InfoHub Logo

Jáńgir han atyndaǵy jalpy bilim beretin orta mektep
Bastaýysh synyp muǵalimi
Aksenova Alfıa Rınatqyzy

Dúnıetaný
2 synypta dúnıetaný páninen ashyq sabaq jospary

Taqyryby: Tuqymnan ósimdiktiń kóbeıýin baqylaý. Tájirıbelik jumys.
«Bizdiń tájirıbe alańy» kishkentaı ǵalymdar kezdesýi.

Sabaqtyń maqsattary men mindetteri:
1) Bilimdilik - Ósimdiktiń tuqym arqyly kóbeıýi týraly túsinikterin tereńdetý. Oqýshylardyń ósimdikke qajetti jaǵdaılar týraly túsinikterin qalyptastyrý. Sý, topyraq, kún, jylý, aýasyz ósimdiktiń ósip - óne almaıtyndyǵy týraly túsindirý.
2) Damytýshylyǵy - Oqýshylardy taqyrypty ózdiginen oqyp, túıin sózdi taba bilýge mashyqtandyrý. Qurǵaq jemister men shyryndy jemisterdi aıyra bilýge daǵdylandyrý.

3) Tárbıeliligi - Qorshaǵan ortany qorǵaý jáne saqtaýǵa baýlı otyryp, ósimdik syryn bilýge tárbıeleý. Oqýshylardy senimdilikpen jumys jasaýǵa, bar yntasyn oqýǵa berýge, bir - biriniń pikirlerin tyńdaýǵa, qurmetteýge, óz pikirlerin ashyq bildirýge tárbıeleý. Óz betterinshe jumys isteýge, erkin sóıleýge, óz oılaryn el aldynda asha bilýge yntalandyrý. Tabıǵatqa qamqorlyqpen qaraýǵa tárbıeleý
Sabaqtyń ádisi: túsindirý, baıandaý, kórnekilik, suraq – jaýap, baqylaý, problemalyq, N. Á. Nazarbaevtiń «Úsh tuǵyrly til» strategıasynyń sabaq barysynda qoldaný, toppen jumys, taldaý, jınaqtaý.
Sabaqtyń tıpi: jańa taqyrypty meńgertý

Sabaqtyń kórnekiligi: sýretter, tirek syzbalar, gúlder, dánder, gerbarııler, qysqa mıtrajdy 3 kıno. AKT, flamaster, maqta, shyny ydystar.

Sabaqtyń túri: tájirıbelik jumys.

Pánaralyq baılanys: Eńbek, beıneleý óneri.
Pedagogıkalyq tehnologıalardyń prınsıpteri: «Qazir jáne osy jerde», «Erkin tańdaý», «Tulǵalyq áser etý alańy».
Qoldanǵan pedagogıkalyq tehnologıa: Shalva Amonashvılıdiń «Qarym - qatynas» pedagogıkasy. Shatalovtyń «Tirek - syzba» tehnologıasy.

Sabaqtyń jospary:

İ. Uıymdastyrý. Refleksıa.
/Oqýshylarmen aǵylshyn tilinde amandasyp, tájirıbelerine sáttilik tileý/

İİ. Ótkendi qaıtalaý «Jýrnalıs» oıyny.
/qolyna mıkrafon ustaǵan ustaz kishkentaı ǵalymdardyń ósimdikterdiń tirshiligi týraly bilimderin tekseredi/
İİİ. Jańa sabaq.
1. Kirispe. Baqylaý kúndeligimen jumys.
2. Qyzyǵýshylyq oıatý
3. Oqý kınofılmin kórý
4. Jańa taqyryptyń mazmunyn ashý.
/ Tuqymdardyń túrlerimen tanystyrý. Dárilik ósimdikter mańyzy/
5. Toptyq jumys.
/Tájirıbe qorytyndysyn keste arqyly kórsetý. Tájirıbe
barysyn mazmundaý/
İV. Sergitý sáti «Úsh tilde sóılep úıreneıik!»
/Jemisterdi orys, qazaq, aǵylshyn tilderinde aıtý/
V. Tájirıbe alańy. «Tuqymdardy irikteý»
/Usaq, iri, jumsaq, qatty/
Vİ. Bekitý. «Bıolog pikiri»
/Tájirıbeli ustazdyń oqýshylardyń jumysyna baǵasy/
Vİİ. Úı jumysy
/ «Orda orman aǵashtary men shópteri jáne olardyń kóbeıý joldary» atty shyǵarma jazý/
VIII. Baǵalaý

Sabaqtyń barysy:

İ. Uıymdastyrý. Refleksıa.
- Cood mornin children!
- Cood mornin Teatger!
- Set doun!

İİ. Ótkendi qaıtalaý. «Jýrnalıs» oıyny.
/qolyna mıkrafon ustaǵan ustaz kishkentaı ǵalymdardyń ósimdikterdiń tirshiligi týraly bilimderin tekseredi/
1 - Salamatsyz ba, siz jemis aǵashtaryn atap bere alasyz ba?/alma, almurt, alhory, órik/
2 - Men sizdi kórgenime qýanyshtymyn. Maǵan bólme ósimdikterin kútý úshin ne kerek ekenin aıtasyz ba?/sý, jaryq, jylý/
3 - Sizdiń anańyz jemisterden ne isteıdi?/tosap pen shyryn/
4 - Baqshada neler ósedi?/qarbyz, qaýyn, qıar, qyzylsha, qyzanaq/
5 - Sizdiń úıde gúlder bar ma? Atap beresiz be!/kaktýs, shyrmaýyq/
6 - Siz qandaı jemisti unatasyz?/almany/
7 - Maǵan aǵashtardyń ataýlaryn ataısyz ba? /Emen, qaraǵaı, shyrsha/
8 - Kompotty neden jasaıdy?/jemisterden/
9 - Sábiz jemis pe jıdek pe?//
10 - Kartoptyń jer ústi me, jer asty bóligin jıedi me?/jer asty bóligin paıdalanady/
11 - 12 -/2 oqýshyǵa/- Sizder qulpynaıdyń ne ekenin bilesizder me?/Jıdek/
13 - 14 -/2 oqýshyǵa/- Bizdiń Ordanyń baqshasynda apelsın ósedi me?/joq. Ol ystyq jerlerde ǵana ósedi/
15 - Sen úı ósimdigin úıde ne úshin ósiretinin bilesiń be?/úıdiń aýasyn tazartý úshin/
16 - Dárilik ósimdikterdi atap beresiń be?/túımedaq, ıtmuryn, aloe/

İİİ. Baqylaý kúndeligimen jumys.
- Balalar, qazir qaı jyl mezgili? /Qys/
- Búgingi aýa raıy boljamy qandaı ekenin bizge Azat /qazaqsha/ búgin kún shýaq, aıaz, soltústik jeli bar. Kórkem /oryssha/segodná ıasno, estmoroz ı severnyı veter. Erbolat Nurhan /aǵylshyn tilinde/ aıtyp beredi, al bizder baqylaý kúndelikterimizdi ashyp jazamyz.
- Balalar, bizdiń jemisterimiz, jıdek pen kókónisterimiz, gúl, aǵashtarymyz jer betinen nege joıylyp ketpeıdi, a? Biz olardy julyp, jep jatamyz, shópti malǵa shabamyz, janýarlar da olardy jep jatady. Biraq jer betinde ósimdikter azaımaı, kerisinshe kóbeıe beredi, kóbeıe beredi? Nege eken? /oqýshylardyń pikirlerin tyńdaý/.
- Bul suraqtyń jaýabyn, balalar, Orda geobotanıkalyq qoryqshasynyń mamany Aqqanym apaıdan surap kóreıik.
- Sálemetsizder me, 2b synybynyń jas ǵalymdary! Álemdegi ósimdikter jer betinen múldem joıylmaıdy, sebebi olar únemi kóbeıip jatady. Bizdiń Orda ormanyn bolashaq urpaqqa qaldyrý úshin bizder aǵashtardyń dánderin jınap, keptirip, saqtap jerge otyrǵyzamyz. Sóıtip orman aǵashtarynyń sanyn kóbeıtemiz.

2. Qyzyǵýshylyq oıatý «Sıqyrly kıiz úı»
- Qarańdarshy, «sıqyrǵa toly kıiz úı» bizderge bir qupıa ashpaqshy. Ol qandaı sıqyr eken? Qolyma turmaı ózi jybyrlap túsip ketpekshi. Tezirek ashaıyqshy ózin. Balalar, mynaý ne ózi. /dánder/ ol neniń dánderi eken? A - a - a! Mine osy dánder arqasynda ósimdikter álemi joıylmaıdy eken ǵoı.

3. Oqý kınofılmin kórý
/oqýshylar kıno tamashalaıdy/ - Balalar, bizder ne kórdik?

4. Jańa taqyryptyń mazmunyn ashý
- Taqtaǵa nazar aýdaraıyq! Sender almanyń nemese qarbyzdyń ishindegi tuqymyn kórdińder me? Kóptegen ósimdikter tuqymnan ósedi. Tuqymdar: usaq, iri, jumsaq, qatty bolyp keledi. Olardyń pishinderi men tústeri bolady. Balalar, qarbyzdyń tuqymynan kúnbaǵys ósip shyǵa ma?
Joq, árıne.
Esterińizde bolsyn, órik, alhory, shıe jáne alshanyń tuqymdary súıek bolady.