Atyraýda muǵalimder biliktilikterin arttyrdy
Atyraýda muǵalimderdiń sıfrlyq saýattylyǵy joǵarylaýda. Muǵalimderdi oqytý semınary «Sıfrlyq Qazaqstan» baǵdarlamasy aıasynda ótýde, dep óńirlik komýnıkasıalar qyzmeti habarlaıdy.
Oqý semınarlary H.Dosmuhamedov atyndaǵy Atyraý memlekettik ýnıversıtetiniń kitaphanasynda uıymdastyryldy.
«Trenıń tórt deńgeıde ótedi. Birinshisi kompúterlik jáne mobıldi gadjetterdi paıdalaný daǵdylaryn qamtıdy, ekinshisi tranzaksıalyq daǵdylardy, sondaı-aq, «elektrondyq jáne ashyq úkimet» qyzmetterin paıdalaný, qyzmetterdi alý jáne tóleý, úshinshi deńgeı ǵalamtorda taýarlardy jáne qyzmetterdi satyp alýǵa, satýǵa jáne taratýǵa baılanysty, tórtinshi - sıfrlyq qurylǵylardy paıdalaný daǵdysy»,- deıdi Atyraý oblysy ákim apparatynyń aqparattyq tehnologıalar bólimi meńgerýshisi mindetin atqarýshy Nurlybek Daýylbaev.
Eki kúndik semınarlarǵa qaladan emes, aýdandardan da kelgen muǵalimder qatysýda. Qazirgi kezde 87 muǵalim sıfrlyq saýattylyǵyn arttyrdy.
«Muǵalim únemi óz-ózin damytyp otyrýy kerek. Mundaı semınarlar ýaqyt aǵymynan qalmaýǵa múmkindik beredi», - dedi Qurmanǵazy aýdanynan kelgen ınformatıka pániniń muǵalimi Nurbolat Ýtekov.
You Might Also Like
