InfoHub Logo

Pavlodar oblysynda An-2 ushaǵynyń apatqa ushyraýynan aman qalǵan pılot aýyr halde qalalyq №1 aýrýhananyń jansaqtaý bólimine jatqyzyldy. Ol qazir tıisti em-sharalardy qabyldap jatyr.

Bul týraly Infohub.kz aqparat agenttigi habarlaıdy.

Jansaqtaý bólimindegi jaǵdaı

Densaýlyq saqtaý basqarmasynyń málimetinshe, 1998 jyly týǵan er adam polıtravma dıagnozymen Pavlodar qalalyq №1 aýrýhanasynyń jansaqtaý jáne qarqyndy terapıa bólimine túsken. Medısına qyzmetkerleri onyń jaǵdaıyn baqylaýda ustap, qajetti emdi kórsetýde.

«Jansaqtaý bólimindegi alǵashqy táýlik árqashan aýyr dep baǵalanady. Bul – standartty protokol. Alǵashqy kúni jaǵdaıdyń dınamıkasy muqıat baqylanady», - dep habarlady Pavlodar qalalyq №1 aýrýhanasynyń ókilderi.

Apat týraly

Eske sala keteıik, An-2 ushaǵynyń apaty 27 mamyr kúni tańerteń Pavlodar oblysynyń Jelezınka aýyly mańynda boldy. Ushaq apatqa ushyraǵannan keıin pılot tiri qalǵan.