InfoHub Logo

Taqyryby: Uly - Abaı, dana - Abaı, dara - Abaı
Maqsaty: Uly aqynnyń danalyq sózderin taldap, maǵynasyna kóńil bólip, este saqtap, parasatty aqyn ekendigin dáleldeı otyryp nasıhattaý. Shákirtterge babamyzdyń el birligi, urpaq keleshegi, adam janynyń rýhanı tazalyǵy jaıly oı - tolǵaýlaryn sezindire otyryp, olardy Otan súıgishtikke, ultjandylyqqa jáne adamdyq asyl qasıetterge tárbıeleý.

Jospary:
1 - bólim. Abaı ómirine sholý.
2 - bólim. Jyl mezgilderine saıahat.
3 - bólim. Kórinis «Bala Abaı»
4 - bólim. Eskirmeıtin esti sóz.
5 - bólim. Bes asyl is, bes dushpan.
6 - bólim. Abaı óleńderin mánerlep oqý.

Júrý barysy:
- Qurmetti, ustazdar, ata - analar, oqýshylar! Sizderge zor densaýlyq, molshylyq tileı otyryp, búgingi 4g synybynda «Uly - Abaı, dana - Abaı, dara - Abaı» atty tárbıelik sharamyzdy ashýǵa ruqsat etińizder!
1 - bólim. Abaı ómirine sholý.
- Balalar Abaı atamyz týraly ne bilemiz? Sony eske túsireıik.
Toptastyrý

- Endi myna sýretke qarańdar. Bul sýrette kimder beınelengen?
2 - bólim. Jyl mezgilderine saıahat.
- Jyl mezgilderin kim ataıdy?
- Qazir jyldyń qaı mezgili? (Óleńniń shyǵý tarıhymen tanystyrý.
Aqynnyń shyǵarmashylyqpen erkin aralasýy 1860 jyldar boldy. Ol kezde Abaı óleńderin basqa attarmen jarıalaǵan, tek 1886 jyly «Jaz» degen óleńinen bastap óz atyn qoıa bastaıdy.

Júrgizýshi: Ústi – basy – aq qyraý, túsi sýyq
Basqan jeri syqyrlap, kelip qaldy - bul qaı óleńnen alynǵan úzindi?
Endeshe ortamyzǵa «Qys» mezgilin shaqyramyz.

1 - oqýshy: Qys.
Aq kıimdi, deneli, aq saqaldy,
Soqyr, mylqaý, tanymas tiri jandy.
Ústi - basy aq qyraý, túsi sýyq,
Basqan jeri syqyrlap, kelip qaldy.
Dem alysy – úskirik, aıaz ben qar,
Kári qudań – qys kelip, álek saldy.
Ushpadaı bórkin kıgen oqshyraıtyp,
Aıazbenen qyzaryp ajarlandy.
Bulttaı qasy jaýyp eki kózin,
Basyn silikse, qar jaýyp, mazańdy aldy.
Borandaı burq - sarq etip doldanǵanda,
Alty qanat aq orda úı shaıqaldy.

Júrgizýshi:
Jazǵytury qalmaıdy qystyń syzy,
Masatydaı qulpyrar jerdiń júzi.
Jan - janýar, adamzat antalasa,
Ata - anadaı eljirer kúnniń kózi - bul qaı óleńnen alynǵan úzindi?
Endeshe ortaǵa «Kóktem» mezgilin shaqyramyz.

2 - oqýshy: Jazǵytury
Jazǵytury qalmaıdy qystyń syzy,
Masatydaı qulpyrar jerdiń júzi.
Jan - janýar, adamzat antalasa,
Ata - anadaı eljirer kúnniń kózi.
Jazdyń kórki enedi jyl qusymen,
Jaırańdasyp jas kúler qurbysymen.
Kórden jańa turǵandaı kempir men shal,
Jalbańdasar óziniń turǵysymen.
Qyrdaǵy el oıdaǵy elmen aralasyp,
Kúlimdesip, kórisip, qushaqtasyp.
Sharýa qýǵan jastardyń moıyny bosap,
Sybyrlasyp, syrlasyp, maýqyn basyp.
Túıe bozdap, qoı qozdap - qora da shý,
Kóbelekpen, quspenen saı da dý - dý.
Gúl men aǵash maıysyp qaraǵanda,
Sybdyr qaǵyp, burańdap aǵady sý.