InfoHub Logo

Ana tili 3 synyp
Taqyryby: Bulbuldyń áni
Maqsaty: 1. Mátin mazmunyn negizgi oıdy uǵyndyrý. Tanym múmkindikterin anyqtaý.
2. Sózdik qorlaryn jetildirý, elestetý, óz oılaryn erkin aıta bilý qabiletterin damytý.
3. Qorshaǵan ortanyń tylsym syrlaryna qyzyqtyrý arqyly tabıǵatqa degen kózqarasyn qalyptastyrý. Tabıǵat qamqorshysy bolýǵa tárbıeleý.
Mindetteri: 1. Shyǵarmany taldap, negizgi oıdy bilý kerek.
2. Damyta oqytý strategıalaryn qoldaný arqyly shyǵarmany zertteý, bilimderin keńeıtý.
3. Toppen jumys isteý arqyly yntymaqtastyqqa tárbıeleý.
Sabaqtyń túri: Áńgime mazmunyna boljaý jasaý.
Pánaralyq baılanys: Dúnıetaný, mýzyka.
Kórnekiligi: Úntaspa «Qustar úni» qustar sýreti, jemshasharlar, semantıkalyq karta.
Ádisi: Suraq – jaýap, toppen jumys, aqparattyq, kommýnıkatıvtik quzyrettilik,

Sabaqtyń barysy:
İ Uıymdastyrý kezeńi
- Balalar, senderdi Ana tili sabaǵynda kórgenime óte qýanyshtymyn.
İİ Úı tapsyrmasyn suraý
«Eńbekpen tapqan tıyn» ertegisine ár top berilgen tapsyrmalar boıynsha daıyndaldy.
İ top Ertegi bólimderine at qoıý.
İİ top Ertegi mazmunyna baılanysty maqal – mátel ázirleý.
İİİ top Ertegi mazmunyna kórinis ázirleý.
Negizgi avtordyń oıy: «Eńbekpen kelgen zat bolsyn ol óte ystyq, qymbat, ári baǵaly.»
İİİ Jańa sabaq.
Qyzyǵýshylyqty oıatý – burynǵy biletini men jańa bilimdi ushtastyrý, ıaǵnı sabaqta qarastyrǵaly turǵan másele jaıly oqýshy ne biletinin anyqtaý.(Úntaspa úni)
- Neniń úni? (qustar úni)
- Endeshe, búgingi sabaǵymyz neler týraly bolmaq?
- Qustar jaıly áńgime oqımyz, jumbaqtar sheshemiz, án de aıtarmyz.
- Al, kánekeı, qustarǵa uqsap, bir sergip alaıyqshy.

Sergitý sáti:
Ornymyzdan turaıyq,
Alaqandy uraıyq.
Bir otyryp, bir turyp,
Biz tynyǵyp alaıyq.
Qolymyzdy jaıaıyq,
Qus bop qanat qaǵaıyq.
Joǵary tómen qaraıyq,
Ornymyzdy tabaıyq.
- Búgin biz toppen jumysymyzdy jalǵastyramyz. Qazir topqa at tańdap alamyz. Qaı top jumbaq sheshýin durys tapsa, sol qustyń atyn utyp alady.
1. Qos qanatyn ıip ap,
Jarǵa kelip qonady.
Qara kıim kıip ap,
Balshyqtan úı salady. (qarlyǵash)
2. Bul ne degen sheber edi,
Ormandaǵy aǵashtardy,
Tumsyǵymen shegeledi. (toqyldaq)
3. Qaıtalap atymdy,
Án salyp alamyn.
Kez kelgen uıaǵa,
Jumyrtqa salamyn. (kókek)
1 – qadam Mátin atyn oqımyn. Bulbul áni.
- Ne jaıly bolmaq? (Bulbul áni týraly)
- Biz osy mátindi túsiný úshin qandaı maqsat qoıamyz?
*Mátin mazmunynan oqylatyn úzindilerdi muqıat tyńdaý.
*Úzindi arqyly mátin mazmunyna boljam jasaý.
*Toppen jumys isteý erejesin umytpaý: bir - biriniń pikirin tyńdaý, ózara ortaq sheshimge kelý;
2 – qadam Mátin basyn tyńdaý.
«Joldasym Ábdesh ekeýimiz toǵaı aralap júrip, bir butanyń túbine kelip, otyra kettik.»
Tapsyrma: Ne sebepten otyra ketti? (sharshady, tynyǵyp alǵylary keldi, tamaq iship alý kerek.)
3 – qadam «Taza aýada mamyqtaı jumsaq kók shóptiń ústine jaıǵasyp, ótken – ketkendi áńgime ettik. Keıde birnársege talasyp, kerildesip te alamyz»
Tapsyrma: «Ábdesh jáne men» bólimin negizge ala otyryp, mátindi bulbul únin estıtindeı etip, jalǵastyryp jaz. (Úntaspadan Qurmanǵazynyń «Bulbul» kúıin tyńdatý.)
4 – qadam «Osylaı otyrǵanymyzda, bir sıyqsyzdaý, sarǵysh, barmaqtaı qus butaqqa qonyp alyp, daýysy dirildep, qarlyqqandaı qyryldap, saıraı bastady»
- Myna ne bir daýysy, ne bir túri joq sumpaıy qyrqyldap sózimizge bóget boldy – aý, dep edim.»
Tapsyrma: «Sıyqsyz qus úni.» bóliminde nege qustyń baby, jaǵdaıy kelmeı tur?
Sebepterin aıt, dálelde.
5 – qadam «Osy otyrǵan buta tusynda uıasy bolýy kerek. Sondyqtan jumyrtqasyna tıe me dep qorqyp, júregi dúrsildep, daýysy qaltyrap, shabyttana saıraı almaı otyr.»
Tapsyrma: Balalar qandaı áreket jasaıdy? Sen olardyń ornynda bolsań, ne eter ediń?
Muǵalim – jeke oılaný – juppen jumys – jobalaý kezeńderi arqyly mátin mazmunyn pysyqtaıdy.
- Mátindi neshe bólikke bólýge bolady?
İ bólim. Ábdesh jáne men.
İİ bólim. Sıyqsyz qus.
İİİ bólim. Balapannyń uıasyn qoryǵan qus.
İV bólim. Shabyttana saıraý.
- Mátin bólikterin saqtaı otyryp, daýystap oqıyq.

Shyǵarmashylyq tapsyrmalar:
*Halyq boljamdary.
Tabıǵatty tylsym kúshin baqylaǵysh halqymyz qustardyń da qımyl - áreketin qalt jibermeı mynandaı boljamdar aıtady:
• Qustar ertemen jem izdeýge asyqsa,
kún jaýyndy – shashyndy bolady.
• Dalada kókektiń «ký - ký» degen daýysyn jıi estiseńiz,
aldaǵy kún ashyq bolady.
• Bulbul án salsa, kún ashyq.
Ózi kórinse, únsiz júrse jaýyn jaýady.
Ár top bulbuldardyń túrlerin ózara oqý arqyly tanysyp, qysqasha túsinigin dápterge jazady.

Kókquıryq bulbul – Saıraýyqtar tuqymdasyna jatatyn kókquıryqtar týysynyń Qazaqstandaǵy jalǵyz ókili. Bul Ońtústik Sibir qusy Qazaqstanda Ońtústik Altaıdyń taýly ormandarynda kezdesedi. Kishirek salmaǵy 20 g qus, dene mólsheri men qylyqtary otquıryq jáne shybynshy torǵaılardy eske túsiredi. Shaqyrý úni – qysqa sazdy «fıt» qazaqstanda zerttelmegen.
Bulbuldyń áni júkteý