InfoHub Logo

Taqyryby: Týǵan jer
Q. Myrza Álı
Maqsaty: «Otan», «súıispenshilik», «týǵan jer» qundylyqtarynyń mańyzdylyǵyn túsindirý.
Mindetteri:
- Otan, súıispenshilik, týǵan jer týraly túsinikterin keńeıtý;
- týǵan jerge degen súıispenshilik sezimderin damytý;
- týǵan jerin súıýge, qadirleýge tárbıeleý.
Kórnekiligi: týǵan jer týraly maqal-mátelder, Shalqardyń sýretteri

Barysy:
İ. Uıymdastyrý
İİ. Úı tapsyrmasy «Ǵasyr sańlaǵy»
1Tizbekteı oqytý
2. Mazmunyn suraý (3-4oqýshy)

3. Suraq-jaýap arqyly bekitý
a) Áńgimedegi Toqtar kim?
b)Anasy ekeýi kele jatyp qandaı kórinisti tamashalady?
v)Toqtar kishkentaı kezinen kim bolýdy armandady?
g) Toqtar qaı jyly ǵaryshqa ushty?
d) Toqtar týraly taǵy ne bilesińder? (oqýshylar jaýaby )
(1-slaıd)

Sergitý sáti
Qýanamyn men de,
Qýanasyń sen de,
Qýanaıyq dostarym
Araılap atqan kúnge!

Jańa sabaq
Q. Myrza Álı «Týǵan jer»
Q. Myrza Álı týraly málimet (2-slaıd)
Aqyn 1935 jyly 5 qazanda Oral oblysynyń Jympıty kentinde týǵan. 1958 jyly Qazaq memlekettik ýnıversıtetiniń fılologıa fakúltetin támamdaǵan. Eńbek jolyn sol kezde jańadan ashylǵan balalar jýrnaly «Baldyrǵannan» bastaǵan. «Juldyz» jýrnaly redaksıasynda poezıa jáne syn bóliminiń meńgerýshisi, jaýapty hatshy, bas redaktordyń orynbasary, 1968-1973 jyldary «Jazýshy» baspasynda qazaq poezıasy bóliminiń meńgerýshisi, «Balaýsa» baspasynyń redaktory, keıin Qazaqstan Jazýshylar odaǵynda poezıa seksıasynyń keńesshisi bolǵan. 1966 jyly «Oı ormany» jınaǵy úshin Qazaqstan Lenın komsomolynyń syılyǵy berildi. 1980 jyly «Jeruıyq» jyr kitaby úshin Qazaq KSR Memlekettik syılyǵynyń laýreaty atandy. Ol Qazaqstannyń halyq jazýshysy. 2001 jyly Táýelsiz «Tarlan» syılyǵyn aldy. 2011 jyly qaıtys boldy
- Balalar sender haıýanattar baǵyna baryp kórdińder me?(Oqýshylar jaýaby) (3slaıd)
Bul haıýanattar baǵy. Munda Úndi pilinen bastap Betpaqdalanyń Batbatyna deıin bar.
Batbat degenimiz - kádimgi kesirtkeniń bir túri.
Kesirtke, kólbaqa, pıngvın bala kezderi esterine túsip, kóńilderi qulazyp týǵan jerlerin
eske alady. (4-slaıd)

Bulardyń úsheýiniń de aıtqany durys. Óıtkeni árkimniń týǵan jeri ózine ystyq bolyp kórinedi.
- Balalar senderdiń týǵan jerleriń qalaı atalady?(oqýshylar jaýaby tyńdalady)
- Shalqar
- Bıyl biz Shalqardyń neshe jyldyǵyn toılaǵaly otyrmyz?
-80 jyldyq merekesi eken.
Olaı bolsa ózimizdiń týǵan jerimiz týraly qysqasha aıtyp óteıik
Shalqar Aqtóbe oblysyndaǵy Shalqar aýdanynyń ortalyǵy, qala iri temir jol stansıasy. Tarıhqa júginsek, sonaý 1870 jyly Ulyqumnyń ońtústik-batys betkeıine, Shalqar kóliniń jaǵasyna qazaq sharýalary kelip, qonys tebedi. Olar bul óńirde mal sharýashylyǵymen aınalysyp, alǵash jerkepe úıler salǵan. 1901-1903 jyldary osy ólkede Orynbor - Tashkent temir jolynyń qurylysy bastalyp, alǵashqy ónerkásip orny - Shalqar paravoz deposynyń irgetasy qalandy. 1932 jyly Shalqar aýdany bolyp qurylady. (Shalqardyń qumy, kóli, emblemasyn kórsetý 5-slaıd)

Elbasymyz N. Nazarbaevtyń « 100 mektep, 100 aýrýhana baǵdarlamasy» boıynsha, Shalqarda boı kótergen jańa №8 mektep
Shalqar kóli
Shalqar aýdanynyń 80jyldyq toıyna qurylǵan 80 aǵash úı.

Shalqar qumy
Balalar úntaspaǵa qosylyp, «Shalqar válsi» ánin aıtady.
Árkimge óziniń týyp ósken jeri, onyń syldyrap aqqan sýy, bıik taýlary, aǵashtary, hosh ıisti gúlderi de ystyq. Sondyqtan árkim óziniń týǵan jerine degen mahabbatyn, Otanyna súıispenshiligin, maqtanyshyn túrli joldarmen bildiredi. Aqyn – jazýshylarymyz týǵan jerdiń sulý tabıǵatyn, baılyǵyn jyrlasa, sýretshilerimiz sýretin salady.
Ultaraqtaı bolsa da,
Ata qonys jer qymbat.
At tóbelindeı bolsa da,
Týyp ósken el qymbat.

Dáptermen jumys
Týǵan jer týraly maqal –mátelder jazý.
Týǵan jer-altyn besik.
Týǵan eldeı el bolmas, týǵan jerdeı jer bolmas.

Sózdik jumys
Jumaq-raqat oryn, peıish.
Qorytyndylaý.
Baǵalaý.
Úıge tapsyrma berý