap, sýdy da ushyp kelip qalqyp ishe alady.
Áıgerim.
- Olar jándiktermen qorektenip, árqaısysy kúnine myńnan asa masa jep zor paıda keltiredi.
- Jaraısyńdar, al qazir qarlyǵash qusyna taqpaq arnaıyq.
Qustar qaıtyp keledi! júkteý