InfoHub Logo

                      (Tolǵaý)  

Allanyń aq jolynan adastyryp,

Adamzat sanasyna salǵan búlik.

Jahanǵa Keńes atty kelgen zaman

Dińdarlardyń aýyzyna salyp qulyp

Islam dini dińgegin almaq julyp.

Bolǵanda dindarlar az qyryldy ma ?

Kúńirendi el,

Kúızeldi el, eńiredi,

Ádiletsizdik jegi qurttaı kemiredi.

Aıyrylǵan din piradarlar abyzdardan

Eńsesi  ezilmeıtin temir me edi?

Áıtse de shydap berdi sabyr saqtap,

Al Keńes dindarlardy jatty dattap.

Abaısyz atyn aıtqan aıyptalyp,

O dúnıe bosaǵasynan jatty attap.

Áıtse de dinge senim berik edi,

«Allanyń ózi de ras, sózi de ras» deýmenen

 Jer ana  qoıynyna enip edi.

Saqtaǵandar Allany júreginde

Din qaıta oralar dep senip edi.

Aqylǵa qashandaǵy senim serik

Jan eken deıtinderdiń dini berik,

Saýatsyz bolýy da ǵajap emes,

Áıtse de bas tartpady dinnen jerip.

Negizin sol senimniń qalap Alla,

Damytqan  ustaz desek daýyń bar ma?

Sol ustaz kimder edi qıyn sátte

Din úshin qarsy shyqqan qalyń jaýǵa?!

Alashqa Islamdy  tanystyrǵan,

Ǵasyrlarda bizden shalǵaı alys turǵan.

Iassaýı, onan bermen Beket ótken,

Áýlıe qalyń qazaq táýap qylǵan.

Bulardyń Islam úshin orny erek,

Isabek Ishan Ertis óńirin nurǵa bólep,

Óńirge ıslam dinin taratýshy

Ishandy qýattady el táńir jebep.

Máshhúrdi qalaı aıtpaı tura alamyz,

Atanǵan bala Máshhúr, asqan zerek.

Sol Máshhúr ortamyzdan shyqqan jaryp,

Jatyrmyz áýlıeni jańa tanyp.

Esimin Aqbalyqtyń estigende,

Biraz el qalǵany anyq qanattanyp.

Umyttyq esimderin umyttyrǵan,

Keńes ed Islamdy shalǵan qurban.

Allany umyttyra almady ol,

Talaıyn taıtalasta Qudaı urǵan.

Eńbegi ustazdardyń tek ketpepti,

Dinsizder julynsa da  julyp kókti.

Qalyń jurt qalǵan tipten dindarlarsyz,

Bildirmeı bir áreket bastap ketti.

Jatarda «Bismillá» de- shoshymaısyń,

Dalada «bismillá» dep otyrǵaısyń.

Turǵanda Alla óziń ońǵar joldy,

Ótkende beıit  qasynan  qolyń jaıyp,

«Allahýakbar» tıe bersin deseń boldy.

Urpaqtyń  qulaǵyna quıyp kúnde,

Qudaı joq degen sózdi umyttyrdy.

Úlkender qıyrdaǵy aýyldarda

Ashatyn aýyzdaryn bir Alla dep,

Namazyn oqyp bir sát damyldarda

Allanyń shúkir der ed bergenine,

 Din aman  orazany kórgenine.

Dinsizder bul amaldan beıhabar ed,

 Alla dep tili shyqqan jórgeginde.

Sińirdi ata saltty sanasyna,

Alashtan ata salty qalǵan mura.

Kishireı kishireıgenge qulyń emes,

Menmenge kúniń úshin quldyq urma.

Bireýdi bireýmen atystyryp,

Ósek aıtyp el jurtty shatystyryp,

«Áı, kápir» atanýdan saqtan, balam.

Keýdeńdi kókke máńgi kótermegin,

Sát túsip shyńǵa shyqsań kúniń týyp.

Eshqashan kisi aqysyn jemegeısiń,

Jón sózge

Meniki jón demegeısiń.

Urlyq  túbi, qaraǵym, qorlyq degen,

Álsizdi kúshiń jetse demegeısiń.

Saýap bar, obal baryn este ustaǵyn,

Ol saýap qolyń sozsań janǵa jarym.

Ol obal tartyp alsań qolda baryn,

Osylaı tálim alǵan ulandardyń

Taıǵany durys joldan jalǵyz jarym.

Zorlyq pen zombylyqqa jol berilgen,

Zamanda ketik tisti kempirlerdi

O, táýba-aı, shynymdy aıtsam, saǵynamyn.

Qatygez urpaqtardy jónge salar

Aǵaıyn aıtshy bolsa bir amalyn.

Urpaǵyń ary taza, jany taza,

Eshqashan el búldirip baspas jaza.

Túrmede ómir ótip tartsa jaza,

Jaryq kúni janyńnyń jubanyshy.

Ne paıda myna ómirde barlyǵyńa

Urpaǵyń  bala jastan ardy mura.

Deseńiz

Tizginin tárbıeniń qolyńda usta,

Kelmekshi sonda ornyna barlyǵy da.

Ata din, ata saltyn ardaqtaǵan,

Ósirgen ata- anasyn zarlatpaǵan.

Islam dinin serik qyp óskenderdiń

Astyna tar qapasta nar batpaǵan.

        

Cúleımen Baıazıtov

 

---