InfoHub Logo

Sabaqtyń taqyryby: Sý jáne ony qorǵaý. «Tabıǵattaǵy sý»
Sabaqtyń maqsaty: Oqýshylarǵa tabıǵattaǵy sýdyń adam ómirindegi mańyzy týralymaǵlumat bere otyryp, sý týraly túsinikterin keńeıtý.
Bilimdiligi: is - tájirıbe júzinde oqýshylardyń tabıǵattaǵy sý týraly bilimderin molaıtý.
Damytýshylyǵy: oqýshylardy shyǵarmashylyqqa baýlý, óz betterimen jumys jasaı alý qabiletin jáne oılaý qabiletterin damytý. Sózdik qoryn baıytý.
Tárbıeliligi: qorshaǵan orta tabıǵatty aıalaýǵa, lastamaýǵa, súıispenshilikke, qorǵaýǵa tárbıeleý.
Sabaqtyń túri: jańa bilimdi ıgertý
Ádisi: túsindirý, suraq - jaýap, tájirıbe jasaý
Kórnekiligi: sýretter, qanatty sózder, slaıdtar
Quraldar: ınterbelsendi taqta, oqýlyq, dápter, globýs, dıdaktıkalyq materıaldar

Júrisi:
İ. Uıymdastyrý bólimi
Oqýshylardyń zeıinin sabaqqa aýdarý
Sabaqtyń barysy:
I. Qyzyǵýshylyqty oıatý.
- Sálemetsizder me, balalar!
- Bizge qazir qaı sabaq?
- Endeshe, nazarymyzdy sabaqqa aýdaraıyq.
Psıhologıalyq ahýal.
- Alaqandy qosyp ýqalaımyz,
- Neniń dybysy? (Jel )
- Qatty – qatty ýqalaı eki betimizge basamyz. Sonda betińiz neni sezdi?(Jyly, ystyq)
- Endeshe, balalar, árqashan júregimiz, kóńilimiz, boıymyz jylylyqqa toly bolsyn. Árdaıym aınalamyzǵa jylylyq syılap júreıik.
- Balalar, búgingi sabaǵymyzdy bastamas buryn, ár top óz top basshysyn taǵaıyndap alaıyq.
2. Úı tapsyrmasyn suraý.
Ótken sabaqta qandaı taqyryppen tanystyq?
A) «Taza aýa – densaýlyq kepili» ( Mátin mazmunyn 2 oqýshydan suraý.)
Á) Sýretpen jumys. (Suraq: - Zaýyttan, fabrıkadan shyqqan tútinniń adamǵa, janýarlarǵa zıany bar ma?

II. Qyzyǵýshylyqty oıatý.
3. Baıqap kórý.
- Balalar, ústel ústinen ne kórip otyrsyńdar? (Sýdyń úsh túrli kúıin kórsetý)
- Úsh stakan birinshi stakanda - muz, ekinshi stakanda - ystyq sý, úshinshi stakanda - sýyq sý.
- Endeshe, búgin biz jańa bólim bastaıyn dep otyrmyz. Ol -«Sý jáne ony qorǵaý» dep atalady. Osy bólim ishinde búgingi ótetinimiz, «Tabıǵattaǵy sý».
- Sonymen, tabıǵattaǵy sý jaıly taqyrybyna baılanysty ne bilýimiz kerek? (Oqımyz, úırenemiz, burynǵy bilgenimizdi eske túsiremiz)

III. Maǵynany taný.
- Balalar, meniń qolymda ne bar?
- Globýs degen ne?
- Globýstan kórip otyrǵanymyzdaı jer betiniń kóp bóligi kók túspen berilgen. Kók tús neni bildiredi?
- Sýdy.
- Balalar, jer sharyndaǵy eń kóp suıyq zat - sý. Ol qurlyqtan úsh ese kóp. Jer betiniń 70 paıyzyn sý alyp jatyr. Sý teńizden, muhıttan, kólden, ózennen quralady. Kartada sý kógildir túspen kórsetilgen. Sý tabıǵattyń baılyǵy. Sý tirshiliktiń kózi.(Slaıdtan kórsetý qurlyq - 30, sý - 70 paıyz)