InfoHub Logo

«Qatynas» bilim salasy, kórkem ádebıet. (ortańǵy top)
(flanelegrafta) ertegini kórsetý.
«Túlki men torǵaı» ertegisi

Sabaqtyń maqsattary: 1) Bilimdilik: Ótilgen ertegilerdi eske túsirý, biletin ertegilerdegi áreketterdi qysqasha aıtyp ótý, jańa erteginiń mazmunyn tyńdaýǵa qyzyǵýshylyǵyn arttyrý.
2.) Damytýshylyq: Erteginiń mazmunyn áńgimeleý, oılaý qabiletin, sózdik qoryn, mánerlep sóıleý daǵdylaryn arttyrý.
3) Tárbıelik: Dostyqqa, uıymshyldyqqa, baýyrmaldyqqa tárbıeleý, jaǵymdy jáne jaǵymsyz áreketterdi sezine bilýge, shyndyqqa, ádilettilikke tárbıeleý, eńbekti baǵalaı bilýge, súıýge,
eńbekqorlyqqa tárbıeleý.
Sabaqtyń ádis - tásilderi: Áńgimeleý, suraq - jaýap, jeke jumys, oıyn uıymdastyrý, «kýbızm» ádisi, «Venn dıagramsy» kórsetýi, taldaý, toptastyrý, túrli pishindermen ertegi keıipkerleriniń sulbasyn qurastyrý. Syn turǵysynan oılaý tehnologıasy strategıalaryn paıdalaný.
Sabaqtyń kórnekiligi: Kovralan taqta, ertegi keıipkerleri beınesi(túlki, torǵaı, ıt), taratpaly júreksheler.
Maqal - mátelder, jańyltpash, jumbaqtar.
Oqý is - áreketiniń túri: Damyta oqytý tehnologıasy.

Uıymdastyrý kezeńi:
Ertegimdi bastaıyn,
Qıaldap bir tastaıyn,
Erte, erte, ertede,
Eshki júni bórtede,
Jas danyshpandar bolypty,
«Aqbota» balabaqsha kentinde,
Erte, erte, ertegi,
Ertegi syr shertedi,
Ertegini jaqsy aıtqan bala
Maqsat – muratyna jetedi.
Balalardyń qyzyǵýshylyǵyn oıatý arqyly, psıhologıalyq daıyndyq.
«Syn turǵysynan oılaý» boıynsha:

«Mıǵa shabýyl» strategıasy;
Balalardan ertegi tyńdaǵandy jaqsy kóresińder me? Túlki týraly qandaı ertegilerdi bilemiz?
Balalar buryn estigen túlki týraly hıkaıalardy atap beredi. «Túlki men tyrna», «Túlki men eshki», «Túlki men qumyra» ertegileri.
«Oılan, tap» strategıasy;
a) Kel, balalar, oınaıyq,
Oınaıyq ta, oılaıyq,
Qandaı jumbaq bolsa da,
Sheshpeı ony qoımaıyq.
b) Ózi aılaker, qý.
Júrgen jeri aıqaıda shý.
(túlki).
Maǵynany ashý.
Erteginiń taqyrybyna kóńil aýdaramyn. Ol túlki men torǵaı týraly ekenin aıtamyn. Kovralan taqtaǵa keıipkerler arqyly mazmunyn áńgimeleı otyryp
aıtylý ereksheligine kóńil bólemin, avtor sózi, túlki men torǵaı sózi qandaı daýys yrǵaǵymen, qandaı kóńil - kúımen aıtylatynyna nazar aýdaramyn.
Ertegi aıtylyp bolysymen túlki men torǵaıdyń is - áreketterine qurylǵanyn aıta otyryp: Suraq - jaýapqa jumystanamyz.
- Túlki ne istedi? Onyń jasaǵan áreketi qandaı? Al, torǵaıdyń áreketi týraly ne aıtar edińder? Dosyna solaı etýge bola ma? Qaısysyna aıaýshylyq bildirýge bolady? It qandaı áreket jasady? Naǵyz dos dep neni aıtýǵa bolady? Sizder qalaı ister edińizder?
Balalar óz oılaryn ortaǵa salady.
Balalardan ertegi mazmunyn áńgimelep berýin suraımyn.
Sergitý sáti: Torǵaı, torǵaı, torǵaısyń,
Jaqyn kelip, qonǵaısyń,
Shashqan nandy shoqysań,
Sonda sýyqtan tońbaısyń.
Túlki, túlki qýtyńdaısyń,
Aınalańnan tyń tyńdaısyń,
Qýlyǵyńdy asyrsańda,
Qasqyrdan sen qutylmaısyn.

«Venn dıagramsy» - strategıasy.
Sýretpen jumys, túlki men torǵaıdy salystyrý arqyly, ortaq qasıetteri - men, uqsastyqtaryn, aıyrmashylyqtaryn aıtqyzý.
«Kýbızm»- strategıasy.
Kýbıktiń ár qyrlaryna tapsyrmalar berilgen. Kýbıkti tastaý arqyly, tap - syrmany oryndaý.
1 - tapsyrma: Jumbaq sheshý.
Aldaıdy, arbaıdy,
Qýlanady, sulýlanady. (Túlki)
2 - tapsyrma: Jańyltpashty jańylmaı aıt.
Túlki aılaly ań, aılaly ańǵa aıla paıdalan.
3 - tapsyrma: Maqaldy jalǵastyr.
1) Eńbektiń nany tátti,.........................................
2) Dosy kópti jaý almaıdy,...................................
4 - tapsyrma: Jabaıy janýarlardy ata.
(túlki, aıý, arystan, qasqyr, jolbarys)
5 - tapsyrma: Qımylyn sal. (Túlkiniń, ıttiń, torǵaıdyń).
6 - tapsyrma: Qarama - qarsy sózderdi tap.(Antonım).
Eńbekqor - (jalqaý)
Batyr - (qorqaq)
Kóp - (az).
Úlken - (kishi).