InfoHub Logo

Sabaqtyń taqyryby: Tahaýı Ahtanov “Kúı ańyzy” áńgimesi
Synyby: 5

Sabaqtyń maqsaty: - oqýshylardyń mátin mazmunyn tolyq meńgergendikterin teksere otyryp, áńgimedegi keıipkerler, olardyń is - áreketteri týraly, qazaq eliniń ótken tarıhyna, turmys - tirshiligine nazar aýdartý, áńgimeni qorytyndylap, alǵan bilimderin jınaqtap bekitý;
- ónerdiń qudiretin tanytý;
- áńgimeniń kórkem tilin tanytý; óz oıyn jazbasha da, aýyzsha da júıeli aıtý qabiletterin damytý;

Sabaqtyń túri: bekitý sabaǵy.
Ádisi: oı qozǵaý, suraq - jaýap, taldaý.
Kórnekiligi: ınteraktıvti taqta, T. Ahtanovtyń portreti, shyǵarmasy, kúıshilerdiń portretteri, “Nar ıdirgen” kitaby.

Pánaralyq baılanys: mýzyka, tarıh.
Sabaqtyń barysy:
İ. Uıymdastyrý.
A) Synyp oqýshylarymen sálemdesip, túgendeý.
Á) Oqýshylardyń oqý quraldaryn tekserý.
B) Oqýshylardyń nazaryn sabaqqa aýdarý.

İİ. Úı tapsyrmasyn suraý.
2. Zymyran (báıge suraqtary)
1. Jazda kele jatqan eki jolaýshy kimder?
2. Túbi jaqsy kúıshi sen bolarsyń. Biraq kúıimdi úlgi etseń de, meniń ómirimdi úlgi etpe,- dep kim jáne ne sebepti bulaı aıtty?
3. Erdiń atyndaǵy uzyn qyzyl qorjynnan ne shyǵyp tur?
4. Ekeýiniń áńgimeden keıin kóńili júdep, únsiz kele jatqanda, sýalyp qalǵan jyradan ne kezdestirdi?
5. Dombyranyń qulaǵyn burap, mashyqty áýenmen Estemes neni bastady?
6. Kúıdi bastaýǵa qandaı oqıǵa áser etti?
7. Nardyń sońynan ergen eki attyly qaıda keldi?
8. Qarasha úıde jolaýshylar kimdi kezdestirdi?
9. Shal Estemeske qandaı qolqa saldy?
10. Iip turǵan nardy Jańyl nege saımaıdy?
11. Orazymbet kúıdi jalǵastyrǵanda nardyń súti shelekke saýyldap quıyla berdi. Osylaı dúnıege kelgen jańa kúıdiń aty ne?

Áńgime qurylysyn taldatý.
Áńgimeniń bastalýy: Eki jolaýshynyń áńgimesinen
Oqıǵanyń damýy: Jolaýshylardyń jyradan jalǵyz nardy kezdestirýi
Oqıǵanyń baılanysýy: Aıaqtalmaǵan kúı
Oqıǵanyń shıelenisýi: Qaınardaǵy qarasha úı, Shaldyń qolqa salýy
Oqıǵanyń sharyqtaý shegi: Estemestiń kúı tartýy
Oqıǵanyń sheshimi: Kúı arqyly Nardy ıdirtýi

Kúı kúshti, taý – tasty buzatuǵyn,
Ornyna óz órnegin syzatuǵyn
Talqandap tas kereńdi ún oıatyp,
Dúkeni dúnıeniń qyzatuǵyn.

Kúı kúshti, isti, eńbekti súıdiretin,
Tamyryn tas emshektiń ıdiretin
Jarlynyń tilek kúıi, júrek kúıi,
Ómirdi bildiretin, kúldiretin.