InfoHub Logo

Tárbıe saǵatynyń taqyryby: Urpaqqa úlgi bolǵan erlik
Maqsaty:
Bilimdiligi: Aýǵan soǵysynyń tarıhı maǵynasyn ashyp, oqýshylarǵa túsindirý.
“Aýǵan soǵysy” jaıly tereńirek bilip taný, soǵys ardagerleri týraly málimet alý.
Damytýshylyq: Tarıhı derekterdiń mańyzdysyn asha bilýge jáne materıaldardy dıalektıkalyq turǵydan taldaı bilýge daǵdylandyrý.
Tárbıelik: Aýǵan soǵysynyń ardagerlerin qurmetteý, jas urpaqtyń patrıottyq sezimderin oıatyp, Otan úshin otqa túsip qyrshynynan qıylǵan, jat jerde kóz jumǵan Qazaqstan azamattaryn eske alý, jaýyngerlerdiń qysqa ǵumyrynan úlgi - ónege, tarıhı taǵylym berý, oqýshylardyń sóıleý mádenıetin damytý, eljandylyqqa, otansúıgishtikke, izgilikke baýlı otyryp tárbıe berý.
Kórnekiligi: Taqyrypqa saı slaıd, ınteraktıvtik taqta

Tursynbek:
Soǵys - jan alyp, jan berý.
Soǵys - halyqtyń basyna kelgen qasiret, jut.
Keńes áskerleriniń Aýǵan jerinen shyǵarylǵanyna 26 jyl tolýyna baılanysty
«Urpaqqa úlgi bolǵan erlik» taqyrybyndaǵy tárbıe saǵatymyzdy ashyq dep jarıalaımyz.

Sandýǵash:
Aýǵanstan... Biz ol týraly biz ne bilemiz? Aýǵanstan bul - erteden qalyptasqan musylman memleketi. Biraq bul el bizge umytylmas qaıǵy men qasiret ákeledi dep eshqashan oılaǵan emespiz. Bireýdiń júrek jarar ulyn, bireýdiń arqa súıer baýyryn julyp áketerin kim bilgen?!

Tursynbek:
Aýǵan soǵysy — KSRO Qarýly kúshteriniń Aýǵanstanǵa basyp kirip, onyń ishki isterine qol suǵýy saldarynan tutanǵan soǵys. KOKP jáne KSRO basshylyǵy Aýǵanstandaǵy 1978 jylǵy sáýir tóńkerisi nátıjesinde bılikke kelgen “halyqtyq - demokratıalyq úkimetti” qoldap, kórshiles eldiń sosıalısik baǵytpen damýyn kózdep, “ınternasıonaldyq áskerı járdem beremiz” degen jeleýmen onyń ishki isterine aralasty. Bul “qyrǵı qabaq soǵys” kezeńi ótkennen keıingi ýaqytta da KSRO - nyń ózge elderdi óz yqpalyna qaratý saıasatynyń aıqyn kórinisi edi.

1 - oqýshy - Sharafat
Ne boldy eken, kóńilim tynshymaıdy,
Kim boldy eken basatyn gúl shyraıdy.
Endi ǵana nurlanǵan bul ómirdiń
Aq jolynan alysta júrshi, qaıǵy.?!
Úzildi gúl búrshik atqan jańadan,
Qıyldy ómir, endi ǵana jańarǵan.
Naz kóńilder sý sepkendeı basyldy,
Tógildi jas jabyrqaýly janardan.
Soǵyp ótti tirshiliktiń yzǵary
Bolǵany ǵoı... osy ómirdi buzǵany.
Sýyq lebi júrekke kep ornady,
Biraq bul sát ýaqytynan ozbady.
Álemge ortaq aspan da, juldyz, Aı da, Kún...
Qýanysh ta kóp, qaıǵymyz da kóp aıtatyn.
Bári de ortaq, tek shekaralar arada
Átteń, tek sodan kóńilim meniń qaıtatyn.
Talassyn tańy, kúnmenen birge shaǵylsyn,
Beıbitshiliktiń juldyzy kókten jaǵylsyn.
Judyryqtaı bop jumylǵan jumyr jerimniń
Basynan taısyn bar jamandyǵy arylsyn.
Álemniń jany, bir bolsa eken, tilegi,
Tek beıbitshilik dep soqsa eken júregi.
Qıynshylyqta birine - biri súıenish,
Bolsa eken deımin qoldaýshy ári tiregi.
Qazaqstanym, kógersin, gúl bop jaınasyn,
El - jurtyń kúnin beıbitshiliktiń toılasyn.
2030, odan da ári máńgilik
Basyńnan baǵyń, qasyńnan qutyń taımasyn.

2 - oqýshy - Aqarys
Umytpaıdy artta qalǵan urpaǵyń
Eske alady jyl saıyn
Ómir úshin órtenip ketkenderdi.
Al búginde maqtan eter urpaqtary
Jeńis alyp eline jetkenderdi.
Tynyshtyq bop máńgi osylaı tursa kún,
Jas búldirshin jaǵa berer jyr shamyn.
Súıem seni, qasıetti mekenim,
Máńgi seni ánmen jelpip ótemin.
Sende ǵana kóterilem bıikke,
Sende ǵana armanyma jetemin..

Tursynbek:
1979 jyly Aýǵanstan jerinde bolǵan zulmat soǵysta Keńes áskerleri qaıtalanbas qaharmandyq tanytty. Meıli ózge elde bolsyn, halyqtyń tynyshtyǵyn qalaǵan batyrlarymyzdyń basym bóligi sol bir sum jyldarda maıdan dalasynda qaza tapsa, taǵy biri iz - tússiz joǵalyp ketti.

Sandýǵash:
Bıylǵy jyly Keńes áskerleriniń Aýǵan jerinen shyǵarylǵanyna 26 jyl tolyp otyr. Aýǵan soǵysynyń qandy qyrǵynynan aman – esen oralǵanymen, jandary jaraly 18 myńnan astam qazaqstandyq ardager ortamyzda júr. Olardyń dushpan oǵynan qaza tapqan maıdandas dostaryn sońǵy saparǵa shyǵaryp salyp turyp, kózderi jasqa, júrekteri muńǵa tolǵan shaqtary kóp. Sonda da ata - baba rýhyna daq túsirmeı elge abyroımen oraldy. Maıdan dalasynda janqıarlyq pen qaharmandyǵy úshin on myńdaǵan qazaqstandyq orden - medaldarmen marapattaldy.
Urpaqqa úlgi bolǵan erlik júkteý