InfoHub Logo

«Shańyraq» otbasylar saıysy
Maqsaty: Otbasy men mektep arasyndaǵy yntymaqtastyqty nyǵaıtý, halyq pedagogıkasyn oqý - tárbıe barysynda qoldaný, ulttyq tárbıeni damytý, balalardy tatýlyqqa, uıymshyldyqqa tárbıeleý.
Saıystyń júrý barysy:
Júrgizýshi: Armysyzdar, qadirli ata - analar, jarysqa qatysýshylar men balabaqsha ujymy! Búgingi «Shańyraq»otbasylar saıysyna qosh keldińizder!
Bala – bizdiń bolashaǵymyz. Sondyqtan da balalardy kishkentaıynan ata - analarymen birige otyryp, meıirimdi, bilimpaz etip tárbıeleý bizdiń basty mindetimiz. Ata - ananyń úmit - armany balasymen birge jasaıdy. Olardyń bar tileýi balaǵa baǵyttalǵan. Búgingi saıysqa qatysqaly otyrǵan ata - analarymyzdy ortaǵa shaqyraıyq. Olar: «Aq bosaǵa» toby –
«Asyl mura» toby –
Júrgizýshi: Saıysymyz mynadaı kezeńderden turady:
1. «Sóz anasy - sálem»
2. Tapsyrmalar men suraqtar
3. «Ata kórgen oq jonar, ana kórgen ton pisher»
4. Jaǵdaıattar
5. «Qazaqtyń tyıym sózi – ulttyq tárbıe kózi»

Jınalyppyz beısenbide bárimiz de,
Úlken - kishi, jasymyz, kárimizde
Tórletińder qadirmendi qonaqtarym
Gúl - gúl jaınap myna bizdiń tórimizge
Ár otbasyna ret nómiri beriledi (qorjynnan asyq alý arqyly). Sodan keıin saıystyń bastalýyna aq áje kelip shashý shashyp, bata beredi. Saıysqa sáttilik tileıdi:
Surasań bata bereıin,
Ústem bolsyn mereıiń
Yqylaspen qol jaısań
Aq tilekti tógeıin
Asý - asý, asýda
Baqyt bersin basyńa
Denderińe saýlyq tileımin
Otbasylaryń aman bolsyn
Shańyraqtaryń bıik bolsyn
Keregeleriń keń bolsyn
Búgingi mynaý saıystaryń
Osy urpaqqa ónege bolsyn! Aýmın!
Júrgizýshi:
Keri ketý esigin biz ashpaıyq
Shańyraqqa biz urandy tastaıyq
Eń birinshi kezegimiz tanysý
Al, qanekı «Shańyraq» synyn bastaıyq

İ kezeń: «Sóz anasy - sálem» dep atalady. Ár otbasy ózderin tanystyrady (toptyń aty, urany).
«Aq bosaǵa» toby: «Aq bosaǵa» tobymyz
Ashyq árkez jolymyz
Jarysýdan qashpaımyz
Múdirmeımiz, saspaımyz
«Asyl mura» toby: Toptyń aty - «Asyl mura»
Keldik mine jarysýǵa
Aramyzda eptiler bar
Sóz beremiz qalyspaýǵa.

İİ kezeń: Tapsyrmalar men suraqtar. Ulttyq kıim kıgen qyz bala qorjyn alyp shyǵady. Ár otbasynyń balalary qorjyndaǵy nómirlengen asyqtardy alady, asyqtardy alý arqyly tapsyrmalar beriledi.
№ 1. «Shildehana» salt - dástúriniń mazmunyn túsindirińiz.
№ 2. «Qyrqynan shyǵarý» salt - dástúriniń mazmunyn túsindirińiz
№ 3. «Besikke salý» kórinis
№ 4. «Itkóılek» salt - dástúriniń mazmunyn túsindirińiz

Júrgizýshi: Ónerpazdar jarysyp san - salaly
Jıyn dese, toı dese jan salady
Kelesi kezeńimizdiń qurmetine
Áýelegen ásem án joldanady.
Mýzykalyq úzilis: Terme.
Júrgizýshi: Jaraısyńdar barlyǵyńda der edim
Asyp bir tógilsinshi kemeliń
Yrza bolyp qane, bizder kóreıik
Tamashalap shańyraqtyń ónerin

İİİ kezeń: «Ata kórgen oq jonar, ana kórgen ton pisher»
Ata - analar qol ónerden jarysady.

IV kezeń: Jaǵdaıattar.
№ 1. Úıge kelgende balańyzdyń qaltasynan bóten oıynshyq shyqty, siz ne ister edińiz?
№ 2. Tańerteń balańyz sabaqqa barmaımyn dep jylap otyryp aldy, siz jumysqa asyǵyp tursyz, ne ister edińiz?
№ 3. Balańyz súrinip betin jaraqattap aldy, biraq sizge synyptas bala urdy dep kelse, bul jaǵdaıda ne ister edińiz?
№ 4. Qonaq kelgende balańyz sizdi tyńdamady, júgirdi, sekirdi, kelgen adamdardyń mazasyn aldy, siz ne ister edińiz?
Mýzykalyq úzilis:

V kezeń: «Qazaqtyń tyıym sózi – ulttyq tárbıe kózi».
№ 1. a ) «Úıde ysqyrma!», «Úıdegi jan basyn sanama!» degen tyıym sózderdiń maǵynasyn ashyńyz.
á ) Ana tiliniń mártebesin qalaı kóteremiz? Sizdiń kózqarasyńyz?
№ 2. a) «Nandy bir qolyńmen úzbe!», «Nan ýaǵyn tastama!» tyıym sózderiniń maǵynasy qandaı?
á) Otbasynda óz ultyńyzdy qurmetteıtin qandaı ıgi dástúrdi jalǵastyryp kelesiz?
Saıys sońynda qazylar alqasynyń qorytyndysy tyńdalyp, qazylar alqasynyń sheshimimen «Eń tárbıeli» jáne «Eń ádepti» otbasylar nomınasıasy boıynsha marapattaldy.