InfoHub Logo

Bilim berý salasy: «Komýnıkasıa»/ «Áleýmettik orta»
Oqý qyzmeti: Kórkem ádebıeti /Qorshaǵan ortamen tanysý
Taqyryby: Shana. Qys qyzyǵy
Sabaqtyń maqsaty: Qys mezgilindegi erekshelikterdi balalarǵa túsindirý. Qys mezgilinde oınalatyn oıyndardy, syrǵanaýǵa arnalǵan zattardy ajyrata bilýge úıretý.
Kórnekiligi: Qys mezgilin beıneleıtin sýretter, shanamen syrǵanaq teýip júrgen balalar sýretteri.
Ádisi: Áńgimeleý, suraq jaýap, toppen jumys, túsindirý.
Kiriktirilgen sabaq.

Sabaqtyń barysy: Uıymdastyrý kezeńi.
Psıhologıalyq daıyndyq
- Balalar, bárimiz ortaǵa shyǵyp, shattyq sheńber jasaıyq..

Shattyq sheńberi:
Tabıǵat bizdiń anamyz,
Tabıǵatqa balamyz.
Tabıǵatty qorǵaıtyn,
Biz ádepti balamyz.
Sabaqtyń júrý barysy
Sýda muz bar, jerde qar bar,
Boran borap soǵady.
Aıtyńdarshy balalar,
Bul qaı kezde bolady?
Qys mezgili.
Qysqy tabıǵat qubylystary týraly áńgimeleý.
- Jyldyń tórt mezgilin biri - qys. Qys – sýyq, qarly, aıazdy bolady. Qysta qar jaýyp, aıaz bolyp, aǵashtarǵa qyraý turady. Ol tabıǵattyń ózi jasaǵan sheberligi.
Qys mezgiliniń aılaryn ata. Osy qys aılary boıynsha topqa bólineıik. Ol úshin taqta aldyndaǵy qardyń sýretin tańdap alýymyz kerek. Onda qys aılary úsh tilde jazylǵan.
Jeltoqsan Dekabr December
Qańtar Ianvar January
Aqpan Fevral February
Jeltoqsan, qańtar men aqpan aılarynda aýa raıy sýyq bolady. Qańtar – qys shatyry. Qystyń úsh aıy qandaı sýyq bolǵan
kúnde de adamdar muz aıdynda kónkımen syrǵanaıdy, shańǵy, shana tebedi. Qar kesekterin domalatyp, aqqala jasaıdy.
Qys mezgiliniń erekshelikterin atap ber?
Qys mezgilin ne úshin jaqsy kóresińder? Pikirlerińdi bildirińder.

1. Jumbaqtardy shesheıik:
Qysta ǵana bolady,
Ustasań qolyń tońady. (Qar)
Otqa janbas, sýǵa batpas (Muz)
Esikten kiredi eńkeıip,
Tórge shyǵady qampaıyp. (Aıaz)

2. Sýretpen jumys.
«Qys qyzyǵy» taqyryby boıynsha áńgimeleý.
«Qysqy oıyndar» dıdaktıkalyq oıyny. Sharty: balalar bir - birden qorjyn ishinen sýretterdi alady.
Sýretterdiń ishinen qysqy oıyn túrleri beınelengen sýretti taýyp, ony taqtaǵa japsyrady. Sonan soń sýret boıynsha qysqy oıyn túrleri týraly áńgimeleıdi.
Tabanyma baıladym,
Qos taıaqpen aıdadym. (Shańǵy)

Tabanyma taqtym,
Jalpań qaqtym,
Zyrlap baqtym. (Kónkı)

Taýdan tússem, toqtaýdy bilmeıdi,
Taýǵa qaraı tartsam da júrmeıdi.

Zýlap túsip tómenge,
Shyqpas mensiz tóbege. (Shana)

3. Sergitý sáti.
Jas ulanmyn shynyqqan,
Jasqanbaıtyn sýyqtan.
Qardan jasap aqqala.
Syrǵanaımyn shattana.

4. Oqýlyqpen jumys.
G. Ázimbaevanyń «Shana» atty shaǵyn áńgimesin oqyp beremin de, ary qaraı bala qalaı jaýap berýi múmkin? (Balalar oılanyp, óz oılaryn aıtady)

5. Sýretti boıaý
Qysqy tabıǵat týraly sýretterdi boıatyp, áńgimeletý.

6. Rebýsty shesh.
«Shana»
Qorytyndy:
- Qysta qandaı oıyn túrlerin oınaımyz?
- Kimniń shana, shańǵy, kónkıi bar?
- Qazir tehnıkanyń jedel damyǵan zamanynda bizge ne kerektiń bári de dúken sórelerinde nemese ashyq bazarlarda samsap tolyp tur. Alaıda, olardyń kez kelgenin ápere berýge bizdiń ata - analarymyzdyń shamalary jete bermeýleri de múmkin. Sondyqtan keıbir ata - analar shanany qoldan quıdyryp ta jasatady. Sondaı shana kimde bar?
- Sen olardy tıimdi paıdalanyp júrsiń be?
Balalardy madaqtap, bes juldyzshalar taratyp, sabaqty aıaqtaımyn.