InfoHub Logo

Kúlki kúnine arnalǵan ashyq shara.
«Kóńildi kloýndar»
Kóńildi kloýndar: Tárbıeshi........
Tárbıeshi.........
Ashyq sharanyń maqsattary: Bilimdilik: Balalarǵa kúlki kúni týraly maǵlumat berý, adamǵa kúlkiniń paıdasy týraly áńgimeleý, múmkindiginshe árbir adam aınalasyna qýanysh, shat kúlki syılaý kerek ekenin túsindirý.

Damytýshylyq: Ertegi keıipkerlerin sazdy áýenmen kórsetý arqyly kóńil - kúılerin kóterý, merekelik qolaıly orta sezindirý, balanyń qyzyǵýshylyǵyn oıatý, belsendiligin kóterý. Qyzyqty oıyn arqyly oı - órisin keńeıtý, tanymdyq qabyldaýyn qalyptastyrý. Aınalamen, áleýmettik ortamen baılanysyn nyǵaıtý, ınklúzıvti áleýmet strategıasyn paıdalaný – jasqanshaq, uıalshaq balalardy ortaǵa tartý. Syrtqy rettelýden, ózindik rettelýge neǵurlym beıimdeý. Balanyń qıalyn óristetý, shyǵarmashylyqqa baǵyt berý.

Tárbıelik: Sazdy teatr qoıylymdary arqyly ásemdikke, estetıkalyq tárbıege baýlý, jaman men jaqsyny aıyra bilýge, adamgershilik qundylyqtaryna tárbıeleý. Meıirimdilik, qaıyrymdylyq qasıetterine úlgi bolýǵa shaqyrý.
Dostyqqa, birlikshil bolýǵa tárbıeleý.
Zal túrli - tústi sharlarmen bezendirilgen.
Zalǵa kóńildi áýenmen kloýn keledi. Úlken qapshyǵyn arqalaı keledi.
Kloýn: Sálemetsizder me, balalar, kúlki meıramy qutty bolsyn, árbir adam kúlýge jaralǵan, kúlkisiz ómir súrýge bolmaıdy. Adam kúnine 5 kelideı kúlý kerek eken. Adam maǵynaly, qýanyshty kúlse adamnyń ómiri uzarady eken.
Sondyqtanda búgin tek qana kúlińder!!!
Kúlińder, kúlińder,
Kúlimdep tek júrińder,
Bárin, bárin bilińder,
Bilimdi bolyp júrińder.

Shynyǵyńdar, shynyǵyńdar,
Taza aýada tynyǵyńdar,
Dárýmenmen dos bolyp,
Aýqattanyp júrińder,
Qýattanyp, salaýatty ómir súrińder.
Kúlińder, kúlińder
Kóńildi bolyp júrińder.

Kloýn báriniń nazaryn óziniń qapshyǵyna aýdarady. Qapshyqtyń aýzy baılaý ly. Túrtse qozǵalady, mýzyka júrse bıleıdi. Kloýn bárin tań qaldyryp, qapshyqtyń aýzyn sheship qaraıyq deıdi. Sol kezde ishinen taǵy bir kloýn atyp shyǵady. Ekeýi bir - birimen qushaqtasyp, Meniń atym - Tóke, al meniń atym Kóke - dep tanysady. Ekeýi kóńildi mýzykaǵa qosylyp bıleıdi.