InfoHub Logo

Taqyryby: Ustazy jaqsynyń – ustamy jaqsy (saıys)
Maqsaty: Oqýshylardyń ustazyna degen qurmetin, bilimimen, ónerimen, tapqyrlyǵymen, shapshańdyǵymen kórsete bilýge tárbıeleý.
Kórnekiligi: slaıd, maqal - mátelder, topshamalar, qıma sýretter.

Barysy: Kirispe bólim:
Júrgizýshi:
Jan shýaǵy, kún shýaǵy araı ma,
Ustaz degen áýlıedeı talaıǵa.
Basyn ıip ótken joq pa biz túgil,
Ál - farabı, Omar Haıam, Abaı da.

Júrgizýshi:
Qaıyrly kún, ustazdar men qonaqtar!
Armysyzdar, qazylar alqasy jáne saıyskerler!

Júrekten óleń tógip, qosqan jyrǵa,
Tulpardaı toptan ozǵan júırik tulǵa.
Qoshemettep, asyl halqym, qol soǵyńdar,
Saıysqa qatysýshy tulǵalarǵa.

1 - júrgizýshi:
Qatysýshy ustazdardy, súıikti shákirtterimen ortaǵa shaqyraıyq!

Ustazdarym, bıik tulǵa baısaldy,
Qushaq jaıyp, óz merekeń qarsy aldy.
Kýanyshty jarqyn tilek bildirip,
Quttyqtaımyz, ustazdarym, barshańdy!

Júrgizýshi:
Kim jeńedi baıqaýda úmit alda,
Qobaljý bar, júrekte kúdik barda.
Qazy alqasy atyndy aqta,
Júırikterge arman men baqyt jolda,- deı kele baıqaýdyń qazylar alqasymen tanys bolyńyzdar:
.....................

Júrgizýshi:
Ustazdar, jan, anamdaı aıalaǵan,
Kóleńkeli báıterek saıalaǵan.
Aınaldyq, meırimdi júregińnen,
Shákirtterden óz baqytyn aıamaǵanİ

saıys baǵdarlamasymen tanystyryp óteıik.
1) Tanystyrý
2) Ónerli órge júzedi(ónerlerin kórsetý.)
3) Bilim ınemen qudyq qazǵandaı
(Sýret qurastyrý, tapsyrmalar oryndaý)
4) Tapqyr bol da, sheshen bol.
(Jumbaq sheshý, sheshýin 3 tilde aıtý, sheshýine baılanysty maqal aıtý.)
5) Suraq – jaýap

Júrgizýshi:
Shaqyryp jarystarǵa san salaly,
Jetekshiler bárińe jar salady,
Tý etip dostyqpenen tatýlyqty,
Saıystyń múshelerin qarsy alady.-
dep óleń jolyna qosyp jyrlaǵandaı ustazdardyń bilimdi, tapqyr shákirtterimen saıysyn bastaıyq.

1 - kezeń. Tanystyrý.
Ár synyp jetekshisi shákirtimen birge óz qalaýymen tanystyrady.

Júrgizýshi:
Ustaz bolý júrektiń batyrlyǵy,
Ustaz bolý – sezimniń aqyndyǵy,
Ustaz bolý – minezdiń kún shýaǵy,
Azbaıtuǵyn adamnyń altyndyǵy.

2 - kezeń. Ónerli órge júzedi. «Óner kórsetý»
Júrgizýshi:
Sýaryp izgi tilekpen,
Janyma meniń gúl ekken.
Qıyndyqty birge kórgen,
Qymbatsyń maǵan ustazym!

3 - kezeń. Bilim ınemen qudyq qazǵandaı. ( Sýret qurastyrý, tapsyrma oryndaý.)
Qurastyrǵan sýretke qarap esep qurastyrý nemese áńgime quraý.
Júrgizýshi:
Dana da basyn ıetin,
Daryndy sheksiz súıetin.
Jadymda máńgi júretin,
Qymbatsyń maǵan ustazym!

4 - kezeń. Tapqyr bol da, sheshen bol. ( Jumbaq sheshý, sheshýin 3 tilde aıtý, sheshýine baılanysty maqal aıtý.)
1) Aqyl – oıdyń shyraǵy,
Záýlim kókteı shynary.
Bıigine boılaǵan,
Qanbaıdy adam qumary.( bilim)

2) Ózim dybystardan turamyn,
Áripterden tańbalanyp jazylamyn. (sóz)

3) Birde tómen, birde shyǵyp joǵary,
Sóz - sóıleseń qozǵalysta bolady. (til)

4) Bilimniń dánin teredi,
Balaǵa tálim beredi. (ustaz)

5) Bilimnen mol syı – asy
Balǵyndardyń uıasy. ( mektep)

6) Tóbeden tónedi,
Tamshysyn tógedi.
Sol kezde qaýlap,
Báısheshek ónedi. ( jańbyr)

Júrgizýshi:
Bilimniń káýsar bulaǵyn,
Júresiń quıyp sanama,
Biz úshin sensiń - muǵalim,
Ustaz da, ǵylym dana da.

5 - kezeń. Suraq – jaýap.
№1
1) Dybys neshege bólinedi?
2) Qosýdy nemen tekseremiz jáne qalaı tekseremiz.
№2
1) Daýyssyz dybystar neshege bólinedi?
2) Azaıtýdy qalaı tekseremiz?
№3
1) Zat esim degenimiz ne? mysal keltir.
2) Kóbeıtýdiń komponentterin ata jáne qasıetterin ata?
№4
1) Etistik degenimiz ne? Mysal keltir.
2) Belgisiz kóbeıtkishti qalaı tabamyz?
№5
1) Syn esim degenimiz ne? Mysal keltir.
2) Belgisiz bólingishti qalaı tabamyz?
№6
1) San esim degenimiz ne? Mysal keltir.
2) Belgisiz bólgishti qalaı tabamyz?
Bilimniń káýsar bulaǵyn,
Júresiń quıyp sanama,
Biz úshin sensiń - muǵalim,
Ustaz da, ǵylym dana da.
Baıqaýdyń qorytyndysy shyǵarylyp, jeńimpazdar maqtaý qaǵazdarymen, syılyqtarmen marapattaldy.