InfoHub Logo

InDrive kompanıasynyń negizin qalaýshy, mıllıarder Arsen Tomskıı jeke ómirindegi jańalyqpen bólisti. Ol óziniń súıiktisi, qazaqstandyq Kamıla Lýkpanovamen nekege turdy. Bul týraly bıznesmen Instagram paraqshasynda habarlady.

Bul týraly Infohub.kz aqparat agenttigi habarlaıdy.

Toıdyń estelikteri

Saltanatty shara Arsen Tomskııdiń jarynyń týǵan qalasy Oralda ótti. Onda dástúrli «syrǵa salý» jáne «quda túsý» rásimderi jasaldy. Tomskıı bul kúnniń erekshe bolǵanyn, týystary men dostarynyń qatysýymen ótkenin aıtty. «Adamgershilik jylýy men mahabbatty sezingen tamasha sátter boldy. Jańbyr toqtap, barlyǵymyz bir-birimizge jaqyndap, úıdiń ishi odan da jyly ári jaıly boldy. Kamılaǵa, otbasylarymyzǵa, dostarymyzǵa jáne janymyzda bolǵan barshaǵa alǵys aıtamyn. Bul meniń ómirimdegi eń jaqsy kúnderdiń biri», - dep jazdy ol.

Bıznesmen toıdan qysqa beınerolık pen jarymen birge túsken sýretin jarıalady. Ol sondaı-aq, ıakýt jáne qazaq halqynyń áshekeılerin kórsetip, «eki jaqyn halyqtyń odaǵynyń ádemi belgisi» dep atap ótti.

Kamıla Lýkpanova týraly

Arsen Tomskıı Kamıla Lýkpanovany «erekshe jan» dep sıpattap, onymen birge ótkizgen eki jylda óziniń kóp nársege úırengenin aıtty. «Mahabbatyń, qoldaýyń jáne birge ótken jolymyz úshin raqmet», - dep jazdy ol.

Arsen Tomskıı 1973 jyly Iakýtıada týǵan. Matematıka fakúltetin bitirip, 2013 jyly inDriver servısin qurdy. Ýkraınadaǵy soǵys bastalǵannan keıin reseılik azamattyǵynan bas tartyp, 2023 jyldyń jeltoqsanynda Qazaqstan pasportyn aldy. 2022 jyly kompanıanyń bas keńsesi tolyǵymen Qazaqstanǵa kóshirildi. Forbes Kazakhstan málimetinshe, onyń baılyǵy 920 mıllıon dollarǵa baǵalanyp, 2024 jyldyń mamyrynda eldegi eń baı adamdar qatarynda 10-shy orynǵa ıe boldy.

Al Kamıla Lýkpanova – Almaty Tourism Bureau jáne qoǵamdyq keńistikter qurý jobalaryn júzege asyratyn TANA qorynyń negizin qalaýshy. Ol jýrnalısıka mamandyǵyn alǵan, sondaı-aq álemniń jetekshi ýnıversıtetteriniń birinde ǵylym magıstri dárejesin alǵan.

Tomskıı óziniń qazaqstandyq jary týraly alǵash ret bir jyl buryn jarıa etken bolatyn.