InfoHub Logo

Ádebıettik oqý
Sabaqtyń taqyryby: T. Moldaǵalıev «On altynshy jeltoqsan» «Qaırattyń jazý dápterinen»
Sabaqtyń maqsaty:
bilimdilik: táýelsizdik uǵymyn túsindirý, Qazaqstan táýelsizdigi jolynda mert bolǵan qaısar rýhty qazaq jastary týraly maǵlumat berý, oqýshylardyń bilimderin tereńdetý, jańa bilim mazmunyn meńgertý.
tárbıelik: oqýshylardy eldi jaýdan qorǵaǵan, eli úshin erlik kórsetken azamattardy qurmetteýge, týǵan jerin súıýge, Otan úshin otqa túsetin eljandy, ultyn súıetin, eliniń bolashaǵyna, ósip - órkendeýine óz úlesin qosatyn el azamaty bolýǵa tárbıeleý.
damytýshylyq: oqý daǵdysyn qalyptastyrý jáne jetildirý, til baılyǵyn damytý, ózindik oı - pikirin aıta bilýine baýlý, sózdik qoryn molaıtý.
Sabaqtyń tıpi: jańa bilim berý
Sabaqtyń túri: aralas sabaq
Ádis - tásilderi: túsindirý, áńgimelesý, suraq - jaýap, baıandaý, sózdik, praktıkalyq, taldaý - jınaqtaý, madaqtaý, kórnekilik
Kórnekiligi: Avtor sýreti, jeltoqsan qurbandarynyń sýreti, sózjumbaq, Kartochkalar, slaıd.

Sabaq barysy
Kirispe - qyzyqtyrýshylyq kezeń
İ. Uıymdastyrý kezeńi
1. Oqýshylarmen sálemdesý
2. Oqý quraldaryn túgendeý
• Toptyń uranyn aıtý
Jaqsy oqý – antymyz,
Artymyzda qalsyn altyn iz.
Bilimnen baqyt tabamyz,
Biz baqytty balamyz!

İİ. Úı tapsyrmasyn suraý
• Balalar, úıge qandaı tapsyrma berildi?
(«Aqsha qar» óleńi Z. Shúkirov)
• «Aqsha qar» óleńin oqýshylardan jatqa suraımyn.
• Sýret boıynsha «Qys» taqyrybyna jazǵan áńgimelerin oqytamyn.

İİİ. Jańa sabaqqa daıyndyq
Sózjumbaq sheshý:
• Rámiz
• Otbasy tiregi
• Jyl basy
• Kıeli san
• Burynǵy astana
• Kóktem aıy
• Alyp janýar
• Qasıetti aı
• Muz aıdyny
• Jyrtqysh qus
• Qazaqstan qalasy
• Balalar, erekshe joldan qandaı sóz shyqty? (Táýelsizdik)
• Durys aıtasyńdar, balalar osy «táýelsizdik» degendi qalaı túsinesińder? (erkindik, bostandyq)
• Alda qandaı mereke kele jatyr?
(16 jeltoqsan – Táýelsizdik kúni)
Tanymdyq - operasıonaldyq kezeń

İV. Jańa sabaq
• Onda búgin biz T. Moldaǵalıevtiń «On altynshy jeltoqsan» óleńin ótemiz.
• Aldymen Tumanbaı Moldaǵalıev ómirimen tanystyramyn.
Tumanbaı Moldaǵalıev – 1935 jyly 20 naýryzda Almaty oblysy Eńbekshiqazaq aýdany Jarsý keńsharynda dúnıege kelgen. Qazaqstannyń halyq jazýshysy. Kóptegen óleńderi bar. 1956 jyly - Qazaqtyń Memlekettik ýnıversıtetiniń fılologıa fakúltetin bitirdi. 2011 jyly 10 qazanda dúnıeden ótken.

Kitappen jumys
• «On altynshy jeltoqsan» óleńin oqyp, túsindiremin.
• Balalar, 16 jeltoqsan, erekshe kún eken, endi sol kúnniń tarıhyna toqtalaıyq.
• Balalar, 16 jeltoqsan – Táýelsizdik kúni. Iaǵnı, 1986 jyldyń
16 - 17 jeltoqsan kúnderi qazaq jastary óz pikirlerin joǵaryda basqaryp otyrǵan aǵalarǵa bildirý úshin «Óz elin, óz kósemi (qazaǵy) basqarsyn» degen uranmen Respýblıka alańyna sherýge shyqqan bolatyn. Biraq, beıbit tilekpen shyqqan jastardy aıaýsyz sabaǵan, tipti keıbireýlerin óltirgen. Endi osy jeltoqsan oqıǵasyna qatysqan batyr aǵa – apalarymyzben tanysaıyq.
• Jeltoqsan oqıǵasy kezinde jazyqsyz jala jabylyp, osy oqıǵanyń qurbany bolǵan aǵa - apalarymyzdy esimizde saqtaıyq: Olar: Qaırat Rysqulbekov, Erbol Sypataev, Lázzat Asanova, Sábıra Muhamedjanova. Mine, balalar, biz osyndaı aǵa - apalarymyzdyń arqasynda 1991 jyldyń 16 jeltoqsanynda táýelsiz el atandyq. Bıyl táýelsizdigimizge 22 jyl.
• «Qaırattyń jazý dápterinen» mátinin túsindirip, halyq qaharmany Qaırat Rysqulbekov ómirimen tanystyramyn
• Qaırat Rysqulbekov ómirimen tanystyrý.

T. Moldaǵalıev «On altynshy jeltoqsan» «Qaırattyń jazý dápterinen» júkteý