InfoHub Logo

1 - júrgizýshi: Búgin bizde jańa joba «Quttyqtaý sazdy» baǵdarlamasynyń tusaýkeserine qosh keldińizder. Baǵdarlamamyzdyń shymyldyǵyn qazaq bıimen ashamyz.
2 - júrgizýshi: Qurmetti asyl analar, qadirli ustazdar, qyz - qyzǵaldaqtar! Qar astynan qyltıyp báısheshek boı kórsetkende kóktemniń alǵashqy habarshysy bolyp Analar merekesi keldi.
1 - júrgizýshi: Báısheshek sonshalyqty náziktigine qaramastan qalyń qar astynan búrshik jarady. Bizdiń asyl analarymyz da báısheshekteı barlyq qıyndyqqa tózimdi. Analar, kóktemgi kúndeı jarqyrap, gúldeı qulpyrǵan gúl merekelerińiz qutty bolsyn!
2 - júrgizýshi: Dúnıede eń sulý kim ekenin bilesiń be?
1 - júrgizýshi: Eń sulý, menińshe, Roza Rymbaeva, Altynaı Jorabaeva, Maqpal Júnisova... Dúnıede sulýlar kóp qoı, aıta berseń bitpeıdi...
2 - júrgizýshi: Joq, sen qatelesesiń, dúnıedegi eń sulý - ol qazaq anasy.
1 - júrgizýshi: Solaı ma? Qalaısha?
2 - júrgizýshi: Qazaq anasy - bar muratyn otbasynyń ıgiligine arnaǵan álemdegi izgi adam. Qazaq anasy - bar tilegin perzentiniń jolyna arnaǵan álemdegi eń meıirban ana.
1 - júrgizýshi: Durys, men senimen kelisemin. Alaıda, sen osymen ne dep aıtaıyn dep ediń?
2 - júrgizýshi: Meniń aıtaıyn degenim, búgingi habarymyzdy asyl analarǵa arnasaq qaıtedi? Sen osyǵan qalaı qaraısyń?
1 - júrgizýshi: Nege arnamasqa! Búgingi baǵdarlamamyzdyń aty - «Ana – ómirdiń gúli»
2 - júrgizýshi: Sálem, sálem, sálem dostar! Búgin sizder analaryńdy, ustazdaryńdy, qurby - qurdastaryńdy - bárin quttyqtaı alasyńdar! Bizdiń baılanys telefonymyz: 5 - 14 - 68. Aýylymyzdyń kody 8 - 716 - 37. Bizdiń baılanysymyz aqysyz ekenin umytpańyzdar. Aıtpaqshy, quttyqtaı otyryp qalaǵan bir ánderińizdi suraı alasyzdar. Biz ony bar bolsa ǵana qoıyp beremiz dep sóz beremiz.
1 - júrgizýshi: Dostar, habarlasyńyzdar, bizdiń telefonymyz sizderdiń telefon shalýlaryńyzdy asyǵa kútý ústinde.
1 - tyńdaýshy: Alo, alo, sálemetcizder me?! Men ózimniń anama sálem joldaıyn dep edim, kóńil kóteretin jaqsy bir án qoıyp berseńizder.
2 - júrgizýshi: Árıne, bar, dál qazir «Aq mamam» ánin qabyl alyńyzdar.
Aq mamam 1. El jatqanda jatpaǵan, Men dep tynym tappaǵan. Baqyty úshin balanyń Aman - saý bol, aq mamam. 2. Kúlimdegen kózińnen, Kún meıirimi sezilgen. Bul jalǵanda balaǵa, Jaqyn jan joq ózińnen. 3. Óziń maǵan mıat kún, Sen dep tańym jıi atty. Aq mamamnyń aıqaıy, «Aınalaıyn» sıaqty 4. Men dep kirpik qaqpaǵan, Mensiz taǵam tatpaǵan. Baqyty úshin balańnyń, Aman - saý júr, aq mamam!
2 - júrgizýshi: Kórinis: «Balmuzdaq» Quralaı: Anashym 100 teńge beresiz be? Gúlnur: Ony qaıtesiń balam? Quralaı: Bir kári apaıǵa bereıin dep edim. Gúlnur: - Óı, jaraısyń balam! Durys qaıyrymdy bolý kerek! Ol kisi qaı jerde? Quralaı: Myna kósheniń buryshynda, balmuzdaq satyp otyr.
2 - tyńdaýshy: Alo, alo, sálemetsizder me?! Men synyptas qurbylarymdy, ustazdarymdy, analardy merekesimen quttyqtap sálem joldaıyn dep edim. «Al, davaı» tobynyń bir ánin qoıyp berseńizder.
1 - júrgizýshi: O, ókinishke qaraı, ol toptyń oryndaýynda ázirshe bizde án joq, biraq bolǵan kezde qoıyp beremiz degen ýáde beremiz. Al qazir «Analardyń tilegi» ánin qabyl alyńyzdar.
Analardyń tilegi
1. Analardyń tilegi,
Tyńdaıyqshy júregin.
Jany, jaısań, analar,
Jyrǵa qosyp júremin.
Bolashaqqa bastaǵan,
Ana degen asqaq án
Tebirentip júrekti
Jyr etedi jas qalam
Qaıyrmasy:
Alysta júrip saǵynam,
Ózińe máńgi tabynam.
Bas ıip ótem anaǵa,
Aq jaýlyǵyn jamylǵan.
2. Qýat kúshiń talmasyn,
Baqyt gúli solmasyn.
Asqaryna armannyń,
Urpaqtaryń samǵasyn.
Talaı toptan izdegen,
Ana kórdim júzdegen,
Saǵynyshyn jetkizgen,
Jany jaqyn qyz degen

2 - júrgizýshi:
Ana degen – asqaq án,
Oryndaıtyn árqashan.
Anadaı qymbat syılyqty
Taba almaısyń eshqashan.
1 - júrgizýshi: Óte tamasha jazylǵan óleń, biz de ózimizdiń analarymyzǵa arnap myna kórinisterden úzindilerdi kórseteıik.
1 - júrgizýshi: Kórinis: «Qansha qalady?»

Salaýat: Gúlnur seniń qolyńda 8 qalam bar. Onyń tórteýin dostaryńa berdiń, ózińde qansha qalam qaldy?
Gúlnur: Men olarǵa bergenshe, úıdegi inime bergen jaqsy ǵoı.

2 - júrgizýshi: Dúnıede eki ana bar. Biri tirshilik anasy - Tabıǵat ana, ekinshisi – adamnyń anasy. Ekeýi de meıirimdi, osy ekeýine de qataldyq kórsetýge bolmaıdy.
1 - júrgizýshi: Arman 9 jasta. Anasynyń tapsyrǵan úı jumystaryn oryndaǵysy kelmeı qabaǵy túsedi. Bir kúni anasyna mynadaı hat jazady.
Ana, maǵan úı jumystaryn istetkenińiz úshin tómendegideı qaryzyńyz bar.
Nanǵa baram 50 teńge, bólmemdi jınadym 100 teńge, qoqys tóktim 100 teńge, «5» aldym 50 teńge, kompúter oınamadym 50 teńge, qulaıyn dep turǵan ydysty ustap qaldym 50 teńge, kıimderimdi rettedim 100 teńge, kir kıimderimdi kirjýǵysh mashınaǵa salyp qoıdym 50 teńge.
Barlyǵy: 550 teńge qaryzyńyz bar. Ýaqytynda tólemeseńiz ústeme qosatynymdy aıtyp qoıaıyn!
2 - júrgizýshi: Anasy Armanǵa mynadaı jaýap jazady.
Saǵan ana sútin berdim 0 teńge, túnde álsin - álsin oıanǵanyńda qasyńda boldym 0 teńge, aýyryp qalsań qasyńnan ketpedim 0 teńge, túsinbegen sabaǵyńdy túsindirdim 0 teńge, sen qýansań birge qýandym 0 teńge, seni qandaı da bolsyn jamandyqtan qorǵaýǵa tyrystym 0 teńge, seni erkelettim 0 teńge, unatatyn zattaryńdy alyp berdim 0 teńge.
Arman ózi jazǵan haty úshin qatty uıalady. Budan bylaı anasyn renjitpeýge, aıtqanyn oryndaýǵa bekindi.

1 - júrgizýshi: Analar, sizderge óz alǵysymyzdy, quttyqtaýymyzdy, rızashylyǵymyzdy bildirip jatyrmyz. Kelesi ánimiz de sizderge arnalady: «Quttyqtaımyn, ana»