InfoHub Logo

Taqyryby: Aıalaıyq anany!

Maqsattary: 1) Adamzat balasyn jaryq dúnıege ákelip, ony tárbıelep ósiretin ana ekenin túsindirý; 2) Ana eńbegin eshnársemen ólsheýge bolmaıtynyn, tún uıqysyn tórt bólip, balasyn azamat etip tárbıeleıtinin, sondyqtan da barlyq anany syılaýǵa, qurmetteýge tárbıeleý; 3) Balalardyń anaǵa degen qurmetin, balalyq sezimderin sóz arqyly jetkize bilýge tárbıeleý.
Kórnekiligi: Qabyrǵa gazetteri, sharlarmen bezendirý, naqyl sózder, gúlder.
Barysy: Muǵalimniń kirispe sózi. Qaıyrly kún, qurmetti ata - analar, ustazdar jáne balalar! Búgin biz kóktemniń alǵashqy kúni analar merekesin toılaýǵa jınalyp otyrmyz. Adamdy dúnıege ákeletin, ómir syılaıtyn - qudiretti ana. Sol qudiret ıesiniń aldynda bárimiz bas ıýge tıispiz.
Ana – úıdiń berekesi,
Bala – úıdiń merekesi.
Butaǵymen aǵash symbatty,
Urpaǵymen adam qymbatty, desek ózderińizge arnalǵan «Aıalaıyq anany!» atty ádebı - sazdy keshimizdi bastaýǵa ruqsat etińizder.

1 júrgizýshi. Aq sútinen nár alǵan. Aq sútinen nár alǵan.
Anaǵa bas ıemiz! Týǵan eldiń tili dep,
Týǵan jerdiń úni dep, Anaǵa bas ıemiz!
2 júrgizýshi. Biz máńgilik sizderge, analar, boryshtarmyz degim keledi. Merekelerińiz qutty bolsyn aıaýly analar!
1 - júrgizýshi. Ana deımiz bárimiz de ańqyldap
Ana deıdi jas sábı de jarqyldap.
Ana degen - báıteregi ómirdiń
Ana degen – altyn qazyq, altyn baq,- demekshi, balalaryńyzdyń sizderge arnap daıyndaǵan án - shashýy Sálimbek Aqqý men Tastybaı Alınanyń oryndaýynda «Ana»ánin qabyl alyńyzdar.
1 - oqýshy.
Ana degen – asyl jandar, bolattaı
Ana deseń - móldir jandar bulaqtaı.
O, adamdar, qadirleı bil, Anany
Jat qylyqqa aqyl - oıdy tonatpaı.
2 - oqýshy.
Ana desem, sezim bıler tym ystyq,
Jarasymdy adamdarǵa týystyq.
Bar adamǵa berse ananyń meıirin
Ornap edi bar álemge tynyshtyq.
3 - oqýshy.
Ana desem, sheshek atyp janary,
Ómirimniń bastaý alar jańa áni.
Ana degen tirshilikte pana bop,
Árbir úıde juldyz bolyp janady.

1 - júrgizýshi: Ana, Ana, Ana!. Osy sózdiń ózi adamǵa qandaı kúsh beredi! Dúnıede ananyń meıirimine, aıaly alaqanyna ne jetedi?! Jaqsylyq ataýlynyń barlyǵy da ananyń sútinen jaralǵan. Halyq arasynda «Mekkege anańdy úsh ret arqalap aparsań da, qaryzyn óteı almaısyń» degen sóz ananyń sonshalyqty qadirli ekenin adamzatqa uǵyndyrý úshin aıtylsa kerek. Sondyqtan bul sózimniń mánin ananyń qabaǵyna kirbiń túsirmeı aıalap ǵumyr keshý dep uǵamyz. Olaı bolsa, búgingi, án - jyrymyz sizderge arnalady aıaýly analar!