InfoHub Logo

HHİ ǵasyr jýrnalısıkasy – oı eńbegimen qatar tehnologıaǵa júginedi. Ǵylymı tehnıkalyq revolúsıanyń sharyqtaý shegine jetip, adamzat órkenıetiniń jańa - sandyq deńgeıge kóterilgen kezeńi. Qarapaıym baspasóz gazetin oń kóretin de, áleýmettik jelini únemi qoldanatyn oqyrmandarǵa da aqparatty jetkizýde ótimdilikti oılaý mańyzdy. Al qaı janrda aqparat bilgisi keletinin oqyrman ózi sheshedi.

HH ǵasyr men HHİ ǵasyr toǵysynda buqaralyq aqparat quraldarynyń jańa túrlerimen tolyǵyp, ınternet basylymdar qatarǵa qosyldy. Zamanaýı baspasóz quraldary kún sanap jańaryp keledi, sonyń ishinde radıo, televedenıe, áleýmettik jeli. Degenimen de gazet – jýrnaldar óz mańyzyn joıǵan joq. Oqıtyn oqyrman bolsa baspasóz gazetteri joıylmaıdy.

Qazirgi tańda Qazaqstannyń buqaralyq aqparat quraldary áleminde irili – usaqty 9 000 – ǵa jýyq saıt bar. Aqparattyq, tanymdyq, saıası, ekonomıkalyq, zań, sán taǵy da basqa halyqqa qajetti túrli saıt jumys isteýde. Sonyń ishindegi úzdik úshtikke kiretin Google, Facebook, Instagram.

Google – álemdegi qaralym jaǵynan aldyńǵy orynda. Bunda adamdarǵa kerekti aqparattyń túgeldeı derlik barlyǵy bar. Kúnine mıllıardtaǵan oqyrman ózine keregin izdeıdi.  Bul saıt bar álemdi bir ınternet shańyraǵyna biriktirip otyr. Facebook - bul da qaralym jaǵynan des bermeıtin saıt. Adamdar bir – birimen pikir almasyp, kún saıyn jańa aqparattarmen tanysyp otyrady. Instagram – álemdik trend. Qazirgi tańda álemdegi barlyq adam osynda jınalady. Ózderiniń foto – vıdeolaryn jarıalap, ómirinde bolyp jatyrǵan jaıttarmen bólisip otyrady. Ár tanymal blogerdiń óz aýdıtorıasy bar, jáne solarǵa barynsha jalǵan emes qyzyqty aqparattamen bólisýge tyrysady. Saıt tóńireginde bıznesterin ashyp, aqsha taýyp otyrǵandar da az emes. Mine osy saıttarda halyqtyń úlken kishiside aqparat kózderimen tanysyp otyrady.

Qazirgi ýaqytta redaksıada eń kóp suranysqa ıe bolǵany – áleýmettik jelilermen jumys jasaıtyn jýrnalıster nemese SMM menedjerler, olardyń kásibı daıyndyǵy qazirgi zamanǵy aqparattyq, komýnıkasıalyq jáne medıa júıesiniń quramdas bóliginde qyzmet atqara alady. Zamanaýı tehnologıalardyń adam ómiriniń barlyq salalarynda qoldanylýy, qoǵam damýynyń zańdylyqtaryn aıqyndap, áleýmettik saıası máseleler jaıly maǵlumat beretin buqaralyq aqparat quraldaryna jańa janrlar men

tendensıalar ákeldi. Osylaısha bizdiń jýrnalısıka áleýmettik jeli kózine bet burdy. Tehnologıanyń arqasynda biz tek Qazaqstan tóńiregindegi ǵana emes, búkil álemdegi jańalyqtardan habardar bolyp otyrmyz.

Qoryta kelgende zamanaýı jýrnalısıkadaǵy tehnologıalar – adamzat aqyl - oıynyń jemisi. Jýrnalıs sapaly kontent qalyptastyrady, odan akparat alyp, múmkindik pen máseleni týǵyzatyn aýdıtorıa. Sondyqtan HHİ ǵasyr jýrnalısiniń mindeti – máseleni sheship, tehnologıany paıdalaný arqyly zamanaýı jýrnalısıkany joǵarǵy deńgeıge kóterý.

Abdolova Aıdana

Abylaıhan atyndaǵy Qazaq halyqaralyq qatynastar jáne álem tilderi ýnıversıteti jýrnalısıka mamandyǵynyń 1 kýrs stýdenti

---