Photo: Laker (https://www.pexels.com/@laker) / Pexels
Nurlan Sabýrovtyń áıeli Reseıde bıznes ashýdan bas tartty
Belgili orys ázilkeshisi Nurlan Sabýrovtyń áıeli Dıana Reseıdegi kásibin jabýǵa kiristi. Ol óziniń «DS RITEIL» JSHQ atalatyn bólshek saýdamen aınalysatyn kompanıasyn taratý prosesin bastady. Bul sheshimniń sebebi áli belgisiz, biraq bul oqıǵa ázilkeshiniń Reseıdegi jaǵdaıyna baılanysty bolýy múmkin.
Bul týraly Infohub.kz aqparat agenttigi habarlaıdy.
Dıana Sabýrovanyń kompanıasy resmı túrde 2026 jyldyń 16 naýryzynan bastap jabylý satysynda tur. Al Nurlan Sabýrovtyń Reseıdegi «Sabr prodakshn» atty jeke fırmasy ázilkeshiniń konsertterin uıymdastyrýmen aınalysady. Reseılik BAQ-tyń habarlaýynsha, 2025 jyldyń sońynda bul kompanıanyń salyq boıynsha 18,5 myń rúbl (shamamen 110 myń teńge) qaryzy bolǵan.
Reseıdegi tyıymdar
Buǵan deıin Nurlan Sabýrovqa Reseıge 50 jylǵa kirýge tyıym salynǵany týraly aqparat taraǵan edi. BAQ málimetteri boıynsha, bul sheshim ulttyq qaýipsizdik pen dástúrli qundylyqtardy qorǵaý maqsatynda qabyldanǵan. Ázilkesh Dýbaıdan oralǵannan keıin Vnýkovo áýejaıynda ustalǵan. Ol tegin deportasıadan bas tartyp, óz betinshe Qazaqstanǵa ushyp ketken.
Keıinirek Ulttyq qaýipsizdik komıteti oǵan qatysty tekseris bastaǵany belgili boldy. Sebebi, ázilkeshtiń «Vagner Istra legıony» jasaǵyna 10 motosıkl tabystap, jaýyngerlerge «jeńispen oralýlaryna» tilektes bolǵan vıdeosy paıda bolǵan.
-
Jıtel Batkenskoı oblastı zaderjan posle krajı deneg ı zolota ız doma eks-sýprýgı, kýda on prıshel ıakoby dlá vstrechı s synom.
-
Diana Saburova has initiated the liquidation of her retail company in Russia, sparking speculation about the reasons behind the decision.
