InfoHub Logo

Uıymdastyrylǵan oqý is – áreketiniń tehnologıalyq kartasy
Bilim berý salasy: «Tanym»
Bólimderi: Qorshaǵan orta
Taqyryby: Úı janýary - mysyq
Maqsaty: Balalarǵa úı janýary – mysyqty tanyp, bilýge úıretý. Geometrıalyq pishinderdi paıdalanyp mysyqty qurastyryp, sýretterdi salystyra bilýge úıretý. Sózdik jumys arqyly tilderin damytý. Oıyn ústinde ujymdyq sezim áreketterine tárbıeleý. Sabaqqa degen qyzyǵýshylyǵyn arttyrý.
Kórneki quraldar: Úı janýarlarynyń sýretteri, mysyqtyń birneshe sýreti,
táj – mysyq, sebet, jipter.
Ádis - tásilder: Kórsetý, túsindirý, úıretý, salystyrý, suraq – jaýap, oıyn.
Jeke jumys: ár balamen, toppen.
Pán aralyq baılanys: matematıka, til damytý.
Sózdik jumys: mysyq – koshka.

Motıvasıalyq - qozǵaýshylyq
- Balalar, bizge búgin qonaqtar keldi, qane sol kisilermen amandasaıyq:
Aspan túrdi túndigin,
Jerge jylý jaıyldy.
Netken ashyq kún búgin
Qaıyrly tań, qaıyrly.

Uıymdastyrý – izdestirý

Balalar endi oryndaryńa otyryńdar. Búgin qorshaǵan ortamen tanysý sabaǵynda úı janýarlarynyń birimen tanysamyz, ol qanadaı janýar ekeni ázirge qupıa, tek men aıtqan jumbaqty sheshseńder ǵana biletin bolasyńdar.
Jumbaq:
Óz quıryǵyn ózi qýyp oınaıdy,
Dopty kórse domalatyp qoımaıdy,
Beti qolyn qaıta - qaıta jýady,
Tyshqandardy úıimizden qýady.
- Jaraısyńdar balalar, endi myna úı janýarlary sýretiniń ishinen mysyqty kim kórsetedi.
- Endeshe biz taqtada tek mysyqtyń sýretin qaldyraıyq. Mysyq úı janýary, onyń paıdasy kóp, ol júrgen jerde tyshqan bolmaıdy. Mysyq erkelegish, balalarmen oınaǵanda jáne sút ishkendi unatady. Ózine jarasar daýsy bar, qandaı?
Mysyqty «kıs - kıs» dep shaqyryp, sıpap, kishkene sút quıyp beremiz. Onyń júni taqyr bolady, qulaqtary tikireıgen quıryǵy uzyn myna sýrettegideı. Qalaı oılaısyńdar mysyqty jelkesinen qysyp, quıryǵynan súırep jábirleýge bola ma?
- Balalar, myna eki mysyqty salystyraıyq ta ereksheligin aıtaıyq?

Jaraısyńdar, endi myna sýrettegi mysyqqa qaraıyq, oǵan ne jetispeıdi.?

- Balalar myna sýrette ne qurastyrylǵan?
- Endi taqtadaǵy sýretke qarap, dál sol sıaqty mysyq qurastyryp, japsyramyz.
Qane, balalar eki topqa bólinip turamyz.
Myna pishinderdi paıdalanyp. qurastyramyz Osy pishinderdiń ataýlaryn ataıyq.
Mynaý qandaı pishinder?
Osylaısha dóńgelek, tórtburysh, úshburyshty aıtyp shyǵamyn.

Keremet, ádemi mysyq boldy, ol jaıynda biletin taqpaǵymyzdy aıtaıyq:

- Balalar mysyqtyń jaqsy kórip oınaıtyn oıny «Jip shatystyrý». Ájelerimizdiń shulyq toqıtyn jipterin domalatyp, shatastyryp oınaıdy, ázir biz mysyq bolyp, jiptermen oınaımyz
- Balalardyń basyna mysyqtyń maskasyn kıgizip qoıamyn.
Oıyn sharty: «1 - 2 - 3 oıynǵa tús!» - degende myna sebettegi jipterdi shashyp domalatyp jiberesińder, sosyn olardy taýyp qaıtadan sebetke tezirek jınaısyńdar. Kim tez jınasa, sol jeńimpaz mysyq bolady.
Kelesi oıynymyz «Baıqaǵysh» dep atalady.
Oıyn sharty: Mysyqty oılap, kózderińe elestetip, eske túsirip, meniń suraqtaryma jaýap berińder.
1. Mysyqta qansha qulaq bar?
2. Mysyqta qansha aıaq bar?
3. Mysyqta qansha quıryq bar?
4. Mysyqtyń qulaǵy uzyn ba, Quıryǵy uzyn ba?
- Balalar dóńgelene turaıyq
Sheńberdi biz quraıyq
Sharshaǵandy basyp
Boı sergitip alaıyq

Sergitý sáti:
Mysyǵym - aý, mysyǵym,
Kózi syǵyr qysyǵym
Mysyǵymnan aınaldym
Pyryldaǵan pushyǵym
- Balalar, endi «Tólderin tap» oıynyn oınaımyz. Myna jerde úı janýarlary men olardyń tólderi tur.
- Biraq olar bir - birinen ajyrap qalypty.
- Sender solardy bir - birine qosasyńdar.
Úı janýary - mysyq júkteý
Úı janýary - mysyq slaıdty júkteý