Photo: Pixabay (https://www.pexels.com/@pixabay) / Pexels
Atyraýda otbasynyń qazasy: kúdiktige urlyq aıyby qosyldy
Atyraý oblysynda bir otbasynyń qazasyna qatysty tergeýde jańa mán-jaılar anyqtaldy. Jangeldın aýylynda bolǵan oqıǵaǵa baılanysty basty kúdiktige taǵylǵan aıyptar kóbeıip, is endi eki bap boıynsha qarastyrylýda.
Bul týraly Infohub.kz aqparat agenttigi habarlaıdy.
İshki ister mınıstrliginiń málimetinshe, Sultan Sársemalıevke Qylmystyq kodekstiń 99-baby 2-bóligi boıynsha — eki nemese odan da kóp adamdy óltirý, sondaı-aq 188-baby 2-bóligi boıynsha — top bolyp jasalǵan urlyq deregimen tergeý júrgizilip jatyr. Vedomstvonyń habarlaýynsha, qylmystyq is adam óltirý jáne marqumdardyń múlkin jymqyrý faktileri boıynsha qozǵalǵan. Kúdikti ustalyp, sot sanksıasymen qamaýǵa alynǵan.
Qazirgi ýaqytta sotqa deıingi tergeý jalǵasýda. Alaıda, mınıstrlik jaýabynda kúdiktiniń jubaıy Aqbaıan Muqanǵalıevanyń áreketine qatysty quqyqtyq baǵa berilgen-berilmegeni naqtylanbaǵan.
Esterińizge sala keteıik, Jangeldın aýylynan shyqqan bir otbasynyń joǵalǵany týraly týystary 2025 jyldyń jeltoqsan aıynyń sońynda habarlaǵan bolatyn. Zeınetker erli-zaıypty men olardyń eresek balalary úıden shyǵyp ketkennen keıin baılanys úzilgen. Keıin bul istiń jappaı kisi óltirý faktisi boıynsha tergelip jatqany belgili boldy.
-
Mansýr Manov zanál post zamestıtelá generalnogo dırektora po morskoı bezopasnostı ı eksplýatasıı flota v «Kazmortransflot».
-
Nasıonalnaıa kompanıa "KazAvtoJol" provela rassledovanıe posle jalob na zakrytyı sanýzel na popýlárnoı trasse.
