InfoHub Logo

Til - bizdiń tiregimiz!
Júrgizýshi: Armysyzdar, qurmetti ata - analar, qonaqtar! Búgingi Til merekesine arnalǵan tárbıe saǵatymyzǵa qosh keldińizder! Ana tili - adamnyń jan dúnıesiniń aınasy, ósip - ónip túrlene beretin, máńgi qulamaıtyn báıteregi. Ana tili halyq tarıhynyń barlyq kezeńderin urpaqtan - urpaqqa jetkizetin asyl qazyna.
Qazaq tilim - óz tilim, ana tilim,
Abaı, Muhtar sóılegen dana tilim.
Qasterleıdi ul - qyzyń máńgi seni,
Bolashaǵym, baqytym, dara tilim - deı otyryp, Til merekesine oraı uıymdastyrylǵan «Balapan»ortańǵy tobynyń «Til - bizdiń tiregimiz»atty merekelik tárbıe saǵatyn bastaýǵa ruqsat etińizder.

Balalar, qutty bolsyn tiliń búgin,
Ashatyn jan saraıyn bilimderdiń.
Keshegi anań aıtqan, babań aıtqan,
Tiline zer salyńdar burynǵynyń.
Árbir tilde sóıle álemdi tań qylyp,
Ana tilin bilý biraq, zańdylyq.
Óser balań, baıtaq dalań turǵanda,
Qazaq tili jasaý kerek máńgilik.

Hor: Ánuran.

Balnur: Ana tilim - eldigim,
Ana tilim - erligim.
Tildi bıik qurmettep,
Toılap jatyr el búgin.

Saıat: Ana tiliń bilip qoı,
Erkindigiń, teńdigiń.
Ana tiliń bilip qoı,
Maqtanyshy elimniń.

İnjý: Tilim barda maqtanam,
Tilim meniń appaq án.
Birligimdi búgingi,
Ana tilim saqtaǵan.

Muhamedǵafýr: Aqyl - oıyn dananyń,
Ana tilden alamyn.
Ana tilim ardaqty,
Aq sútindeı ananyń.

Nurshat: Ardaqta óz tilińdi,
Bolasyń bilimdi.
Óz tiliń úıreter,
Ónerdi, ǵylymdy.

Án: «Biz ómirdiń gúlimiz».

Júrgizýshi: Búgin bizde qandaı mereke ótip jatyr?- Til merekesi.
- Durys. Bizdiń memlekettik tilimiz qandaı til?- Qazaq tili.
- Jaraısyńdar. Biz óz tilimizde taza, anyq sóıleýimiz kerek. Bolashaqta sender orys, aǵylshyn tilderinde úırenesińder, biraq óz ana tilderiń qazaq tilderin eshýaqytta umytpaı, qurmettep, qadirlep júrińder.

«Aqbota» balabaqshasynyń tárbıeshisi
Qajyǵalıeva Gúljan

Tolyq nusqasyn júkteý